မစ်ဇူရီရှိ ဗလီဝတ်ကျောင်းတော်တစ်လုံး အစ္စလာမ်နှင့် ပတ်သက်သည့် ယူဆချက်အမှားများ ရှင်းလင်း

ဧပြီ ၂၉၊ ၂၀၁၅
M-Media

– အစ္စလာမ်၏ စစ်မှန်သော အနေအထားကို ပြသရန်၊ တင်ပြမှုများ၊ ဆွေးနွေးမှုများနှင့် အခြားသော လှုပ်ရှားမှုများမှ တစ်ဆင့် အစ္စလာမ်အပေါ် ရှိနေသည့် ယူဆချက်အမှားများကို ချေဖျက်ရန်တို့အတွက် အမေရိကန်ပြည်ထောင်စု မစ်ဇူရီပြည်နယ်ရှိ ဗလီဝတ်ကျောင်းတော်တစ်ခုက ပြီးခဲ့သည့် တနင်္ဂနွေနေ့တွင် အခမ်းအနားတစ်ခု ကျင်းပခဲ့သည်ဟု သိရသည်။

မစ်ဇူရီအလယ်ပိုင်း အစ္စလာမ့်စင်တာ ICCM ဗလီဝတ်ကျောင်းတော်တွင် ပြုလုပ်ခဲ့ခြင်းဖြစ်ပြီး တက်လောက်ကြသူများအား ဟောပြောတင်ပြမှုများ ပြုလုပ်ခဲ့ကာ ဗလီဝတ်ကျောင်းတော်အတွင်းသို့ လေ့လာခွင့်၊ ၀တ်ပြုမှုများ ကြည့်ရှုခွင့်တို့ကိုလည်း ပေးအပ်ခဲ့သည်။

“ဒါဟာ အစ္စလာမ်နဲ့ပတ်သက်ပြီး မသိနားမလည်တာတွေ၊ မသေချာမရေရာတာတွေကို ရှင်လင်းသွားစေမယ်လို့ ကျွန်တော် မျှော်လင့်ပါတယ်။ လူတွေက မေးခွန်းတွေမေးဖို့ ကြောက်နေကြတယ်။ ဒါမှမဟုတ်ရင် သတင်းတွေက ပြောတာကိုပဲ သူတို့ သိကြတယ်လို့ ကျွန်တော်ထင်ပါတယ်။ ဒီအခမ်းအနားက လူတွေကို စကားပြောခွင့်ရစေတယ်။ ပြီးတော့ တစ်ယောက်နဲ့တစ်ယောက် ပိုသိလာစေပြီး အဟန့်အတားတွေကို ဖျက်ဆီးပစ်ပါတယ်” ဟု အဆိုပါ အခမ်းအနားတွင် စေတနာ့ဝန်ထမ်းအဖြစ် ပါဝင်ပြီး၊ ဟောပြောတင်ပြမှုများ
ပြုလုပ်ခဲ့သူ တာဟူရာ လော့ဒ်ဟီက ပြောကြားခဲ့သည်။

မွတ်စလင်အမျိုးသမီးများအပေါ် ရှိနေသော အနုတ်လက္ခဏာဆောင်သည့် သမရိုးကျအမြင်များကို ဖြေရှင်းရန်အတွက် အဆိုပါအခမ်းအနားတွင် အစ္စလာမ့် အမျိုးသမီးကဏ္ဍအကြောင်းကိုလည်း ရှင်းလင်းတင်ပြခဲ့သည်။

“သမရိုးကျအဖြစ်ဆုံး အမြင်က အမျိုးသမီးတွေကို ဖိနှိပ်ခြင်း၊ သူတို့ကို သီးခြားထားခြင်း ဒါမှမဟုတ် အရာမသွင်းခြင်းတို့နဲ့ တွဲမြင်ကြတဲ့ ဟီဂျဘ်ဖြစ်မယ်လို့ ကျွန်တော်ထင်ပါတယ်။ တကယ့်လက်တွေမှာတော့ အစ္စလာမ်ဟာ အသိပညာပေးခြင်း၊ ခွန်အားပေးခြင်းပါပဲ” ဟု လော့ဒ်ဟီက ထပ်လောင်းပြောကြားခဲ့သည်။

ဗလီဝတ်ကျောင်းတော်အတွင်း လေ့လာခွင့်နှင့် ၀တ်ပြုမှုအား ကြည့်ရှုခြင်းတို့အပြင် တက်ရောက်လာသူများကို ဟင်းလျာများနှင့် တည့်ခင်းဧည့်ခံခြင်း၊ အစ္စလာမ်နှင့်နွယ်သည့် ရိုးရာဝတ်စုံများကို ပြသခြင်းတို့ကိုလည်း ပြုလုပ်ခဲ့သည်။

ထို့ပြင် မိမိတို့၏ အမည်များကို အာရဗီဘာသာစကားဖြင့် ရေးသားထားမှုကို မြင်ချင်သူများအတွက် ဗလီဝတ်ကျောင်းတော်ရှိ စေတနာ့ဝန်ထမ်းများက ရေးသားပေးခဲ့ပြီး၊ လက်ချောင်းကလေးများဖြင့် တက်ရောက်လာသူများကိုယ်တိုယ် အနုပညာ ဖန်တီးခြင်းတို့ကိုလည်း ပြုလုပ်ပေးခဲ့ကာ အမျိုးသမီးများနှင့် မိန်းကလေးငယ်များ အထူး စိတ်ဝင်စားခဲ့သည်။

ICCM ကို ၁၉၈၃ ခုနှစ်တွင် စတင်တည်ထောင်ခဲ့ပြီး မစ်ဇူရီပြည်နယ်ရှိ ပထမဆုံး ဗလီဝတ်ကျောင်းတော်လည်း ဖြစ်သည်။ အဆိုပါဗလီဝတ်ကျောင်းတော်မှာ ဌာနေများ၊ နိုင်ငံတကာကျောင်းသားများနှင့် ပြောင်းရွှေ့အခြေချသူများဖြင့် ဖွဲ့စည်းထားသော မစ်ဇူရီရှိ မွတ်စလင်လူ့အဖွဲ့အစည်းအား သဟဇာတဖြစ်သည့် ၀န်းကျင်တစ်ခု ဖြစ်လာစေရန် ကြိုးပမ်းဆောင်ရွက်လျက် ရှိနေသည်။

Ref: Onislam