မိတ္ထီလာမြို့၌ အကြမ်းဖက်ခံရပြီး ၂ နှစ်အကြာ ပျက်ဆီးသွားသည့် နေအိမ်အချို့ မဲနှိုက်၍ အစားပြန်လည် နေရာချထားပေး

ဧပြီ ၁၉၊ ၂၀၁၄
M-Media
သတင်း- မိုးစက်

မိတ္ထီလာ။           ။ မိတ္ထီလာမြို့တွင် ဧပြီလ ၁၁ ရက်နေ့က လွန်ခဲ့သည့် ၂၀၁၃ ခုနှစ်၊ မတ်လအတွင်း  ဖြစ်ပွားခဲ့သော  အကြမ်းဖက်မှုများအတွင်း မီးရှို့ ဖျက်ဆီးခံရ၍  ပျက်ဆီးခဲ့သည့် အိမ်ထောင်စုဝင်များကို  မဲနှိုက်၍ အိမ်များ အစားပြန်လည် နေရာချပေးခဲ့ကြောင်း သိရပါတယ်။

အိမ်ထောင်စု ၁၂၄ အိမ်ကျော်ကို မဲနှိုက်၍ ကျသည့်နေရာများတွင် နေရာချပေးခဲ့သည်။ ယင်း ၁၂၄ အိမ်များ နေရာချပေးရာတွင် အစ္စလာမ်ဘာသာဝင် အိမ်ထောင်စု ၈၀ ကျော်ပါရှိပြီး ကျန်အိမ်ထောင်စုများမှာ ဗုဒ္ဓဘာသာဝင်များဖြစ်ကြောင်း သိရပါတယ်။

“ယခင်တုန်းက အိမ်ပိုင်ဆိုင်တယ်ဆိုတာ သေချာတဲ့သူတွေ၊ အထောက်အထားပြနိုင်တဲ့သူတွေကို အိမ်ထောင်စုတစ်စုစီ မဲနှိုက်ပြီး နေရာချပေးတာပါ။ မဲနှိုက်ပြီး ပေါက်တာနဲ့တစ်ပြိုင်နက် ကိုယ်ကျရာ အိမ်မှာ ချက်ချင်းသွားရောက်နေနိုင်ပါတယ်။ နေအိမ်များကို လှူဒါန်းသည့် အလှူရှင်က ဘယ်သူလဲဆိုတာတော့ မသိပါဘူး။ ပြန်လည်နေရာချထားရေး ကော်မတီက ဦးစီးပြီးလုပ်ဆောင်ခဲ့တာပါ” ဟု မဲနှိုက်ပုံနှင့် ပတ်သက်ပြီး မိတ္ထီလာ မှဒေသခံတစ်ဦးက M-Media ကိုပြောပါတယ်။

ယခင်က အိမ်ပိုင်ဆိုင်မှု ပေ ၅၀×၃၀ အောက် လျော့နည်းသူတွေ မှန်သမျှကို ယခု ပေ ၂၀×၃၀ အကျယ်အဝန်းရှိ အိမ်များအား နေရာချ ထားပေးခဲ့ခြင်း ဖြစ်ကြောင်း သိရပါတယ်။ မူလ မိမိပိုင်ဆိုင်သည့် ရပ်ကွက်တွင်သာ နေရာချပေးခဲ့သော်လည်း မိမိတို့ယခင် ပိုင်ဆိုင်သည့်နေရာများတွင် မဟုတ်ဘဲ အနည်းငယ် နေရာ အပြောင်းအလဲများရှိခဲ့ကြောင်း သိရပါတယ်။

လူနေလုံးချင်းအိမ်များကို မိတ္ထီလာမြို့တွင် ကျန်ရှိနေသည့် အိမ်ထောင်စု ၃၅၀ ကျော်ကို ပေးအပ်သွားမည်ဖြစ်ရာ ဧပြီလ ၁၁ ရက်နေ့က ၁၂၄ အိမ်ကျော် ပေးအပ်ပြီးသွားပြီဖြစ်ပြီး ကျန်ရှိနေသေးသည့်အိမ်များကိုလည်း ဆက်လက်ပေးအပ်သွားမည်ဖြစ်ကြောင်း သိရပါတယ်။

မိတ္တီလာမြို့၌၂၀၁၃ ခုနှစ် မတ်လတွင် ရွှေဆိုင်တွင် ဖြစ်ပွားခဲ့သည့် သာမာန်ရန်ပွဲတခုကို သွေးထိုးလှုံဆော်မှုများကြောင့် အကြမ်းဖက်မီးရှို့ သတ်ဖြတ်မှုများဖြစ်ပွားခဲ့ပြီး သေကျေ ပျက်ဆီးမှု အများစုမှာ အဓိက ပစ်မှတ်ထား တိုက်ခိုက်ခံခဲ့ရသည့် အစ္စလာမ်ဘာသာဝင်များ ဖြစ်ကြပါတယ်။

ဓါတ်ပုံ – ကြေးမုံ