နီပေါငလျင်အတွက် စင်ကာပူ မွတ်စလင်လူ့အဖွဲ့အစည်း ကူညီမည်

ဧပြီ ၂၉၊ ၂၀၁၅
M-Media

– နီပေါနိုင်ငံရှိ ငလျင်ဒဏ်သင့်သူများအား ကူညီရန်အတွက် စင်ကာပူနိုင်ငံရှိ ဗလီဝတ်ကျောင်းတော်ပေါင်း ၆၈ လုံးတွင် အလှူငွေများ လက်ခံသွားမည်ဟု ရဟ်မာတန် လီလ် အလာမင် ဖောင်ဒေးရှင်း RLAF က တနင်္လာနေ့တွင် ပြောကြားခဲ့သည်။

RLAF မှာ စင်ကာပူမွတ်စလင် လူ့အဖွဲ့အစည်းအနေဖြင့် ဆင်းရဲနွမ်းပါးသူများ၊ ချို့တဲ့သူများနှင့် သဘာဝဘေးအန္တရာယ်ကို ခံစားရသူများအား ကူညီဖေးမ မေတ္တာမျှဝေရန် ရည်ရွယ်၍ ၂၀၀၅ ခုနှစ်က စင်ကာပူ အစ္စလာမ်သာသနာရေးကောင်စီ MUIS မှ တည်ထောင်ထားသည့် ဖောင်ဒေးရှင်းဖြစ်သည်။

အဆိုပါ ဖောင်ဒေးရှင်း၏ အဆိုအရ စင်ကာပူရှိ ဗလီဝတ်ကျောင်းတော်များမှာ မွတ်စလင်လူ့အဖွဲ့အစည်းမှ မည်သည့်ပုံစံမျိုးဖြင့် လှူဒါန်းမှုဖြစ်စေ လက်ခံသွားမည်ဖြစ်ပြီး၊ MUIS ၀ဘ်ဆိုက်သို့ဝင်ရောက်ကာ အွန်လိုင်းမှလည်း လှူဒါန်းမှုများကို ပြုလုပ်နိုင်သည်ဟု ဆိုသည်။

“နီပေါနိုင်ငံအတွက် အထူးကောက်ခံမှု” ဟု စာတမ်းကပ်ထားသည့် အလှူခံပုံးများကို မေလ ၁ ရက်နေ့မှ ၇ ရက်နေ့အထိ အဆိုပါ ဗလီဝတ်ကျောင်းတော် ၆၈ လုံးတွင် RLAF က ထားရှိသွားမည်ဖြစ်သည်။

“ကောက်ခံမှုက ရရှိတာတွေကို ငလျင်ကြောင့် ထိခိုက်သူတွေကို သွားရောက်ကူညီပေးဖို့ အဖွဲ့တစ်ဖွဲ့ စေလွှတ်ခဲ့တဲ့ Mercy Relief ကို လွှဲပြောင်းပေးအပ်သွားမှာ ဖြစ်ပါတယ်။ နီပေါက ငလျင်ဒဏ်ခံ ပြည်သူတွေ စိတ်ဓာတ်ခွန်အားရှိဖို့၊ ၀မ်းနည်းစရာကောင်းပြီး စိန်ခေါ်မှုတွေရှိနေတဲ့ ဒီအဖြစ်အပျက်တွေကို ကြံ့ကြံ့ခံရင်ဆိုင်နိုင်စွမ်းရှိဖို့ စင်ကာပူ မွတ်စလင်လူ့အဖွဲ့အစည်းက ဆုမွန်ကောင်း တောင်းပါတယ်” ဟု RLAF က ပြောကြားခဲ့သည်။

Ref: Channelnewsasia