ရုရှားတောင်ပိုင်း ရေကြီးမှု့ကြောင့် အနည်းဆုံး လူ၁၇၁ ယောက် သေဆုံး

8,July,2012

Source: Press TV

ရုရှားနိုင်ငံ တောင်ပိုင်းရှိ  ပင်လယ်နက် ဒေသ အတွင်း ဖြစ်ပွားခဲ့သော ရေကြိးမှုများသည် ပျက်စီးဆုံးရှုံးမှုများပြားပြီ၊း ဆယ်စုနှစ်အတွင်း အဆိုးဆုံး သဘာဝဘေးအန္တရာယ် ကျရောက်ခြင်းဖြစ်သည်။ ဤရေလျှံမှုကြောင့် အနည်းဆုံး လူ ၁၇၁ ယောက် သေဆုံးခဲ့ပြီးဖြစ်ပါသည်။

ရုရှားသမ္မတ ဗလာဒီမီယာ ပူတင် က သဘာဝ ဘေးဒဏ်ခံရသော ဒေသသို့ တနင်္ဂနွေနေ့က သွားရောက်ခဲ့ပြီး ပြည်သူများ၏ အသက်ကို ကယ်တင်နိုင်ရန် မိမိတို့ ထပ်မံလုပ်ဆောင်နိုင်မည့် နည်းလမ်းများ ရှာဖွေကြရန် စုံစမ်းရေးတပ်ဖွဲ့များ ကို ညွှန်ကြားခဲ့သည် ဟု Associated သတင်းစာက ဖော်ပြလိုက်ပါသည်။

ရေလျှံမှုကြောင့် လမ်းများသည် တွန့်လိမ်၍  ရွှံ့ရောင်လွှမ်းနေသော မြစ်ပြင်များကဲ့သို့ ဖြစ်နေပြီး ထောင်ချီသော အိမ်များသည် ရေတွင် နစ်မြုပ်လျက်ရှိနေပါသည်။ ဒေသခံပြည်သူ အများစုမှာ မိမိတို့ အိပ်နေစဉ် ရေနစ်သေဆုံးမည်ကို စိုးရိမ် ကြောက်ရွံ့လျက်ရှိနေပါသည်။

စနေနေ့ နံနက် က ကြောက်မက်ဖွယ်ရာ လှိုင်းလုံးများသည် ပြင်းထန်စွာနှင့် ၀င်ရောက်လာပြီး အဆုံးဝါးဆုံး ရေဘေးကို ကြုံတွေ့ ခဲ့ရသည့် Krymsk  မြို့နေပြည်သူများကို အထိတ်တလန့် ဖြစ်စေခဲ့ပါသည်။  အချို့ကလည်း ဤရေကြီးမှုသည် တောင်ပေါ်ရှိ ရေလှောင်တာတမံ ဆီမှ ရည်ရွယ်ချက်ရှိစွာ လွှတ်လိုက်သော ရေများဖြစ်မည် ဟု သံသယ ရှိနေကြပါသည်။

ရေကြီးမှုဒဏ်သည်  လူပေါင်း ၁၃၀၀၀ လောက်အထိ ရိုက်ခတ်ခဲ့သည်ဟု အာဏာပိုင်များက ခန့်မှန်းလျက် ရှိပါသည်။

Krymsk မြို့တွင် မီးပြတ်လပ်မှုကို တနင်္ဂနွေ နေ့အထိ ဆက်လက်ကြုံတွေ့နေရပြီး ရေကြီးမှု ဒဏ်ခံရသော ဒေသများမှ အစီရင်ခံစာများ အရ ရေကြီးမှုသည် ၇မီတာ အထိ မြင့်တက်ခဲ့သည် ဟုသိရပါသည်။

အပန်းဖြေစခန်း မြို့တစ်ခု ဖြစ်သည့် Gelendzhik မြို့သည် ငါးလအတွင်း ရွာသွန်းမည့် မိုးရေချိန်ပမာဏကို ၂၄ နာရီအတွင်း ရရှိခဲ့သည်။ ထိုသို့ မိုးကြီးမှုကြောင့် ရုရှား မီးရထားလမ်းများ လမ်းချော်မှုကို ဖြစ်စေခဲ့ပြီး ထိုဒေသအတွင်း “ခက်ခဲဆိုးရွားသော ရာသီဥတု အခြေအနေ” တစ်ရပ် ဖြစ်စေခဲ့ပါသည်။

နှစ်လတာမိုးရေချိန်ကို ၂၄ နာရီအတွင်း ရရှိခဲ့သည့် Novorossiisk ဆိပ်ကမ်းမြို့ တွင်လည်း ရေလျှံမှုကြောင့် ဆိပ်ကမ်းမှ လုပ်ဆောင်လည်ပတ်မှု များကို ရပ်တန့် နှောင့်နှေးစေခဲ့ပြီး မြေအောက် ရေနံလိုင်း operator Transneft မှ ရေနံစိမ်းတင်ပို့မှု ကို ရပ်တန့်ထားရသည်။