သက်ကြီး ဂျာနယ်လစ် အမျိုးသမီးတစ်ဦးကို တရုတ်အစိုးရ ထောင်ချ

ဧပြီ ၁၇၊ ၂၀၁၅
M-Media

– အသက် ၇၁ နှစ်အရွယ်ရှိ အမျိုးသမီး ဂျာနယ်လစ်တစ်ဦးကို နိုင်ငံတော်လျှို့ဝှက်ချက် ပေါက်ကြားမှုဖြင့် တရုတ်တရားရုံးက ထောင်ဒဏ် ၇ နှစ် ချမှတ်လိုက်ပြီး လူ့အခွင့်အရေး အဖွဲ့များကမူ အစိုးရအား ဝေဖန်သူများအပေါ် နှိမ်နင်းခြင်းအဖြစ် ရှုမြင်ကြသည်။

ထောင်ဒဏ်ချမှတ်ခံရသူမှာ ဂေါင်ယူဟု အမည်ရသည့် ဂျာနယ်လစ်ဖြစ်ပြီး နိုင်ငံတကာ စာနယ်ဇင်းအဖွဲ့က ၂၀၀၀ ခုနှစ် ကမ္ဘာ့စာနယ်ဇင်းသူရဲကောင်း ၅၀ ရွေးချယ်ခဲ့ရာတွင် ပါဝင်ခဲ့သူလည်း ဖြစ်သည်။ ပြည်သူ့တရားရုံးကမူ သူမမှာ နိုင်ငံတော်၏ လျှို့ဝှက်ချက်များကို နိုင်ငံခြားသားများသို့ တရားမ၀င်ပေးအပ်ခဲ့သည်ဟုဆိုကာ ယခုကဲ့သို့ ထောင်ဒဏ် ချမှတ်ခဲ့ခြင်းဖြစ်သည်ဟု ဆိုရှယ်မီဒီယာတွင် ယနေ့နံနက်ပိုင်းက ဖော်ပြခဲ့သည်။

သူမအား တရားစွဲဆိုခြင်းမှာ အတိုက်အခံများကို ပြင်းပြင်းထန်ထန် နှိမ်နင်းရန် တိုက်တွန်းထားခြင်း၊ အနောက်တိုင်းပုံစံ ဒီမိုကရေစီနှင့်ပတ်သက်၍ သတိပေးထားခြင်းနှင့် ပါတီ၏ သမိုင်းဝင်မှတ်တမ်းကို ဝေဖန်ထားသည့် ကွန်မြူနစ်ပါတီ၏ လျှို့ဝှက် အမိန့်ပြန်တမ်းကို ၂၀၁၃ ခုနှစ်က ပေါက်ကြားမှုဖြင့် ဆက်စပ်နေသည်။

ရှေ့နေဖြစ်သူ မိုရှောင်ပင်းက ဂေါင်ယူမှာ Document No 9 ဟုခေါ်သည့် မဟာဗျူဟာစာတမ်းကို နိုင်ငံခြား မီဒီယာများကို ပေးခြင်းဖြင့် နိုင်ငံ၏ လျှို့ဝှက်ချက်များကို ပေါက်ကြားစေမှုဖြင့် ပြစ်ဒဏ်ချမှတ် ခံရခြင်းဖြစ်သည်ဟု ဆိုသည်။ အဆိုပါ စာတမ်းတွင် ကွန်မြူနစ်ပါတီမှာ အနောက်တိုင်းဒီမိုကရေစီ ပြန့်နှံ့ခြင်း၊ ကမ္ဘာလုံးဆိုင်ရာတန်ဖိုး၊ လူ့အဖွဲ့အစည်းနှင့် စာနယ်ဇင်းလွတ်လပ်မှု စသည်တို့နှင့်ပတ်သက်၍ ပြင်းပြင်ထန်ထန် ဟန့်တားရန် ဆွေးနွေးထားပြီး ထိုအရာများကို ပါတီ၏ အုပ်ချုပ်မှုအား ခြိမ်းခြောက်မှုများအဖြစ် ဖော်ပြထားသည်။

ဂေါင်ယူ၏ အခြားရှေ့နေတစ်ဦးဖြစ်သူ ရှန် ဘောင်ဂျန်က ဂေါင်ယူမှာ စီရင်ချက်ချသည့်အချိန်တွင် မည်သည်မှ မပြောခဲ့သော်လည်း ၎င်း၏ မောင်ဖြစ်သူ ဂေါင်ဝေအား ထိုရလဒ်ကို လက်မခံဟု ပြောဆိုခဲ့သည်ဟု ဆိုသည်။

“ကျွန်တော်တို့ လုံးဝ အယူခံဝင်သွားမှာ ဖြစ်ပါတယ်။ ဒီစီရင်ချက်အတွက် တော်တော်လေး စိတ်ပျက်မိပါတယ်” ဟု ရှန်ကဆိုသည်။ ရှန်မှာ ဂေါင်ယူ အပြစ်ရှိကြောင်း ၀န်ခံရခြင်းမှာ ၎င်း၏ သားဖြစ်သူနှင့်ပတ်သက်၍ ခြိမ်းခြောက်မှုကြောင့်ဖြစ်သည်ဟု တရားရုံးတွင် လျှောက်ထားခဲ့သည်။

ဂေါင်ယူအား ထိုကဲ့သို့ ပြစ်ဒဏ်ချမှတ်ခဲ့ခြင်းနှင့် ပတ်သက်၍ ဗြိတိန်အခြေစိုက် လူ့အခွင့်အရေးအဖွဲ့ Amnesty International မှ သုတေသနပညာရှင် ၀ီလီယံနီးက ရှုတ်ချခဲ့ပြီး အာဏာပိုင်များမှာ လွတ်လပ်စွာ ဖော်ထုတ်မှုကို တိုက်ခိုက်သည့် အစိတ်အပိုင်းအဖြစ် နိုင်ငံတော်လျှို့ဝှက်ချက်ဥပဒေကို တက်ကြွလှုပ်ရှားသူများအား နှိမ်နင်းရန် အသုံးပြုသည်ဟု ပြောကြားခဲ့သည်။

ဂေါင်ယူမှာ ပြီးခဲ့သည့်နှစ် ဧပြီလက ပျောက်ဆုံးသွားခဲ့ခြင်းဖြစ်ပြီး ၁ လကြာပြီးနောက် နိုင်ငံပိုင်တီဗီတွင် ပြန်ပေါ်လာကာ ၎င်းမှာ အမှားလုပ်ခဲ့သည်ဟု ကြေညာချက်တစ်စောင် ထုတ်ပြန်ခဲ့သည်။ ထိုကြေညာချက်အား တရားသူကြီးများက သက်သေခံအထောက်အထားအဖြစ် အသုံးပြုခဲ့သည်။

Ref: Aljazeera