အီဗရာဟီမိုဗစ် မပါသော်လည်း ပီအက်စ်ဂျီက အနိုင်ယူသွားနိုင်သည်ဟု အန်းရစ်ပြော

ဧပြီ ၁၅၊ ၂၀၁၅
M-Media

– အားထားရသည့် တိုက်စစ်မှူး အီဗရာဟီမိုဗစ် မပါဝင်သော်လည်း ပီအက်စ်ဂျီအသင်း၏ ချန်ပီယံလိဂ်ခြေစွမ်းကို အဟန့်အတား ဖြစ်စေမည်မဟုတ်ဘဲ ပီအက်စ်ဂျီမှာ မိမိတို့အသင်းအား အနိုင်ကစားနိုင်ကြောင်း သက်သေပြပြီးဖြစ်သည်ဟု ဘာစီလိုနာနည်းပြ လူးဝစ်အန်းရစ်က ပြောကြားလိုက်သည်။

ဘာစီလိုနာနှင့် ပီအက်စ်ဂျီတို့မှာ ယနေ့ညတွင် ချန်ပီယံလိဂ် ကွာတားဖိုင်နယ် ပထမအကျော့အဖြစ် ကစားရမည်ဖြစ်သည်။ အုပ်စုအဆင့်တွင် ၎င်းတို့ ၂ သင်းမှာ တစ်အုပ်စုတည်းကျရောက်ခဲ့ပြီး ပဲရစ်တွင်ကစားခဲ့သည့်ပွဲ၌ ဘာစီလိုနာက ၃ ဂိုး ၂ ဂိုးဖြင့် ရှုံးနိမ့်ခဲ့ကာ နျူးကမ့်တွင် ကစားရာ ၃ ဂိုး ၁ ဂိုးဖြင့် အနိုင်ရရှိခဲ့သည်။

ထို့ကြောင့် အန်းရစ်က ယခုပွဲတွင် ပွဲပယ်ပြစ်ဒဏ်ကြောင့် အီဗရာဟီမိုဗစ် မပါဝင်ခြင်းနှင့် ပီအက်စ်ဂျီအသင်း၌ ဒဏ်ရာရကစားသမား များပြားနေခြင်းဟူသော အချက်အား အလွန်အားထားမှုက ရူးနှမ်းခြင်းပင်ဖြစ်သည်ဟု ပြောကြားခဲ့သည်။

“ပီအက်စ်ဂျီမှာ အဓိကစားသမား အများအပြား ပါဝင်မှာ မဟုတ်ပါဘူး။ ဒါပေမယ့် ဇလာတန် (အီဗရာဟီမိုဗစ်) မပါတဲ့အချိန်မှာ သူတို့ ကျွန်တော်တို့ကို နိုင်ခဲ့ပြီး ဇလာတန်ပါတဲ့အချိန်က ကျွန်တော်တို့ နိုင်ခဲ့တယ်ဆိုတာကို မမေ့ပါနဲ့။ ဒါ့ကြောင့် ဒီလို ကစားသမားတွေ မပါဝင်မှုရဲ့ အရေးပါပုံကို ဘယ်သူမှ မသိပါဘူး။ စက်တင်ဘာမှာ ကစားခဲ့တဲ့ပွဲက ပွဲကောင်းတစ်ပွဲပါ။ ကျွန်တော်တို့ရှုံးပေမယ့် အခွင့်အရေးတွေ အများကြီးရခဲ့ပါတယ်” ဟု အန်းရစ်က ယမန်နေ့တွင် သတင်းထောက်များအား ပြောကြားခဲ့သည်။

ယနေ့ညပွဲနှင့်ပတ်သက်၍ အန်းရစ်က မိမိတို့အသင်းမှာ နောက်တန်းတိုးတက်အောင် ဆောင်ရွက်ရမည်ဖြစ်ကြောင်း၊ နှစ်ကျော့စလုံးတွင် ဂိုးများရရှိရန် မျှော်လင့်ထားပြီး မိမိတို့နှစ်သင်းစလုံးမှာ တိုက်စစ်ကောင်းကြောင်း ထည့်သွင်းပြောကြားခဲ့သည်။

“ကျွန်တော်တို့ ၂ သင်းစလုံးဟာ တော်တော်လေးတူညီတာကြောင့် ဒီပွဲမှာ ဖွင့်ကစားကြလိမ့်မယ်လို့ ထင်ပါတယ်။ ပီအက်စ်ဂျီက နောက်တန်းကို လုံအောင်လုပ်ပြီး တန်ပြန်တိုက်စစ်နဲ့ ကစားသွားနိုင်ပါတယ်။ ဒီအသင်းမှာ ကြောက်စရာတွေအများကြီး ရှိပါတယ်”

Ref: Goal.com