ငလျင်ကြောင့်သေဆုံးသူ တစ်သောင်းအထိ ရှိလာနိုင်ဟု နီပေါဝန်ကြီးချုပ် ပြော

ဧပြီ ၂၈၊ ၂၀၁၅
M-Media

– ပြီးခဲ့သည့်စနေနေ့က လှုပ်ခတ်ခဲ့သော ငလျင်ပြီးနောက် ရှာဖွေကယ်ဆယ်ရေး လုပ်ငန်များမှာ ရုန်းကန်နေရပြီး သေဆုံးသူ အရေအတွက်မှာ ၁၀၀၀၀ အထိ ရောက်သွားနိုင်သည်ဟု နီပေါဝန်ကြီးချုပ်က သတိပေးလိုက်သည်။

ဝန်ကြီးချုပ် ဆူရှီလ် ကိုအီရာလာက ယနေ့တွင် ပြောကြားလိုက်ခြင်းဖြစ်ပြီး ငလျင်ဒဏ် အဆိုးဆုံး ခံစားခဲ့ရသည့် ဒေသအချို့တွင် အကူအညီရရှိရေးမှာ အဓိကစိန်ခေါ်မှု ဖြစ်နေသည်ဟုလည်း ပြောကြားခဲ့သည်။ ကုလသမဂ္ဂကမူ အဆိုပါ ငလျင်ဒဏ်ကို လူပေါင်း ၈ သန်းခန့် ခံစားခဲ့ရသည်ဟု ခန့်မှန်း တွက်ချက်ထားသည်။

ရောဂါများ ပြန့်နှံ့မှုကို တားဆီးရန်အတွက် သေဆုံးသူများ၏ ရုပ်အလောင်းများကို ချက်ခြင်းမီးရှို့သင်္ဂြိုဟ်ရန် အာဏာပိုင်များက အမိန့်ပေးထားသည်။ ပြည်ထဲရေးဝန်ကြီးဌာနမှ တာဝန်ရှိသူ လက်ဇ်မီ ပရာဆဒ် ဒါကဲလ်ကမူ တရားဝင်ရရှိသည့် သေဆုံးသူအရေအတွက်မှာ ၄၃၁၀ အထိ ရောက်ရှိလာခဲ့ပြီး ဒဏ်ရာရသူ အရေအတွက်မှာ ၇၉၅၃ ဦး ရှိနေပြီဟု ယနေ့တွင် ပြောကြားခဲ့သည်။

ခတ္တာမန်ဒူရှိ ဘာဆန်တာပူရ် ဒါဘာရ် ရင်ပြင်ကဲ့သို့ နေရာမျိုးတွင် ကယ်ဆယ်ရေးအဖွဲ့များမှာ အပျက်အဆီးများအောက်တွင် ပိတ်မိနေဖွယ်ရှိသည့် အသက်ရှင်သူများကို ရှာဖွေရန် အပျက်အဆီးများအား ခဲခဲယဉ်းယဉ်း ဖယ်ရှားရှင်းလင်းနေရသည်။

ခတ္တာမန်ဒူတွင် မိုးသည်းထန်စွာရွာသွန်းမှု၊ ငလျင်ကြောင့် နေအိမ်ဆုံးရှုံးသွားသူများ၊ နောက်ဆက်တွဲ ငလျင်များကို ကြောက်ရွံ့သည့်အတွက် ဟင်းလင်းပြင်တွင် အိပ်စက်နေမှုများကလည်း ကယ်ဆယ်ရေးလုပ်ငန်းများကို အနှောက်အယှက်ဖြစ်စေသည်။

အစားအသောက်များ ပြတ်လတ်မှုနှင့် ပတ်သက်၍လည်း စိုးရိမ်မှုများ ရှိနေပြီး ခတ္တာမန်ဒူရှိ လေယာဉ်ကွင်း အရွယ်အစားက အကူအညီများ ပေးပို့ရန်အတွက် အဟန့်အတားဖြစ်နေကာ ပြေးလမ်းတစ်ခုသာရှိသည့် အဆိုပါလေယာဉ်ကွင်းတွင် အရွယ်အစားသေးငယ်သည့် လေယာဉ်အချို့သာ ဆင်းသက်နိုင်သည်။

ခတ္တာမန်ဒူမြို့ အနောက်ဘက် ၇၇ ကီလိုမီတာရှိ ငလျင်ဗဟိုချက်ဖြစ်ရာ လမ်ဂျန်းဒေသမှာ အဆိုးဝါးဆုံး ထိခိုက်ခဲ့သည့် နေရာဖြစ်ပြီး ရှာဖွေကယ်ဆယ်ရေးအဖွဲ့များမှာ ထိုဒေသသို့ မရောက်ရှိကြသေးပေ။

အဆိုပါ ငလျင်ကြောင့် အိန္ဒိယတွင် ၇၃ ဦးသေဆုံးခဲ့ပြီး နီပေါ၏ အိမ်နီးချင်းဖြစ်သည့် တိဘက်ဒေသတွင်လည်း သေဆုံးသူ အရေအတွက်မှာ ၂၅ ဦး ရှိပြီဖြစ်သည်။

Ref: Aljazeera