ချန်ပီယံလိဂ်နှင့် ယူရိုပါ ဆီမီးဖိုင်နယ်ပွဲစဉ်များ မဲခွဲ

ဧပြီ ၂၅၊ ၂၀၁၅
M-Media

– ဥရောပချန်ပီယံလိဂ် ဆီမီးဖိုင်နယ်အတွက် မဲခွဲမှုကို မနေ့က ကျင်းပပြုလုပ်ခဲ့ပြီး ပရိတ်သတ်အကြိုက်တွေ့မယ့် ပွဲကောင်းတွေအဖြစ် ပေါ်ထွက်လာခဲ့ပါတယ်။ ပြီးတော့ ဥရောပရဲ့ ဒုတိယအဆင့်အမြင့်ဆုံး ယူရိုပါလိဂ် ဆီမီးအတွက်လည်း မဲခွဲခဲ့ပါတယ်။

ဘာစီလိုနာကို အောင်မြင်မှုသရဖူဆောင်ပေးခဲ့တဲ့ နည်းပြဟောင်း ဂွါဒီယိုလာရဲ့ ဘိုင်ယန်မြူးနစ်ဟာ ဘာစီလိုနာနဲ့ ပြန်လည်တွေ့ရမှာဖြစ်ပါတယ်။ ၂၀၁၂ ခုနှစ် ဘာကာက ထွက်ခွာခဲ့ပြီးတဲ့နောက်ပိုင်း ဂွါဒီယိုလာတစ်ယောက် အသင်းဟောင်းကို ပထမဆုံးအကြိမ် ရင်ဆိုင်ရတာ ဖြစ်ပါတယ်။

လက်ရှိချန်ပီယံ ရီးယဲလ်မက်ဒရစ်ကတော့ ဂျူဗင်တပ်စ်အသင်းနဲ့ တွေ့ဆုံယှဉ်ပြိုင်ရမှာဖြစ်ပါတယ်။ ဂျူဗင်တပ်စ်ဟာ ၂၀၀၃ ခုနှစ်က ချန်ပီယံလိဂ်ဗိုလ်လုပွဲမှာ အေစီမီလန်ကိုရှုံး ဒုတိယရပြီးတဲ့နောက်ပိုင်းမှာ ဒီအဆင့်ကို ပထမဆုံးတက်ရောက်လာနိုင်တာပါ။

ချန်ပီယံလိဂ်ဆီမီးဖိုင်နယ်ရဲ့ ပထမအကျော့ကို မေလ ၅ ရက်နဲ့ ၆ ရက်နေ့တွေမှာ ကစားမှာဖြစ်ပြီး ဘာစီလိုနာနဲ့ ဂျူဗင်တပ်စ်တို့က အိမ်ရှင်အဖြစ် လက်ခံကစားရမှာဖြစ်ပါတယ်။ ဒုတိယအကျော့ကိုတော့ မေလ ၁၂ ရက်နဲ့ ၁၃ ရက်တို့မှာ ကစားမှာဖြစ်ပါတယ်။

မဲခွဲအပြီး သက်ဆိုင်သူတွေရဲ့ ရင်တွင်းစကားတွေကို ဖော်ပြလိုက်ပါတယ်။

“ပက်ပ် ဂွါဒီယိုလာ ဒီကိုပြန်လာမှာကြောင့် ဒါဟာ ထူးခြားတဲ့ပွဲ ဖြစ်မှာပါ။ ပြီးတော့ ကျွန်တော့်အတွက်ရော၊ ကစားသမားတွေအတွက်ရောပေါ့ဗျာ။ ဘာကာပရိသတ်တွေအတွက်လည်း နေ့ထူးတစ်နေ့ပါပဲ။ အိမ်ကွင်း၊ အဝေးကွင်း နှစ်ကျော့စလုံး အနိုင်ကစားမယ်ဆိုတဲ့ ရည်ရွယ်ချက်နဲ့ ကျွန်တော်တို့ ကစားသွားမှာပါ။ မဲခွဲတဲ့ ဖြစ်စဉ်ကတော့ အရင်လိုပါပဲ။ ဒါပေမယ့် ဘောလုံးလောကဆိုတာ မှန်းဆလို့မရသလို အမြဲတမ်း အံ့သြစရာတွေနဲ့ ပြည့်နေပါတယ်” (လူးဝစ် အန်းရစ် – ဘာစီလိုနာနည်းပြ)

