တောင်အာဖရိကတွင် နိုင်ငံခြားသားကြောက်ရောဂါ ဆန့်ကျင်ရေး ဆန္ဒပြမှု ပြုလုပ်

ဧပြီ ၁၇၊ ၂၀၁၅
M-Media

– ပြီးခဲ့သည့် သီတင်းပတ်များအတွင်း နိုင်ငံခြားသားများကို တိုက်ခိုက်မှုများ ဖြစ်ပွားခဲ့ပြီးနောက် နိုင်ငံအတွင်း ခေါင်းထောင်လာသည့် နိုင်ငံခြားသားကြောက်ရောဂါအား ဆန့်ကျင်သည့် ဆန္ဒပြပွဲတစ်ခုကို တောင်အာဖရိကပြည်သူများက ယမန်နေ့တွင် ပြုလုပ်ခဲ့ကြသည်။

နိုင်ငံ၏ ကမ်းရိုးတန်းမြို့ဖြစ်သော ဒါဘန်တွင် ပြုလုပ်ခဲ့ခြင်းဖြစ်ပြီး ဘာသာရေးနှင့် နိုင်ငံရေးခေါင်းဆောင်များအပါအ၀င် လူပေါင်း ၅၀၀၀ ခန့် တက်ရောက်ပါဝင်ခဲ့ကြသည်။ တောင်အာဖရိကတွင် ပြီးခဲ့သည့်မတ်လက စတင်ခဲ့သော နိုင်ငံခြားသားများကို ပစ်မှတ်ထားတိုက်ခိုက်မှုအတွင်း အနည်းဆုံး လူ ၅ ဦး သေဆုံးခဲ့သည်။

ပြည်သူများမှာ ငြိမ်းချမ်းစွာ ဆန္ဒပြခဲ့ကြခြင်းဖြစ်ပြီး ညီညွတ်ရေးသီချင်းများကို သီဆိုခဲ့ကြသည်။

“ကျွန်တေ်ာတို့ဟာ အာဖရိကန်တွေဖြစ်တာကြောင့် ကျွန်တော်တို့ရဲ့ ညီအစ်ကို မောင်နှမတွေအတွက် မားမားမတ်မတ်ရပ်တည်ဖို့ အချိန်ရောက်ပြီလို့ ကျွန်တော် ထင်ပါတယ်။ နိုင်ငံခြားသားကြောက်ရောဂါကို သည်းခံလို့ မရတာကြောင့် ကျွန်တော်တို့ရဲ့ ဆန့်ကျင်မှုကိုပြဖို့ အရေးကြီးပါတယ်” ဟု ဒါဘန်မြို့တွင်နေထိုင်သည့် အဗက်စ်သာ ဆင်းက ပြောကြားခဲ့သည်။

သို့သော်လည်း မြို့၏ အခြားနေရာများတွင် နိုင်ငံခြားသားများနှင့် အခြားအာဖရိကနိုင်ငံသားများအား တိုင်းပြည်မှထွက်သွားရန် ဆန္ဒပြမှုများလည်း ရှိခဲ့ပြီး ရဲတပ်ဖွဲ့က မျက်ရည်ယိုဗုံးများ၊ ရာဘာကျည်ဆံများ အသုံးပြုကာ လူစုခွဲခဲ့သည်။ တောင်အာဖရိက နိုင်ငံသားများက နိုင်ငံအတွင်း အလုပ်လက်မဲ့မြင့်တက်လာမှုမှာ နိုင်ငံခြားသားများ လာရောက်အလုပ်လုပ်ကိုင်မှုကြောင့်ဖြစ်သည်ဟု စွပ်စွဲပြောဆိုကြသည်။

သမ္မတ ဂျာကော့ဘ်ဇူးမားက နိုင်ငံခြားသားများအား တိုက်ခိုက်မှုများအတွက် တုန်လှုပ်မိပြီး လက်မခံနိုင်စရာကိစ္စဖြစ်သည်ဟု
ကြာသာပတေးနေ့တွင် ပါလီမန်၌ ပြောကြားခဲ့သည်။

Ref: Aljazeera