ထိပ်ဆုံးလေးသင်းဝင်ရန် လက်ကျန်ပွဲများအားလုံး အနိုင်ကစားရတော့မည်ဟု ရော်ဂျာပြော

ဧပြီ ၂၆၊ ၂၀၁၅
M-Media

– ယမန်နေ့က ၀က်စ်ဘရွန်းအား သရေကျခဲ့ခြင်းမှာ ချန်ပီယံလိဂ်ဝင်ခွင့်အတွက် မိမိတို့၏မျှော်လင့်ချက်ကို ပျက်ဆီးစေပြီး ထိပ်ဆုံးလေးသင်း စာရင်းဝင်ရန်အတွက် ကျန်ရှိသည့်ပွဲများအားလုံးကို အနိုင်ရကစားရမည်ဟု လီဗာပူးလ်နည်းပြ ဘန်ဒန်ရော်ဂျာက ပြောကြားလိုက်သည်။

ထိုပွဲတွင် လီဗာပူးလ်မှာ ဂိုးသွင့်အချို့ ရခဲ့သော်လည်း ဂိုးကံခေခြင်းနှင့် ၀က်စ်ဘရွန်းအသင်း၏ ဂိုးသမား လက်စွမ်းပြ ကာကွယ်သွားနိုင်ခြင်းတို့ကြောင့် ဂိုးမရှိသရေဖြင့် ကျေနပ်ခဲ့ရသည်။ ထို့ကြောင့် လီဗာပူလ်းမှာ အဆင့် ၅ နေရာတွင်ရှိနေပြီး အဆင့် ၄ မှ မန်ယူနှင့် ၇ မှတ် ကွာဟနေသည်။

ရော်ဂျာကမူ မိမိတို့မှာ အဆင့်လေးနေရာအတွက် အခွင့်အရေးရရန် ကျန်ရှိသည့်ပွဲများတွင် အမှတ်အပြည့် ရယူရမည်ဟုဆိုသည်။

“သိပ်ခက်သွားပါပြီ။ ၆ ပွဲမှာ အနည်းဆုံး ၅ ပွဲတော့ ကျွန်တော်တို့ နိုင်ဖို့လိုတယ်လို့ ခံစားရပါတယ်။ နောက်ထပ် ၅ ပွဲရှိသေးတယ်။ ပြီးတော့ ကျွန်တော်တို့ အခွင့်အရေးရဖို့အတွက် အဲဒီပွဲတွေအားလုံး နိုင်ဖို့ လိုအပ်ပါတယ်။ အပေါ်ကအသင်းတွေ ဘာဖြစ်မလဲဆိုတာလည်း မသိနိုင်ပါဘူး။ ဒါပေမယ့် လုပ်ဖို့လိုတာက ဆက်လက်တွန်းအားပေးသွားဖို့ပါပဲ” ဟု ရော်ဂျာက ပွဲအပြီးတွင် သတင်းထောက်များအား ပြောကြားခဲ့သည်။

ဝက်စ်ဘရွန်းအသင်းမှာ လက်ရှိတွင် ရမှတ် ၃၇ မှတ်ဖြင့် အဆင့် ၁၂ နေရာ၌ ရှိနေပြီး တန်းဆင်းဇုန်နှင့် ၇ မှတ်ကွာဟနေကာ နည်းပြပူးလစ်က မိမိတို့အသင်းမှာ တန်းဆင်းဇုန်မှ လွတ်ရန် စိတ်မချရသေးဟု ပြောကြားခဲ့သည်။

“ကျွန်တော်တို့အတွက် ကောင်းမွန်တဲ့ တစ်မှတ်ဖြစ်ပြီး ကျွန်တော်တို့ရဲ့ အားထုတ်မှု၊ စိတ်နှစ်မြှုပ်မှုတို့အတွက် ထိုက်တန်တဲ့အမှတ်လည်းဖြစ်ပါတယ်။ ကျွန်တော်တို့ ရှေ့ဆက်သွားဖို့လိုတယ်။ ၄ ပွဲကစားဖို့လိုသေးပြီး အမှတ်တွေယူဖို့လည်း လိုပါတယ်” ဟု ပူးလစ်က ပြောကြားခဲ့သည်။

Ref: Goal.com