အစ္စလာမ့်နည်းကျ ဘဏ္ဍာရေးလုပ်ငန်း တရုတ်နိုင်ငံသို့ ၀င်ရောက်လုပ်ကိုင်မည်

ဧပြီ ၁၇၊ ၂၁၀၅
M-Media

– တရုတ်နိုင်ငံအတွင်း အစ္စလာမ့်နည်းကျ ဘဏ္ဍာရေးဆိုင်ရာ လုပ်ငန်းများကို တွန်းအားပေးရန်နှင့် ထိုစနစ်မှအကျိုးကျေးဇူးများ ပိုမိုရရှိရန် ဆောင်ရွက်မှုအဖြစ် ကာတာရှိ ထိပ်တန်း ဘဏ် ၂ ခုနှင့် တရုတ်အကျိုးဆောင်ကုမ္ပဏီဖြစ်သော Southwest Securities တို့မှာ နားလည်မှုစာချွန်လွှာတစ်ခုကို အင်္ဂါနေ့က လက်မှတ်ရေးထိုးခဲ့ကြသည်။

“အစ္စလာမ့်ဘဏ္ဍာရေးဆိုင်ရာ ဒါမှမဟုတ် တိုက်ရိုက်ရင်းနှီးမြှုပ်နှံမှု မူဘောင်တစ်ခု သတ်မှတ်ဖို့ တရုတ်နိုင်ငံကို ကျွန်တော်တို့ ကူညီချင်ပါတယ်။ ပြီးတော့ တရုတ်နိုင်ငံမှာ ကာတာဘဏ်တွေ လာဖွင့်ဖို့လည်း ကျွန်တော်တို့ တိုက်တွန်းအားပေးချင်ပါတယ်။ တရုတ်နိုင်ငံမှာ အစ္စလာမ့်နည်းကျ ဘဏ္ဍာရေးစနစ်အတွက် တောင်းဆိုမှုရှိနေတယ်ဆိုတာ ကျွန်တော်တို့ တွေ့နေရပါတယ်။ တရုတ်နိုင်ငံသားတွေဟာ ဒီစနစ်ကို သူတို့ရဲ့ နယ်နမိတ်တွေကိုကျော်ပြီး တင်ပို့ကျင့်သုံးဖို့ နည်းလမ်းတွေကို ရှဖွေနေကြပါတယ်။ အဲဒီလိုပဲ မွတ်စလင်အများအပြားရှိတဲ့ ဒေသတွင်း နိုင်ငံတွေကိုလည်း တင်ပို့ချင်ကြပါတယ်” ဟု ကာတာ QIIB ဘဏ်မှ အမှုဆောင်အကြီးအကဲဖြစ်သူ အဘ်ဒူလ်ဘာစစ် အဟ်မဒ် အလ် ရှိုင်ဘီက ပြောကြားခဲ့သည်။

တရုတ်နိုင်ငံ၏ စီးပွားရေး တိုးတက်လာခြင်းနှင့်အတူ သန်းပေါင်းများစွာသော ပြည်သူများမှာ အစ္စလာမ့်နည်းကျ ဘဏ်စနစ်၊ ဘဏ္ဍာရေးစနစ်များနှင့် ထိတွေ့အသုံးပြုရန် လိုအပ်နေသည်မှာ ထင်ရှားလာသည်။ ကံမကောင်းစွာပင် တရုတ်နိုင်ငံတွင် ထိုစိန်ခေါ်မှုကို ရင်ဆိုင်ရန်အတွက် အစ္စလာမ့်နည်းကျ ဘဏ္ဍာရေးစနစ်နှင့် သက်ဆိုင်သည့် လုပ်ငန်းများ လုံလုံလောက်လောက် မရှိချေ။

ယခု နားလည်မှုစာချွန်လွှာအရ ကုမ္ပဏီသစ်တစ်ခု တည်ထောင်သွားမည်ဖြစ်ပြီး ကာတာဘဏ်နှစ်ခုဖြစ်သော Qatar National Bank နှင့် Qatar International Islamic Bank (QIIB) တို့ကို ဘဏ္ဍာရေးနှင့် ရင်းနှီးမြှုပ်နှံမှုများ တိုက်ရိုက်၊ သို့မဟုတ် သွယ်ဝိုက်၍ ပြုလုပ်ရေးအတွက် တရုတ်ဈေးကွက်သို့ ၀င်ရောက်ခွင့်ရရန် အဆိုပါကုမ္ပဏီက ကူညီသွားမည်ဟု ကာတာဘဏ်များမှ အမှုဆောင်အဖွဲ့ဝင်များက ဆိုသည်။

ထို့ပြင် တရုတ်နိုင်ငံတွင် အစ္စလာမ့်နည်းကျ ဘဏ္ဍာရေးစနစ် ဖွံ့ဖြိုးရေး၊ ကာတာနှင့် အရှေ့အလယ်ပိုင်းဒေသ ဈေးကွက်များတွင် Southwest Securities အား ၀င်ရောက်ခွင့်ရရေး ကူညီသွားရန် ရည်ရွယ်ထားသည်ဟု ၎င်းတို့က ထပ်လောင်းပြောကြားခဲ့သည်။ ကုမ္ပဏီ၏ အရွယ်အစားနှင့် မည်သည့်အချိန်တွင် လုပ်ငန်းများ စတင်လည်ပတ်မည် ဆိုသည့် အသေးစိတ်အချက်အလက်များကို ထုတ်ဖော်ပြောဆိုခြင်း မပြုခဲ့ပေ။

