မထင်မှတ်တဲ့ ရလဒ်အချို့ ထွက်ပေါ်ခဲ့တဲ့ ချန်ပီယံလိဂ် ကွာတားဖိုင်နယ် ပထမအကျော့ ပွဲများ

ဧပြီ ၁၆၊ ၂၀၁၅
M-Media

– ချန်ပီယံလိဂ် ကွာတားဖိုင်နယ် ၄ ပွဲကို မနေ့ကနဲ့ ဒီနေ့မနက်တွေမှာ ကစားခဲ့ပြီး ဂျူဗင်တပ်စ်၊ ဘာစီလိုနာနဲ့ ပေါ်တို တို့ အနိုင်ရခဲ့ကြကာ မက်ဒရစ်မြို့ခံနှစ်သင်းရဲ့ပွဲကတော့ သရေနဲ့သာ အဆုံးသတ်ခဲ့ပါတယ်။

အက်သလက်တီကို ၀-၀ ရီးယဲလ်မက်ဒရစ်

ပြီးခဲ့တဲ့ မေလ ချန်ပီယံလိဂ်နောက်ဆုံး ဗိုလ်လုပွဲမှာ အနိုင်ရပြီးတဲ့နောက်ပိုင်း တွေ့ဆုံခဲ့တဲ့ ၆ ပွဲစလုံးမှာ အက်သလက်တီကို ကို အနိုင်မရခဲ့တဲ့ ရီးယဲလ် မနေ့ကပွဲမှာလည်း အကောင်းဆုံးအခွင့်အရေးတွေ တော်တော်များများရခဲ့ပေမယ့် သရေရလဒ်နဲ့သာ ကျေနပ်ခဲ့ရပါတယ်။ ပထမပိုင်းတစ်ပိုင်းလုံး ထင်သလိုကစားသွားနိုင်တဲ့ ရီးယဲလ်တို့ ပွဲအစ ၃ မိနစ်လောက်ကတည်းက ဂိုးသွင်းခွင့်တွေ စရခဲ့ပေမယ့် ဂါရက်ဘေးလ်၊ ရော်နယ်ဒို၊ ရော်ဒရီဂက်ဇ်တို့ရဲ့ အပိုင်ဂိုးသွင်းခွင့်တွေကို ဒီပွဲရဲ့ အကောင်းဆုံးကစားသမားဖြစ်ခဲ့တဲ့ အက်သလက်တီကို ဂိုးသမား အိုဘလက်က လက်စွမ်းပြ ကာကွယ်သွားနိုင်ခဲ့ပါတယ်။ အက်သလက်တီကိုတို့ ဒုတိယပိုင်းမှာ ပိုကောင်းလာပေမယ့် ဂိုးသွင်းခွင့်ကတော့ ၂ ကြိမ်လောက်သာ ရခဲ့ပါတယ်။ ဒီပွဲသရေကြောင့် အက်သလက်တီကိုတို့ နောက်တစ်ဆင့်တက်ရေး မျှော်လင့်ချက်တွေ ဆက်လက် ရှင်သန်နေပါတယ်။

ဂျူဗင်တပ်စ် ၁-၀ မိုနာကို

တူရင်မှာ ကစားခဲ့တဲ့ ဒီပွဲမှာတော့ ဂျူဗင်တပ်စ် အသာရခဲ့ပေမယ့် ၅၇ မိနစ်မှာ ဗီဒဲလ်သွင်းပေးခဲ့တဲ့ ပင်နယ်တီ ၁ ဂိုးတည်းနဲ့ပဲ အနိုင်ရခဲ့ပါတယ်။ နှစ်သင်းစလုံးဟာ သက်ဆိုင်ရာလိဂ်တွေမှာ ခံစစ်အကောင်းဆုံးဖြစ်ပြီး ဒီပွဲမှာလည်း နောက်တန်း အမှားအယွင်းမရှိအောင်ပဲ နှစ်သင်းစလုံးက အားရုံစိုက်ကစားခဲ့ကြပါတယ်။ မိုနာကိုက ဖာရီရာ ကာရက်စ်ကိုရဲ့ အပိုင်ဂိုးသွင်းခွင့်တစ်လုံး လွဲချော်ခဲ့တာကလည်း မိုနာကိုတို့အတွက် နစ်နာခဲ့ရပါတယ်။ ဒီပွဲအနိုင်ကြောင့် ဂျူဗင်တပ်စ်ကတော့ ၂၀၀၂-၀၃ နောက်ပိုင်း ဆီမီးဖိုင်နယ်တက်ခွင့် ပိုပြီး နီးစပ်လာခဲ့ပါတယ်။

