ရခိုင်ပြည် ငြိမ်းချမ်းရေးနှင့် ပြန်လည်သင့်မြတ်ရေး ကြိုးပမ်းရန် The Council of the Asian Muslim Action Network တိုက်တွန်း

2 July 2012

The AMAN Council
http://www.aman-asia.org/

အာရှဒေသရှိ နိုင်ငံပေါင်း ၁၅-နိုင်ငံအား ကိုယ်စားပြုသော အာရှမွတ်စလင်အလုပ်အမှုဆောင်ကွန်ယက် (the Council of the Asian Muslim Action Network (AMAN))မှ အဖွဲ့ဝင်များဖြစ်ကြသည့် ကျွန်ုပ်တို့သည် မြန်မာနိုင်ငံ ရခိုင်ပြည်နယ်အတွင်း မကြာသည်မီက ဖြစ်ပေါ်ခဲ့သည့် အကြမ်းဖက်အဓိကရုန်း နောက်ဆက်တွဲ သေကျေပျက်စီးမှုများ၊ လူပေါင်းများစွာ ပျောက်ဆုံးနေခြင်းများနှင့် ပြည်သူလူထုပိုင် အိုးအိမ်စည်းစိမ်များကို ပျက်စီး(ဖျက်စီး)နေခြင်းများ ဆက်လက်ဖြစ်ပွါးနေခြင်းအပေါ် အလွန်အမင်းစိုးရိမ်ပူပန်လျက်ရှိကြောင်း အသိပေးပြောကြားလိုပါ၏။

ရခိုင်ပြည်နယ်အတွင်း အိုးမဲ့အိမ်မဲ့ဖြစ်ကျန် တည်ရှိနေသော လူဦးရေများစွာနှင့် ယာယီအဖြစ် သတ်မှတ်ထားသော နေရာများ၌ ခိုလှုံနေကြရသူ အမြောက်အများမှာ ရေသန့်၊ စားနပ်ရိက္ခာ၊ ဆေးဝါး အစရှိသည့် လူသားခြင်းစာနာထောက်ထားမှု အကူအညီများ အလွန်အရေးတကြီး လိုအပ်နေသည့်အတွက်လည်း စိုးရိမ်သောက ဖြစ်ရပါ၏။

မြန်မာနိုင်ငံအစိုးရ၏ တားဆီးကန့်သတ်မှုများကြောင့် လူမှုကူညီကယ်ဆယ်ရေး အဖွဲ့အစည်းများစွာမှာလည်း ဒုက္ခဘေးသင့်မိသားစုပေါင်းများစွာထံသို့ အရေးပေါ်လိုအပ်ချက်များကို အရောက်ပို့ဆောင်နိုင်ခြင်း မရှိပါ။

မိမိတို့အနေဖြင့် မြန်မာနိုင်ငံအစိုးရအား ပန်ကြားလိုသည်မှာ –

၁။    ဒုက္ခဘေးသင့်မိသားစုပေါင်းများစွာထံသို့ လူမှုကူညီကယ်ဆယ်ရေးအဖွဲ့အစည်းများအား အရေးပေါ်လိုအပ်ချက်များကို အရောက်ပို့ဆောင်ရန်အတွက် ခွင့်ပြုပေးပါရန်။

၂။   ရာဇဝတ်မှုကျူးလွန်သူများအား တရားဥပဒေအရ ဖော်ထုတ်အရေးယူနိုင်ရန်အတွက် လွတ်လပ်သော ကြားနေစုံစမ်း စစ်ဆေးရေးဖွဲ့များ တည်ထောင်ဖွဲ့စည်းခွင့်ပြုပါရန်။ လူမျိုးဘာသာဝင်များအားလုံး သင့်မြတ်စွာ အတူယှဉ်တွဲ ရပ်တည်နေထိုင်နိုင်ရေးအတွက် ဘာသာရေးအဖွဲ့အစည်းများ၊ အစိုးရအာဏာပိုင်များ၊ အခြားလူမှုအဖွဲ့အစည်းများနှင့် နိုင်ငံရေးခေါင်းဆောင်များ ပူးပေါင်းလက်တွဲ၍ ဆွေးနွေးညှိနှိုင်းမှုများ စတင် အကောင်အထည်ဖော်ရန် တိုက်တွန်း အပ်ပါသည်။

လူမျိုးဘာသာဝင်များအားလုံး တန်းတူညီမျှ ပါဝင်လုပ်ဆောင်နိုင်ရေး၊ လူအခွင့်အရေးများ ကာကွယ်စောင့်ရှောက်ရေးနှင့် မတူကွဲပြားသော ဗဟုလူအဖွဲ့အစည်းအတွင်း အပြန်အလှန် ယုံကြည်လေးစားမှုရှိရေး အစရှိသည့် မူဝါဒများနှင့် လမ်းစဉ်များ အကောင်အထည်ဖော်ရန် ဆွေးနွေးညှိနှိုင်းကြရန်လည်း တိုက်တွန်းအပ်ပါသည်။

ဘာသာပြန် – လင်းယုန်နက် (ခြင်္သေ့မြို့တော်)