ရေနံဈေးကျမှုနှင့် နိုင်ငံရေးအခြေအနေက မြန်မာ့စီးပွားရေးကို ၀န်ထုတ်ဝန်ပိုး ဖြစ်စေမည်

ဧပြီ ၁၄၊ ၂၀၁၅
M-Media

– ရေနံဈေးနှုန်းကျဆင်းမှုနှင့် ယခုနှစ်ကုန်ပိုင်းတွင် ကျင်းပပြုလုပ်မည့် ရွေကောက်ပွဲနှင့် ပတ်သက်သည့် မသေချာမှုများက နိုင်ငံ၏ စီးပွားရေးကို ၀န်ထုတ်ဝန်ပိုးဖြစ်စေမည်ဟု မြန်မာနိုင်ငံ၏ စွမ်းအင်ဝန်ကြီး ဦးဇေယျာအောင်က ပြောကြားခဲ့သည်။

Channel NewsAsia နှင့် အင်တာဗျူးတွင် ၎င်းက ထိုကဲ့သို့ ပြောကြားခဲ့ခြင်းဖြစ်ပြီး ရေနံလုပ်ကွက်များ လေလံပေးခြင်းကိုလည်း ယခုနှစ်တွင် ရပ်တန့်ထားမည်ဟု ဆိုသည်။ ထို့ပြင် ရေနံဈေးများ သိသိသာသာထိုးကျနေခြင်းက နိုင်ငံအတွင်း ဆောင်ရွက်နေသည့်
နိုင်ငံခြားရေနံကုမ္ပဏီများအားဖိအားများဖြစ်စေသည်ဟုလည်း ၎င်းက ထပ်လောင်းပြောကြားခဲ့သည်။

“ကမ်းလွန်စီမံကိန်း ၄ ခုကို လုပ်ဆောင်နေတဲ့ နိုင်ငံခြားကုမ္ပဏီတွေကို တော်တော်လေး ရိုက်ခတ်နေပါတယ်။ နိုင်ငံရဲ့ စီးပွားရေးနဲ့ နိုင်ငံရေးဆိုင်ရာ အခြေအနေတွေကြောင့် လေလံကို ဒီနှစ် ပေးလောက်မှာမဟုတ်ဘူးလို့ ကျွန်တော်ထင်ပါတယ်” ဟု စင်ကာပူတွင် ကျင်းပပြုလုပ်သော ဖိုရမ်သို့ တက်ရောက်လာသည့်ဟု ၎င်းက ပြောကြားခဲ့သည်။

Reuters သတင်းဌာနကမူ မြန်မာနိုင်ငံမှာ ၂၀၁၅ ခုနှစ်အတွင်း ရေနံနှင့် သဘာဝဓာတ်ငွေ့ လုပ်ကွက် ၅ ခုကို လေလံပေးရန် လျာထားသည်ဟု နိုင်ငံပိုင် မြန်မာ့ ရေနံနှင့် သဘာဝဓာတ်ငွေ့လုပ်ငန်းမှ တာဝန်ရှိသူ ဦးသန်းထွန်း၏ ပြောကြားမှုကို ကိုးကား၍ ပြီးခဲ့သည့်နှစ် အောက်တိုဘာလတွင် ဖော်ပြခဲ့သည်။ ၂၀၁၄ ခုနှစ် မတ်လတွင် မြန်မာနိုင်ငံမှာ လုပ်ကွက် ၂၀ အား နိုင်ငံခြား ရေနံကုမ္ပဏီများသို့ လုပ်ပိုင်ခွင့် ပေးခဲ့သည်။

ယခုနှစ်မတ်လက ကုန်ဆုံးခဲ့သည့် ၂၀၁၄-၂၀၁၅ ဘဏ္ဍာရေးနှစ်အတွင်း မြန်မာနိုင်ငံ၏ ရေနံနှင့် သဘာဝဓတ်ငွေ့ကဏ္ဍ၌ တိုက်ရိုက်ရင်းနှီးမြှုပ်နှံမှု စုစုပေါင်း ကန်ဒေါ်လာ ၃.၆ ဘီလီယံရှိခဲ့ပြီး နိုင်ငံခြားမှ တိုက်ရိုက် ရင်းနှီးမြှုပ်နှံမှု FDI ပမာဏ စုစုပေါင်း၏ ၄၅ ရာခိုင်နှုန်း ရှိခဲ့သည်။ ပြီးခဲ့သည့်နှစ်အတွင်း မြန်မာနိုင်ငံ၌ နိုင်ငံခြားကုမ္ပဏီများ၏ တိုက်ရိုက်ရင်းနှီးမြှုပ်နှံမှုမှာ ကန်ဒေါ်လာ ၆ ဘီလီယံရှိခဲ့ကာ အစိုးရ၏ မျှော်မှန်းချက်ထက် ၂ ဆနီးပါး ရှိခဲ့သည်။

မြန်မာ့ ရင်းနှီးမြှုပ်နှံမှု ကော်မရှင်၏ ဥက္ကဌတစ်ဦးလည်းဖြစ်သူ ဦးဇေယျာအောင်က ရေနံကဏ္ဍတွင် နှေးကွေးမှုကြောင့် ၂၀၁၅-၂၀၁၆ ဘဏ္ဍာရေးနှစ်အတွက် FDI ပမာဏကို အစိုးရက ကန်ဒေါ်လာ ၆ ဘီလီယံရှိမည်ဟု မျှော်မှန်းထားကြောင်း ပြောကြားခဲ့သည်။

“ဒီနှစ်မှာ ကျွန်တော်တို့ဟာ ရေနံဈေးကျတဲ့အခြေအနေတွေရှိနေတယ်။ ပြီးတော့ နိုင်ငံရေး မတိုးသာမဆုတ်သာ အခြေအနေလည်း ရှိနေပါတယ်” ဟု ၎င်းက ဆိုသည်။ သို့သော်လည်း နိုင်ငံ၏ ထိုးထွက်စ ကုန်ထုတ်လုပ်ငန်းတွင် ရင်းနှီးမြှုပ်နှံမှု ပိုမိုဝင်လာမည်ဟု မျှော်လင့်ထားကြောင်း ၎င်းက ထည့်သွင်းပြောကြားခဲ့သည်။

Ref: Channelnewsasia