တရုတ်ပိုင်နက်အတွင်း ဗုံးဆံထပ်ကျ၍ တိုက်ခိုက်မှုရပ်ရန် မြန်မာအား တရုတ်သတိပေး

ဧပြီ ၂၈၊ ၂၀၁၅
M-Media

– ကိုးကန့်လက်နက်ကိုင်များအား လတ်တလောတိုခိုက်မှုအတွင်း တရုတ်ပိုင်နက်ထဲသို့ ဗုံးဆံများ ကျရောက်ပြီးနောက် တိုက်ခိုက်မှုများကို ရပ်တန့်ရန်အတွက် မြန်မာအစိုးရအား တရုတ်က ယနေ့တွင် ထပ်မံ တောင်းဆိုလိုကသ်ည်။

ပြီးခဲ့သည့်လက သူပုန်များနှင့် မြန်မာစစ်တပ်တို့ တိုက်ခိုက်မှုအတွင်း မြန်မာစစ်တပ်မှ ပစ်လိုက်သည့် ဗုံးဆံများမှာ လမ်းကြောင်းလွဲကာ တရုတ်နိုင်ငံ အနောက်တောင်ပိုင်း ယူနန်ပြည်နယ်သို့ ကျရောက်ခဲ့ပြီး တရုတ်နိုင်ငံသား ၅ ဦး သေဆုံးခဲ့သောကြာင့် တရုတ်နိုင်ငံက ဒေါသထွက်ခဲ့သည်။

“မကြာသေးခင်ကပဲ မြန်မာဘက်က ဗုံးဆံအချို့ တရုတ်နိုင်ငံထဲကို ကျရောက်ခဲ့ပြီး အဆောက်အဦး ပျက်ဆီးမှုတွေ ရှိခဲ့ပါတယ်။ ဒါပေမယ့် ကံကောင်းထောက်မစွာနဲ့ပဲ သေဆုံး၊ ဒဏ်ရာရမှုတော့ မရှိပါဘူး” ဟု တရုတ်နိုင်ငံခြားရေး ၀န်ကြီးဌာနမှ ပြောရေးဆိုခွင့်ရှိသူ ဟွန်လီက ဖြစ်ပွားသည့်ရက်အား အတိအကျ ဖော်ပြခြင်းမရှိဘဲ နေ့စဉ် သတင်းစာများသို့ ပြောကြားခဲ့သည်။

“တရုတ်နိုင်ငံဟာ မြန်မာဘက်ကို ပြတ်သားတဲ့ တင်ပြမှုမျိုးတွေ ပြုလုပ်ပြီးပါပြီ။ ပြီးတော့ ဒါမျိုး နောက်ထပ်မဖြစ်ဖို့ ထိရောက်တဲ့ ဆောင်ရွက်မှုတွေကို စိတ်အားထက်သန်စွာ ပြုလုပ်ဖို့လည်း တောင်းဆိုခဲ့ပါတယ်။ မြန်မာဘက်ကတော့ ဒါမျိုး နောက်ထပ်မဖြစ်ဖို့အတွက် သက်ဆိုင်ရာ အမှုထမ်းတွေကို ထိထိရောက်ရောက် ထိန်းချုပ်တာဆီးဖို့ ကြိုးစားသွားမယ်လို့ ပြောခဲ့ပါတယ်” ဟု လီက ထပ်လောင်းပြောကြားခဲ့သည်။

ထို့ပြင် တရုတ်သမ္မတ ဇီ ဂျင်ပင်းမှာ ယမန်နေ့က အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဌ သူရဦးရွှေမန်းနှင့် ဘေဂျင်းတွင် တွေ့ဆုံခဲ့ပြီး နယ်စပ်တစ်လျှောက် ငြိမ်းချမ်းရေးအတွက် ထပ်မံ တိုက်တွန်းခဲ့သည်ဟုလည်း လီက ဆိုသည်။

“နယ်စပ်ဒေသကို ပုံမှန်အခြေအနေ ပြန်ရောက်ဖို့ သက်ဆိုင်ရာအဖွဲ့တွေဟာ တတ်နိုင်သမျှ အခြေအနေကို ထိန်းသိမ်းနိုင်လိမ့်မယ်လို့ တရုတ်နိုင်ငံက မျှော်လင့်ပါတယ်”

မြန်မာအစိုးရတပ်များမှာ တရုတ်နိုင်ငံနယ်စပ်မှ မီတာ ၅၀၀ အကွာအဝေးတွင် ခြေကုပ်ယူထားသော သူပုန်များအား တိုက်ခိုက်နေသည်ဟု ပြန်ကြားရေးဝန်ကြီးဌာနက ယမန်နေ့တွင် သတင်းထုတ်ပြန်ခဲ့သည်။

Ref: Reuters