ပရီးမီးယားလိဂ်ဗိုလ်စွဲမှုမှာ ဖြစ်နိုင်သော်လည်း ယုတ္တိမတန်ဟု ဗန်ဂါလ်းပြော

ဧပြီ ၁၈၊ ၂၀၁၅
M-Media

– ချယ်ဆီးအား ကျော်ဖြတ်ကာ ပရီးမီးယားလိဂ်ဖလားကို ဆွတ်ခူးမှုမှာ ဖြစ်နိုင်သော်လည်း ထိုအကြောင်းအရင်းက ကြောင်းကျိုးဆီလျော်မှုမရှိဟု မန်ချက်တာယူနိုက်တက် နည်းပြဖြစ်သူ ဗန်ဂါးလ်က ပြောကြားလိုက်သည်။

ဇယားထိပ်ဆုံးမှ ချယ်ဆီးမှာ တတိယနေရာမှ မန်ယူကို တစ်ပွဲလျော့ဖြင့် ၈ မှတ်ဖြတ်ထားပြီး ယနေ့တွင် စတမ်းဖို့ဘရစ်ခ်ျ၌ မန်ယူအား ဧည့်ခံကစားရမည်ဖြစ်သည်။ နောက်ပိုင်းပွဲများတွင် ချယ်ဆီးမှာ ခြေစွမ်းကျနေပြီး၊ လတ်တလော ခြေစွမ်းကောင်းနေသည့် မန်ယူအတွက် အမှတ်ကွာဟမှု လျော့ချနိုင်မည့် အခွင့်အရေးလည်း ဖြစ်သည်။

ဗန်ဂါလ်းက ၎င်း၏ ပထမဆုံးရာသီတွင် ပရီးမီးယားလိဂ်ရရှိရန် မျှော်လင့်မထားပေ။ သို့သော်လည်း ၎င်းအနေဖြင့် လက်ကျန် ၇ ပွဲတွင် ချယ်ဆီးအား အပြည့်အ၀ ဖိအားပေးသွားမည်ဟု သန္ဓိဌာန် ချမှတ်ထားသည်။

“(အမှတ်ပေးပွဲမှာ ဗိုလ်စွဲဖို့ဆိုတာ) ကြောင်းကျိုးဆီလျော်မှု မရှိပါဘူး။ ဒါပေမယ့် ဖြစ်တော့ဖြစ်နိုင်ပါတယ်။ ဒါဟာ မရေရာ မသေချာမှုတွေထက် ပိုပါတယ်။ မရေရာ မသေချာမှုတွေကို ကျွန်တော် မယုံကြည်ပါဘူး။ ကျွန်တော်က တကယ့်အချက်အလက်တွေကိုပဲ ယုံပါတယ်။ ကျွန်တော်တို့ ချယ်ဆီးရဲ့နောက်မှာဖြစ်ပေမယ့် သူတို့နဲ ကစားရမယ်။ အာဆင်နယ်လည်း သူတို့နဲ့ ကစားရအုံးမယ်။ ဒါ့ကြောင့် ချယ်ဆီး ကစားသမားတွေအပေါ် ဖိအားတွေ တင်ထားနိုင်ပါတယ်။ ဒါဆိုရင် ဘာဖြစ်မလဲဆိုတာ ခင်ဗျားတို့ မသိနိုင်တော့ပါဘူး” ဟု ဗန်ဂါးလ်က ပြောကြားခဲ့သည်။

ပရီးမီးယားလိဂ် နောက်ဆုံး ၆ ပွဲစလုံး ဆက်တိုက်အနိုင်ရထားသည့် မန်ယူမှာ နောက်ခံလူ ဒဏ်ရာပြဿနာများဖြင့် ချယ်ဆီးအသင်းအား ရင်ဆိုင်ရမည်ဖြစ်ပြီး ဗန်ဂါလ်းကမူ ချယ်ဆီးမှာ သရေဖြင့် ကျေနပ်မည်ဟု ထင်ကြောင်း ထည့်သွင်းပြောကြားခဲ့သည်။