ပီအက်စ်ဂျီ ၁-၃ ဘာစီလိုနာ

ဘာစီလိုနာက လူမစုံတဲ့ ပီအက်စ်ဂျီကို အဝေးကွင်းမှာ အသာစီးကစားနိုင်ခဲ့ပြီး ပြတ်ပြတ်သားသားနဲ့ အနိုင်ယူနိုင်ခဲ့ပါတယ်။ အိမ်ကွင်း နောက်ဆုံး ၂၄ ပွဲဆက်တိုက် ရှုံးပွဲမရှိထားတဲ့ ပီအက်စ်ဂျီကို ၁၈ မိနစ်မှာပဲ နေးမာက ဂိုးစသွင်းခဲ့ပြီး နောက်ပိုင်းတောက်လျှောက် ဘာစီလိုနာတို့က ဖိကစားနိုင်ခဲ့ပါတယ်။ အီဗရာဟီမိုဗစ်မပါတဲ့ ပီအက်စ်ဂျီတိုက်စစ်ဟာ အသက်မ၀င်ခဲ့ဘဲ ဘာကာနောက်တန်းကို တစ်ချက်တစ်ချက်မှသာ ထိုးဖောက်နိုင်ခဲ့ပါတယ်။ ဒုတိယပိုင်း ၆၇ မိနစ်နဲ့ ၇၉ မိနစ်တို့မှာ ဆွာရက်ဇ်က ဘာစီလိုနာအတွက် နောက်ထပ် ၂ ဂိုး သွင်းပေးခဲ့ပြီး ချန်ပီယံလိဂ် နောက်ဆုံး ၈ ရာသီမှာ ၇ ကြိမ်မြောက် ဆီးမီးဖိုင်နယ် တက်ရောက်နိုင်ခွင့်ကို အားကောင်းစေခဲ့ပါတယ်။ အုပ်စုတွင်းတွေ့ဆုံစဉ် အိမ်ကွင်းမှာ အနိုင်ရခဲ့ဖူးတဲ့ ပီအက်စ်ဂျီအတွက် တစ်လုံးတည်းသော နှစ်သိမ့်ဂိုးကိုတော့ ၈၂ မိနစ်မှာ ရခဲ့ပြီး ဗန်ဒါဝဲလ်ရဲ့ ကန်သွင်းမှုက ဘာစီလိုနာကစာသမား မက်သယူးနဲ့ထိ လမ်းကြောင်းပြောင်းပြီး ၀င်သွားတာ ဖြစ်ပါတယ်။

ပေါ်တို ၃-၁ ဘိုင်ယန်မြူးနစ်

ပေါ်တိုကတော့ အိမ်ကွင်းမှာ မထင်မှတ်ဘဲ ဘိုင်ယန်ကို ဂိုးပြတ်နဲ့ အနိုင်ရခဲ့ပြီး နောက်တစ်ဆင့်တက်ရေး အလားအလာ ပိုကောင်းလာပါတယ်။ ပွဲအစမှ ၁၀ မိနစ်အတွင်းမှာပဲ ပင်နယ်တီ တစ်လုံးအပါအ၀င် ကွာရက်စ်မာက ၂ ဂိုးသွင်းယူနိုင်ခဲ့တာက ပွဲကို အလှည့်အပြောင်း ဖြစ်စေခဲ့ပါတယ်။ ဘိုင်ယန်တို့ကတော့ အသင်းကြီးပီပီ ဘောလုံးပိုင်ဆိုင်မှုအသာနဲ့ ချေပဂိုးတွေပြန်ရဖို့ ကြိုးစားခဲ့ပေမယ့် ၂၈ မိနစ် အလ်ကန်တာရာရဲ့ ဂိုး ၁ ဂိုးကလွဲလို့ နောက်ထပ် ဂိုးသွင်းခွင့် မယ်မယ်ရရ မရခဲ့ပါဘူး။ ပေါ်တိုအတွက် တတိယဂိုးကိုတော့ မာတီနက်ဇ်က ၆၅ မိနစ်မှာ သွင်းပေးခဲ့ပြီး ၂၀၀၃-၀၄ နောက်ပိုင်း ပထမဆုံးအကြိမ် ဆီးမီးဖိုင်နယ်တက်ခွင့် မျှော်လင့်နိုင်ပြီ ဖြစ်ပါတယ်။ ဘိုင်ယန်ကတော့ ပေါ်တူဂီမြေမှာ ပထမဆုံး ရှုံးခဲ့တာဖြစ်ပါတယ်။