တရုတ်နိုင်ငံမှ AVIC Capital ကော်ပိုရေးရှင်းမှာ မွတ်စလင်အများအပြားရှိရာ Ningxia Hui ကိုယ်ပိုင်အုပ်ချုပ်ခွင့်ရဒေသတွင် အစ္စလာမ့်နည်းကျ ငွေချေးမှုလုပ်ငန်းနှင့် ကန်ဒေါ်လာ အခြေပြု ငွေချေးလုပ်ငန်းများကဲ့သို့ ကန်ဒေါ်လာ ၁.၅ ဘီလီယံ တန်ဖိုးရှိသော ဘဏ္ဍာရေးဆိုင်ရာ လုပ်ငန်းများကို ၅ နှစ်သက်တမ်းသတ်မှတ်၍ လုပ်ဆောင်ရေး အစိုးရအား တိုက်တွန်းရန်အတွက် ၎င်းတို့၏ လက်ခွဲတစ်ခုဖြစ်သော AVIC Securities က သဘောတူညီချက်တစ်ခု လက်မှတ်ရေးထိုးခဲ့သည်ဟု ပြီးခဲ့သည့် ဒီဇင်ဘာလက ကြေညာခဲ့ဖူးသည်။

သို့သော်လည်း အဆိုပါ သဘောတူညီချက်မှာ အကောင်အထည် ပေါ်မလာခဲ့ဘဲ ထိုကိစ္စအတွက် ခိုင်မာသည့် ဖော်ဆောင်မှုများကိုလည်း ထပ်မံကြေညာခြင်း မပြုတော့ပေ။

အစ္စလာမ်သာသနာမှာ တရုတ်နိုင်ငံတွင် ဒုတိယအကြီးဆုံး အယူဝါဒဖြစ်ပြီး ရှည်လျားသည့်သမိုင်းကြောင်းလည်း ရှိနေသည်။ တရားဝင်အချက်အလက်များအရ တရုတ်နိုင်ငံရှိ အစ္စလာမ်ဘာသာဝင်အရေအတွက်မှာ သန်း ၂၀ ခန့်ရှိပြီး များသောအားဖြင့် ဇင်ဂျန်း၊ နင်းရှီယာ၊ ဂန်ဆူနှင့် ကွင်းဟိုင်း ဒေသတို့တွင် နေထိုင်ကြသည်။ မွတ်စလင်အဖွဲ့များကမူ နိုင်ငံအတွင်း မွတ်စလင်အရေအတွက်မှာ ထိုထက်ပို၍ မြင့်မားပြီး ၆၅ သန်းမှ သန်း ၁၀၀ ခန့်ရှိကာ နိုင်ငံလူဦးရေ၏ ၇.၅ ရာခိုင်နှုန်းအထိ ရှိမည်ဟု ပြောကြားခဲ့သည်။

အစ္စလာမ်သာသနာမှာ ချေးငွေများတွင် အတိုးပေးခြင်း၊ အတိုးယူခြင်းတို့ကို တားမြစ်ထားသည်။ အစ္စလာမ့်နည်းကျ ဘဏ်များနှင့် ဘဏ္ဍာရေးလုပ်ငန်းများမှာလည်း အရက်၊ လောင်းကစား၊ အပြာလုပ်ငန်း၊ ဆေးရွက်ကြီး၊ လက်နက်၊ ၀က်သား စသည်တို့နှင့် ဆက်နွယ်သည့် လုပ်ငန်းများနှင့် ပတ်သက်မှုများ မပြုလုပ်ပေ။ ထို့ပြင် ဘဏ္ဍာရေးဆိုင်ရာ အကျပ်အတည်းများကို ဖြစ်စေသော အန္တရာယ်ရှိသည့် ရင်းနှီးမြှုပ်နှံမှုများတွင် ပါဝင်ခြင်းကို တားမြစ်ထားသည့် စည်းကမ်းများကြောင့် အစ္စလာမ့်ဘဏ်လုပ်ငန်းများမှာ အောင်မြင်မှု ရရှိခဲ့သည်။

အစ္စလာမ့်နည်းကျ ဘဏ်စနစ်ကို ကမ္ဘာတစ်ဝှမ်း နိုင်ငံပေါင်း ၅၀ ခန့်တွင် ကျင့်သုံးဆောင်ရွက်နေပြီး ကမ္ဘာလုံးဆိုင်ရာ ဘဏ္ဍာရေးလုပ်ငန်းတွင် လျင်မြန်စွာတိုးတက်နေသော ကဏ္ဍများထဲမှ တစ်ခုလည်းဖြစ်သည်။ လွန်ခဲ့သည့် နှစ်ပေါင်း ၃၀ ခန့်က စတင်ခဲ့သည့် အစ္စလာမ့်နည်းကျ ဘဏ်လုပ်ငန်းမှာ ခိုင်ခိုင်မာမာ တိုးတက်လျက်ရှိနေပြီး ကမ္ဘာတစ်ဝှမ်းမှ ရင်းနှီးမြှုပ်နှံသူများနှင့် ဘဏ်လုပ်ငန်းရှင်များ၏ စိတ်ဝင်စားမှုကိုလည်း ရရှိနေသည်။

Ref: Onislam