ချယ်ဆီးတို့ ချန်ပီယံဖြစ်ဖို့နီးလာ၊ တန်းမဆင်းရရေးအတွက် အကြိတ်အနယ်ဖြစ်လာတဲ့ ပရီးမီးယားလိဂ် ပွဲစဉ် ၃၃

ဧပြီ ၂၀၊ ၂၀၁၅
M-Media

– ဒီတစ်ပတ် ပရီးမီးယားလိဂ်မှာတော့ ထိပ်ဆုံးက ချယ်ဆီးက မန်ယူကို အနိုင်ရအောင် ကစားသွားပြီး ချန်ပီယံဖြစ်ရေး မျှော်လင့်ချက်က တော်တော်လေး နီးလို့လာခဲ့ပါပြီ။ နောက်ဆုံး ၄ ပွဲမှာ ၃ ပွဲအထိရှုံးခဲ့တဲ့ မန်စီးတီးလည်း မနေ့က အနိုင်ရခဲ့ပါတယ်။

ချန်ပီယံဖြစ်ဖို့အတွက် အမှားမခံတဲ့ ချယ်ဆီးတို့ အိမ်ကွင်းစတမ်းဖို့ဒ်ဘရစ်ခ်ျမှာ လိုအပ်နေတဲ့ အနိုင် ၃ မှတ်ကို ရယူနိုင်ခဲ့ပါတယ်။ မန်ယူကတော့ ကစားကွက်အသာနဲ့ ဖိနိုင်ခဲ့ပြီး ပွဲအစ ၃ မိနစ် ရူနီရဲ့ အပိုင်ကန်သွင်းခွင့်တစ်ကြိမ်သာ ဂိုးဝင်သွားခဲ့ရင် ရလဒ်က ပြောင်းလဲသွားမှာပါ။ ချယ်ဆီးရဲ့ ခံစစ်ကစားပုံက တော်တော်လေး သေသပ်တာကြောင့် မန်ယူတို့ ဘောလုံးကိုင်ထားနိုင်ပေမယ့် အလုပ်မဖြစ်ခဲ့ပါဘူး။ ချယ်ဆီးအတွက် တစ်လုံးတည်းသော အနိုင်ဂိုးကိုတော့ တစ်နှစ်တာ အကောင်းဆုံး ဘောလုံးသမားဆု
ရမယ်လို့ ရေပန်းစားနေတဲ့ ဟာဇာ့ဒ်က ပထမပိုင်း ၃၈ မိနစ်မှာ သွင်းယူပေးခဲ့တာပဲ ဖြစ်ပါတယ်။ ဗန်ဂါးလ်က သူ့အသင်းဟာ ကောင်းရှုံးဖြစ်ခဲ့တယ်လို့ ပွဲအပြီးမှာ ပြောခဲ့ပါတယ်။

အဓိက ကစားသမားအချို့ မပါဝင်နိုင်ခဲ့ပေမယ့် အိမ်ကွင်းမှာ မန်စီးတီးတို့ ၀က်စ်ဟမ်းကို သက်တောင့်သက်သာနဲ့ပဲ အနိုင်ရခဲ့ပါတယ်။ ဂိုးတွေကို ပထမပိုင်းမှာပဲ ရခဲ့တာဖြစ်ပြီး ၀က်စ်ဟမ်းနောက်ခံလူ ဂျိမ်းကိုလင်ရဲ့ လက်ဆောက်ဂိုးနဲ့ အဂူရိုတို့ရဲ့ သွင်းဂိုးတွေပဲဖြစ်ပါတယ်။ နောက်ပိုင်းမှာ မန်စီးတီးတို့ ပုံမှန်လောက်သာ ကစားသွားခဲ့ပြီး ဂိုသွင်းခွင့်အချို့ ရခဲ့ပေမယ့် ဂိုးတော့ မဖြစ်ခဲ့ပါဘူး။ ပယ်လီဂရီက
အရေးပါတဲ့နိုင်ပွဲဖြစ်ကြောင်း ယခုတစ်လော စိတ်ပျက်မိပေမယ့် ၁၅ မှတ်ရရေး ကစားရဖို့ ရှိနေတဲ့အတွက် အတူတကွ ဆက်လက်ကြိုးစားသွားမှာဖြစ်ကြောင်း ပွဲအပြီးမှာ ပြောခဲ့ပါတယ်။

ပါဂျူးလက်အောက်မှာ လုပ်တိုင်းဖြစ်နေပြီး နောက်ဆုံး ၄ ပွဲဆက် အနိုင်ရကာ တိုက်စစ်ပိုင်း အကောင်းဆုံးဖြစ်နေတဲ့ ခရစ္စတယ်ပဲလေ့စ်တို့ ဒီတစ်ပတ်မှာတော့ အိမ်ကွင်းမှာ ခြေစွမ်းပျက်နေတဲ့ ၀က်စ်ဘရွန်းကို အံအားသင့်ဖွယ် ရှုံးနိမ့်ခဲ့ပါတယ်။ ပွဲအစ ၂ မိနစ်မှာ မော်ရစ်ဆန် ဦးဆောင်ဂိုး သွင်းနိုင်ခဲ့တာက ပဲလေ့စ်အတွက် ခြောက်ခြားစရာဖြစ်ခဲ့ပြီး ကစားပုံလည်း လုံးဝ ဆိုးရွားသွားခဲ့ပါတယ်။ ဒုတိယပိုင်းမှာ
လူစားထိုးမှုတွေနဲ့ အပြောင်းအလဲတစ်ချို့လုပ်ပြီး ပိုကောင်းလာခဲ့ပေမယ့် ၅၃ မိနစ်မှာ ဂါဒ်နာက နောက်တစ်ဂိုး ထပ်သွင်းသွားခဲ့ပြီး ပဲလေ့စ်တို့ တစ်လုံးတောင် ပြန်မချေပနိုင်ခဲ့ပါဘူး။ ပါဂျူးကတော့ ရလဒ်အတွက် စိတ်ပျက်မိကြောင်း ပြောဆိုသွားခဲ့ပါတယ်။

နယူးကာဆယ်ကလည်း အရှုံးသံသရာထဲက မထွက်နိုင်သေးပါဘူး။ အိမ်ကွင်းမှာ ကစားခဲ့ရပေမယ့် စပါးကို ဘယ်လိုမှ မယှဉ်နိုင်ဘဲ ဂိုးပြတ်အရှုံးပေးခဲ့ရပါတယ်။ ဒီရှုံးပွဲဟာ နောက်ဆုံး ၅ ပွဲဆက်အရှုံးလည်း ဖြစ်ပါတယ်။ တန်းဆင်းဇုန်က ရုန်းနေတဲ့ လက်စတာက ဆွမ်ဆီးကို အနိုင်ရခဲ့ပြီး ၃ ပွဲဆက်နိုင်တာဖြစ်လို့ ပရီးမီးယားလိဂ်မှာ ဆက်လက်တင်ကျန်ဖို့ မျှော်လင့်ချက် ပိုကောင်းလာပါပြီ။

ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်း ဖြစ်ပါတယ်။

ခရစ္စတယ်ပဲလေ့စ် ၀-၂ ၀က်စ်ဘရွန်း
အဲဗာတန် ၁-၀ ဘန်လေ
လက်စတာ ၂-၀ ဆွမ်ဆီး
စတုတ် ၂-၁ ဆောက်သက်တမ်
ချယ်ဆီး ၁-၀ မန်ယူ
မန်စီးတီး ၂-၀ ၀က်စ်ဟမ်း
နယူးကာဆယ် ၁-၃ စပါး