မာလာလာအား လုပ်ကြံသူများကို ပါကစ္စတန် ပြစ်ဒဏ်ချမှတ်

ဧပြီ ၃၀၊ ၂၀၁၅
M-Media

– နိုဘယ်ဆုရှင် မာလာလာယူစွဖ်ဇိုင်အား ၂၀၁၂ ခုနှစ်က သတ်ဖြတ်ရန် ကြံစည်ခဲ့သူ ၁၀ ဦးကို ပါကစ္စတန် အကြမ်းဖက်တိုက်ဖျက်ရေးတရာရုံးက ယနေ့တွင် ထောင်ဒဏ် တစ်သက်တစ်ကျွန်းစီ ချမှတ်ခဲ့သည်ဟု သိရသည်။

၂၀၁၂ ခုနှစ် အောက်တိုဘာလတွင် ထိုစဉ်က ကျောင်းသူဖြစ်သူ မာလာလာမှာ ကျောင်းကားပေါ်တွင် သေနတ်သမားများ၏ ပစ်ခတ်ခြင်းကို ခံခဲ့ရခြင်းဖြစ်ပြီး ၎င်း၏ အတန်းဖော် ၂ ဦးမှာလည်း ဒဏ်ရာရခဲ့သည်။ ပါကစ္စတန်တာလီဘန်အဖွဲ့က အဆိုပါတိုက်ခိုက်မှုကို ၎င်းတို့လုပ်သည်ဟု ၀န်ခံခဲ့သည်။ ထိုတိုက်ခိုက်မှုတွင် ပါဝင်ခဲ့သူ ၁၀ ဦးကို ဆွက်တောင်ကြားဒေသ အကြမ်းဖက်တိုက်ဖျက်ရေး တရားရုံးမှ တရားသူကြီး အေမင် ကန်ဒီက ပြစ်ဒဏ်ချမှတ်ခဲ့ခြင်း ဖြစ်သည်။

ပါကစ္စတန်တွင် တစ်သက်တစ်ကျွန်းပြစ်ဒဏ်မှာ ထောင်ဒဏ် ၂၅ နှစ်ဖြစ်သည်။ ပြစ်ဒဏ်ချမှတ်ခံရသူများတွင် မာလာလာအား ပစ်ခတ်မှုတွင် ကိုယ်ထိလက်ရောက်ပါဝင်သူ ၄ ဦး သို့မဟုတ် ၅ ဦးပါဝင်ခဲ့ပြီး ကျန်သူများအား တိုက်ခိုက်မှုအား စီစဉ်ခဲ့သူများဖြစ်သည်။ ၎င်းတို့အားလုံးမှာ ဆွက်တောင်ကြားဒေသမှဖြစ်ပြီး တာလီဘန်အဖွဲ့ဝင်များဖြစ်ကြသည်။

ပြီးခဲ့သည့်နှစ် စက်တင်ဘာလအတွင်း ပါကစ္စတန်စစ်တပ်က မိမိတို့မှာ တိုက်ခိုက်မှုတွင် ပါဝင်ခဲ့သူများကို ဖမ်းဆီးခဲ့ပြီး ၎င်းတို့မှာ တိုက်ခိုက်မှုပြုလုပ်ရန်အတွက် ပါကစ္စတန်တာလီဘန်ခေါင်းဆောင် မွလ္လာ ဖက်ဇ်လူလာထံမှ တိုက်ရိုက် အမိန့်ရခဲ့ကြောင်း တိုက်ခိုက်မှုတွင် ၎င်းတို့သုံးစွဲခဲ့သည့် လက်နက်များကိုလည်း ရှာဖွေတွေ့ရှိခဲ့ကြောင်း ကြေညာခဲ့သည်။

စစ်တပ်မှာ ပထမဆုံး အစ္စရာ အူရ် ရဟ်မန်ဆိုသူကို ဖမ်းဆီးရမိခဲ့ခြင်ဖြစ်ပြီး ၎င်း၏ ဖော်ထုတ်မှုအရ ကျန်သူများကို ဖမ်းဆီးနိုင်ခဲ့ခြင်းဖြစ်သည်။

ထိုက်ခိုက်မှုကြောင့် ဒဏ်ရာရသူများတွင် မာလာလာမှာ အဆိုးဆုံးဖြစ်ပြီး ပါကစ္စတန်စစ်ဆေးရုံတွင် ကနဦးကုသမှုများ ပြုလုပ်ခဲ့ပြီးနောက် ယူကေသို ပို့ဆောင်ကုသခဲ့ရသည်။ နောက်ပိုင်းတွင် ဒဏ်ရာမှ ပြန်လည်သက်သာလာခဲ့ပြီး ကမ္ဘာတစ်ဝှမ်း ပညာရေးကဏ္ဍတွင် ကူညီထောက်ပံ့ပေးနေသည့် Malala Fund အဖွဲ့ကို တည်ထောင်ခဲ့သည်။ မာလာလာမှာ ပြီးခဲ့သည့်နှစ်တွင် အိန္ဒိယမှ ကလေးငယ်များအရေး ဆောင်ရွက်နေသူ ကိုင်လက်ရှ် ဆတ်ယာသီနှင့်အတူ ငြိမ်းချမ်းရေး နိုဘယ်ဆုကို ရရှိခဲ့သည်။

Ref: Aljazeera