အခမ်းအနားဝန်ဆောင်မှုပေးသည့် ထိုင်းကုမ္ပဏီ မြန်မာနိုင်ငံရှိ လုပ်ငန်းများကို ခေတ္တရပ်တန့်

ဧပြီ ၁၉၊ ၂၀၁၅
M-Media

– မြန်မာအစိုးရက လိုင်စင်အတွက် တင်းကျပ်သော တောင်းဆိုမှုများကို ပြုလုပ်ခြင်းကြောင့် ထိုင်းနိုင်ငံ၏ အကြီးဆုံး အခမ်းအနားကျင်းပရေး ၀န်ဆောင်မှုကုမ္ပဏီဖြစ်သည့် Index Creative Village Plc က ပြုလုပ်ရန် စီစဉ်ထားသော ပရောဂျက်များကို ယာယီရပ်တန့်လိုက်ပြီဟု သိရသည်။

မြန်မာနိုင်ငံ၏ နိုင်ငံရေးအရ မတည်ငြိမ်မှုများ မြင့်မားလာပြီး အစိုးရက ဖြစ်လာနိုင်သော ဆန္ဒပြမှုများကို တားဆီးရေး ဆောင်ရွက်မှုအဖြစ် ပြည်သူများစုဝေးခြင်းနှင့် ပတ်သက်၍ ပိုမိုတင်းကျပ်သည့် လမ်းညွှန်ချက်များ ချမှတ်ခဲ့ပြီးနောက် အဆိုပါကုမ္ပဏီက ထိုကဲ့သို့ ရပ်တန့်လိုက်ခြင်းလည်း ဖြစ်သည်။

အဆိုပါကုမ္ပဏီကို ပူးတွဲတည်ထောင်သူဖြစ်ပြီး ပူးတွဲအမှုဆောင် အကြီးအကဲလည်းဖြစ်သော Kriengkrai Karnchanapokin ကမူ ၎င်းတို့ ကုမ္ပဏီမှာ စီစဉ်ထားသော အခမ်းအနားများကို နိုင်ငံရေးအခြေအနေ ပြေလည်သွားသည်အထိ ရပ်တန့်သွားမည်ဟု ဆိုသည်။

Index မှာ ပြီးခဲ့သည့် ၂ နှစ်အတွင်း သင်္ကြန်ပွဲတော်အတွက် အခမ်းအနားများကို တာဝန်ယူ စီစဉ်ပေးခဲ့သော်လည်း ယခုနှစ်တွင်မှု စီစဉ်ပေးခြင်း မရှိခဲ့ပေ။ Index မှ ၂၀၁၃ ခုနှစ် သင်္ကြန်က ပြုလုပ်ပေးခဲ့သော အခမ်းအနားတွင် လူပေါင်း ၇၀၀၀၀၀ လာရောက်ခဲ့ကြပြီး ယမန်နှစ်တွင်မူ ထိုထက် ပိုများခဲ့သည်။ ကုန်သွယ်ရေး ပြပွဲများကဲ့သို့ အခြားသော ပွဲများကိုလည်း Index က ရပ်ဆိုင်းခဲ့သည်။

“မြန်မာနိုင်ငံရဲ့ တောက်ပတဲ့ အနာဂတ်အတွက် ကျွန်တော်တို့ ယုံကြည်မှုရှိပါတယ်။ ဒါပေမယ့် ပြုပြင်မှု၊ ပြောင်းလဲမှုတွေက ဆန္ဒပြမှုကို ဖြစ်စေတယ်ဆိုတာ သဘာဝပါပဲ” ဟု မစ္စတာ Kriengkrai က ပြောကြားခဲ့သည်။

Index မှာ မြန်မာနိုင်ငံသို့ ပထမဆုံးဝင်ရောက်သည့် မီဒီယာနှင့် အခမ်းအနား စီစဉ်ကျင်းပရေးကုမ္ပဏီဖြစ်ပြီး ပြည်တွင်း Forever Group နှင့်ပူးပေါင်းကာ Myanmar Index Creative Village ကုမ္ပဏီအဖြစ် ၂၀၁၀ ခုနှစ်က မြန်မာနိုင်ငံသို့ စတင် ၀င်ရောက်ခဲ့ခြင်းဖြစ်သည်။

၂၀၁၁ ခုနှစ် အကယ်ဒမီပေးပွဲ၊ ၂၀၁၂ ခုနှစ် နှစ်သစ်ကူး Countdown ပွဲနှင့် ၂၀၁၂ ခုနှစ် ပြည်ထောင်စုနေ့ အခမ်းအနားများကို Index က စီစဉ် ကျင်းပပေးခဲ့ခြင်းဖြစ်သည်။ မကြာသေးမီကပင် Index မှာ ပုဂံ၌ ဒဏ္ဍာရီ ဟုခေါ်သည့် ခေတ်ပြိုင်ပြပွဲတစ်ခု ကျင်းပပြုလုပ်ကာ မြန်မာနိုင်ငံ၏ ခရီးသွားလာရေး ကဏ္ဍသို့ ၀င်ရောက်ခဲ့သည်။

Ref: Bangkokpost