“ဒီပြိုင်ပွဲရဲ့ ဆီးမီးဖိုင်နယ်ဆိုတာ အမြဲတမ်း အသင်းကြီးတွေနဲ့ တွေ့ဆုံရလေ့ရှိတာပါ။ ပြီးခဲ့တဲ့နှစ်က ကျွန်တော်တို့ ရီးယဲလ်နဲ့ ကစားခဲ့ရတယ်။ ဒီနှစ်တော့ ဘာစီလိုနာနဲ့ပေါ့။ သူတို့နှစ်သင်းစလုံးကို ကျွန်တော် တော်တော်လေး လေးစားပါတယ်။ ကျွန်တော့်ရဲ့ နည်းပြသက်တမ်းမှာ ဒီနှစ်သင်းစလုံးနဲ့ တွေ့ဆုံ ရင်ဆိုင်ခွင့်ရတာကို ကျွန်တော် ပျော်ရွှင်ပါတယ်။ ဒါပေမယ့် အဆုံးမှာတော့ ဒါဟာ ဘောလုံးပွဲ ၂ ပွဲပါပဲ” (ဂွါဒီယိုလာ – ဘိုင်ယန်မြူးနစ်နည်းပြ)

“ကျွန်တော်တို့ဟာ ချန်ပီယံလိဂ် ဆီးမီးဖိုင်နယ်အကြောင်း ပြောနေတာပါ။ ဒါ့ကြောင့် အသင်းတိုင်းဟာ ခက်ခဲတဲ့ပြိုင်ဘက်တွေပဲ ဖြစ်မှာပါ။ အစတုန်းကတော့ ကျွန်တော်တို့ ရေပန်းမစားပါဘူး။ ဒါပေမယ့် ကျွန်တော်တို့ ကြောက်ရွံ့မှုမရှိဘဲ ကစားသွားမှာပါ။ ပြီးခဲ့တဲ့နှစ်က (အုပ်စုအဆင့်မှာ) ကျွန်တော်တို့ သူတို့နဲ့ တွေ့ခဲ့ဖူးပါတယ်။ ပြီးတော့ ပွဲကောင်း ၂ ပွဲလည်း ဖြစ်ခဲ့ပါတယ်။ အခုတော့ လောင်းကြေးက များသွားပါပြီ။ ဒါ့ကြောင့် တတ်နိုင်သလောက် ကျွန်တော်တို့ ပြင်ဆင်ရပါတော့မယ်” (အန်ဒရီယာ ဘာဇာဂလီ – ဂျူဗင်တပ်စ် နောက်ခံလူ)

“ဂျူဗင်တပ်စ်ဟာ ၁၂ လောက်ကြာမှ ဆီမီးဖိုင်နယ်ကို ပြန်တာလာတဲ့ ဂန္တ၀င်သမိုင်းရှိတဲ့ အသင်းပါ။ ဒီရာသီမှာ သူတို့ တော်တော်ကောင်းနေပြီး လက်တွေ့အရဆိုရင် ချန်ပီယံရှစ်ကိုလည်း ရထားပြီးပါပြီ။ ဒါက သူတို့ဟာ ချန်ပီယံလိဂ်ကို ပိုပြီး အာရုံစိုက်နိုင်တယ်ဆိုတဲ့ သဘောပါပဲ။ ပြီးခဲ့တဲ့နှစ်ပြီးတဲ့နောက် နောက်ထပ် ဗိုလ်လုပ်ပွဲတစ်ခုကို ရောက်ရမယ်ဆိုတဲ့ ကျွန်တော်တို့ရဲ့ အိပ်မက်ကို အကောင်အထည်ဖော်နိုင်မယ်လို့ ကျွန်တော်တို့ ယုံကြည်ပါတယ်။ နိုင်ဖို့အတွက်တော့ အသင်းဟာ အကောင်းဆုံးအနေအထား လိုအပ်ပါတယ်” (အန်ဆယ်လော့တီ – ရီးယဲလ်မက်ဒရစ်နည်းပြ)

ယူရိုပါလိဂ် ဆီမီးဖိုင်နယ်အတွက်လည်း မနေ့က တစ်ခါတည်း မဲခွဲခဲ့ပြီး ၂၀၀၆၊ ၂၀၀၇ ခုနှစ်တွေမှာ ချန်ပီယံဖြစ်ခဲ့ပြီး လက်ရှိချန်ပီယံလည်းဖြစ်တဲ့ ဆီးဗီးလားအသင်းက စီးရီးအေက ဖီအိုရင်တီးနားအသင်းနဲ့ ယှဉ်ပြိုင်ကစားရမှာဖြစ်ပါတယ်။

စီးရီးအေက နောက်တစ်သင်းဖြစ်တဲ့ နာပိုလီကတော့ အသင်းသမိုင်းတစ်လျှောက် ပထမဆုံး ယူရိုပါဆီမီးဖိုင်နယ် တက်လာတဲ့ ယူကရိန်းကလပ် ဒီနီပရိုနဲ့ တွေ့ဆုံရမှာ ဖြစ်ပါတယ်။ ပထမအကျော့ကိုတော့ ဆီးဗီးလားနဲ့ နာပိုလီတို့က အိမ်ရှင်အဖြစ် မေလ ၇ ရက်နေ့မှာ ကစားမှာဖြစ်ပြီး ဒုတိယအကျော့ကိုတော့ မေလ ၁၄ ရက်နေ့မှာ ကစားမှာဖြစ်ပါတယ်။

Ref: Goal.com, uefa.com