အာဆင်ဝင်းဂါးမှာ မိမိ၏ ပြိုင်ဘက်မဟုတ်ဟု မော်ရင်ဟိုပြော

ဧပြီ ၂၅၊ ၂၀၁၅
M-Media

– အာဆင်နယ်အသင်း၏ သက်တော်ရှည်နည်းပြ အာဆင်ဝင်းဂါးအား ပြိုင်ဘက်အနေဖြင့် မမြင်ကြောင်း ချယ်ဆီးနည်းပြ မော်ရင်ဟိုက ပြောကြားလိုက်သည်။

ချယ်ဆီးမှာ ဒုတိယနေရာမှ အာဆင်နယ်အား ၁၀ မှတ်ဖြတ်ကာ ဦးဆောင်ထားပြီး ၎င်းတို့နှစ်သင်းမှာ မနက်ဖြန်တွင် ထိပ်တိုက်တွေ့ဆုံရမည်ဖြစ်သည်။ အာဆင်ဝင်းဂါးနှင့် မော်ရင်ဟိုတို့မှာ ယခင်က စကားစစ်ထိုးမှုများကို ပြုလုပ်ခဲ့ဖူးသော်လည်း ယခုအချိန်တွင် မော်ရင်ဟိုက ၎င်းမှာ အာဆင်ဝင်းဂါးနှင့် ယှဉ်ပြိုင်ရန် မလိုအပ်ကြောင်း ပြောကြားခဲ့သည်။

“ကျွန်တော့်အတွက်တော့ သူဟာ ပြိုင်ဘက်မဟုတ်ပါဘူး။ ဒီလိုလည်း မခံစားရပါဘူး။ သူဟာ တူညီတဲ့ရည်ရွယ်ချက်တွေနဲ့ ကျွန်တော်နေထိုင်အလုပ်လုပ်တဲ့ မြို့တွင်းက အသင်းကြီးတစ်သင်းရဲ့ နည်းပြပါပဲ။ ဒ့ါကြောင့် အမြဲတမ်း ပြိုင်ဘက်ပုံစံမျိုး နည်းနည်းတော့ ရှိပါတယ်။ ဒါပေမယ့် ကျွန်တော် ရီးယဲလ်မှာရှိတုန်းက အက်သလက်တီကိုနည်းပြကို မြင်သလိုမျိုးပဲ ၀င်းဂါးကို မြင်ပါတယ်” ဟု ပွဲအကြို သတင်းစာရှင်းလင်းပွဲတွင် မော်ရင်ဟိုက သတင်းထောက်များအား ပြောကြားခဲ့သည်။

မော်ရင်ဟိုမှာ အာဆင်ဝင်းဂါးနှင့် တွေ့ဆုံသည့်ပွဲများတွင် ၁၂ ပွဲတိုင်တိုင် ရှုံးပွဲမရှိသေးဘဲ မော်ရင်ဟိုကမူ အဆိုပါမှတ်တမ်းအတွက် ဂုဏ်မယူဟုဆိုသည်။

“ကျွန်တော့်အတွက်တော့ အောင်မြင်မှုဆိုတာ မနက်ဖြန်ပွဲ နိုင်ဖို့ပါပဲ။ ဒါဟာ အရင်က အာဆင်နယ်နဲ့ကစားခဲ့တဲ့ ၁၂ ပွဲမဟုတ်ပါဘူး။ ကျွန်တော် ဒါကိုမကြည့်ပါဘူး။ အရေအတွက်တွေကို မကြည့်ပါဘူး။ ဒီနည်းပြ ဒါမှမဟုတ် ဒီအသင်းနဲ့တွေ့တဲ့အခါ ဘာလုပ်ခဲ့သလဲဆိုတာ ကျွန်တော်မကြည့်ပါဘူး” ဟု ၎င်းက ထပ်လောင်းပြောကြားခဲ့သည်။

မော်ရင်ဟို၏ ချယ်ဆီးမှာ အာဆင်နယ်အား အနိုင်ရခဲ့ပါက ၁၃ မှတ်အသာဖြင့် ဇယားအား ဦးဆောင်နိုင်မည်ဖြစ်ပြီး ချန်ပီယံဖြစ်ရေး နောက်ထပ်တစ်ပွဲသာ အနိုင်ကစားရန် လိုအပ်တော့မည်ဖြစ်သည်။

Ref: Goal.com