ယူကေတွင် အစ္စလာမ့်နည်းကျ ဘဏ္ဍာရေးလုပ်ငန်း ကြီးထွားလာ

မေ ၄၊ ၂၀၁၅
M-Media

– ကမ္ဘာတစ်ဝှမ်း အစ္စလာမ့်နည်းကျ ဘဏ္ဍာရေးစနစ်အား အားပေးထောက်ခံမှုများ ကြီးထွားလာသည့် အချိန်တွင် ယူကေတွင်လည်း အစ္စလာမ့်နည်းကျ ဘဏ်လုပ်ငန်းများမှာ အခြေကျလာခဲ့ပြီး မွတ်စလင် မဟုတ်သူများ အကြားတွင် လူကြိုက်များမှု တစ်ဟုန် ထိုးတက်လာသည်ဟု ဗြိတိန် ဘဏ္ဍာရေး ကျွမ်းကျင်သူများက ပြောကြားလိုက်သည်။

“မွတ်စလင် မဟုတ်တဲ့သူတွေကလည်း အစ္စလာမ့် ဘဏ္ဍာရေးစနစ်ကို စိတ်ဝင်စားကြပါတယ်။ ဘာ့ကြောင့်လည်းဆိုတော့ ကျွန်တော်တို့ စီးပွားရေးမှာ ကျင့်သုံးတဲ့ ကျင့်ဝတ်ဆိုင်ရာနည်းလမ်းနဲ့ ကျွန်တော်တို့ရဲ့ ၀န်ဆောင်မှုတွေကြောင့်ပါပဲ။ အစ္စလာမ့် ဘဏ္ဍာရေးစနစ်ဟာ သာတူညီမျှဖြစ်တဲ့ ဖြန့်ဖြူးမှု၊ မျှတတဲ့ ကုန်သွယ်မှု၊ နှိုင်းနှိုင်းချင့်ချင့် သုံးစွဲမှုနဲ့ လူ့အဖွဲ့အစည်းတစ်ခုလုံးအတွက် အကျိုးရှိမှု စတဲ့ အခြေခံ စည်းမျဉ်းတွေကို သဘောတူကြတဲ့သူတွေကို ဆွဲဆောင်နိုင်စွမ်းရှိပါတယ်” ဟု အလ် ရေယန်ဘဏ် ဈေးကွက်နှင့် လက်ကားဌာနမှ
အကြီးအကဲ တင်မ် ဆင်ကလဲယားက Independent သတင်းစာသို့ မေ ၃ ရက်နေ့တွင် ပြောကြားခဲ့သည်။

ကျင့်ဝတ်ဆိုင်ရာ စံနှုန်းက ယူကေရှိ မွတ်စလင် မဟုတ်သော လူ့အဖွဲ့အစည်းအကြား အစ္စလာမ့်ဘဏ္ဍာရေးစနစ် ကြီးထွားမှု၏ နောက်ကွယ်မှ အဓိကအကြောင်းအရင်းဖြစ်သည်ဟု ဆင်ကလဲယားက ယုံကြည်နေသည်။

လွန်ခဲ့သည့် နှစ်ပေါင်း ၃၀ ခန့်က ယူကေတွင် စတင်ခဲ့ပြီးနောက် အစ္စလာမ့်ဘဏ္ဍာရေးစနစ်၏ အသီးအပွင့်များမှာ အစ္စလာမ့်နည်းကျ ငွေစုအကောင့်၊ ရင်းနှီးမြှုပ်နှံမှုများ၊ အပေါင်ထားခြင်းနှင့် အာမခံပေါ်လစီများမှ စတင်ကာ ကျောင်းသားများအား အစ္စလာမ့်နည်းကျ နှစ်ရှည်ချေးငွေပေးခြင်းအထိ ကျယ်ပြန့်လာခဲ့သည်။

“ငွေကြေးတွေကို ပိုင်ဆိုင်မှုအခြေပြုတဲ့၊ အဆောက်အဦး ဒါမှမဟုတ် ရွှေ၊ ငွေလို တော်တော်လေး စိတ်ချရတဲ့ ကုန်ပစ္စည်းတွေမှာ ရင်းနှီးမြှုပ်နှံပါတယ်။ သူတို့တွေဟာ အစ္စလာမ့် တန်ဖိုးနဲ့ မကိုက်ညီတဲ့ လုပ်ငန်း ဥပမာအားဖြင့် လောင်းကစား၊ အရက်၊ အပြာလုပ်ငန်း၊ လက်နက်၊ ဆေးရွက်ကြီး ဒါမှမဟုတ် အတိုးပါတဲ့လုပ်ငန်း ဒါမှမဟုတ် မရေရာ မသေချာတဲ့လုပ်ငန်းတွေနဲ့ ဆက်နွယ်တဲ့ ဘယ်လိုလုပ်ငန်းမျိုးမှာမှ ရင်းနှီးမြှုပ်နှံမှု မပြုလုပ်ပါဘူး” ဟု ဆင်ကလဲယားက ပြောကြားခဲ့သည်။

PricewaterhouseCoopers ကုမ္ပဏီမှ အစ္စလာမ်ဘဏ္ဍာရေးဆိုင်ရာ အကြီးအကဲဖြစ်သူ မိုဟာမက်ခန်းက ကျင့်ဝတ်ဆိုင်ရာ စိုးရိမ်မှုများက အစ္စလာမ့်နည်းကျ လုပ်ငန်းများကို စိတ်ဝင်စားခြင်း၏ အဓိက အကြောင်းအရင်းမဟုတ်ဟု ဆိုသည်။

“အစ္စလာမ့်နည်းကျ လုပ်ငန်းတွေ အဖွံ့ဖြိုးဆုံးနိုင်ငံကို ကြည့်မယ်ဆိုရင် မလေးရှားဖြစ်တယ်ဆိုတာ တွေ့ရမှာပါ။ အဲဒီလုပ်ငန်းတွေမှာ ရင်းနှီးမြှုပ်နှံသူတွေကို ကြည့်ရင်လည်း မွတ်စလင်တွေနဲ့ မွတ်စလင် မဟုတ်တဲ့သူတွေအထိ ရှိတယ်ဆိုတာကိုလည်း တွေ့ရမှာပါ။ ဒါပေမယ့် လူတွေက အချိန်နဲ့အလိုက် ယှဉ်ပြိုင်မှုအရှိဆုံး လုပ်ငန်းတွေမှာ သာမန် ရင်းနှီးမြှုပ်နှံနေကြတာပါပဲ” ဟု ခန်းက ပြောကြားခဲ့သည်။

ယူကေအစိုးရမှာ မြင့်တက်လာသော ပညာရေး ကုန်ကျစားရိတ်များကို နိုင်ငံအတွင်းရှိ မွတ်စလင်ကျောင်းသားများ ဖြေရှင်းရာတွင် အကူအညီဖြစ်စေရန်အတွက် အစ္စလာမ့်နည်းကျ နှစ်ရှည်ချေးငွေကို ပြီးခဲ့သည့်နှစ် စက်တင်ဘာလက အတည်ပြုခဲ့သည်။

ကြီးထွားလာမှု

အလ် ရေယန်ဘဏ်မှာ ၂၀၁၄ ခုနှစ်တွင် ပထမဆုံး အကျိုးအမြတ် ရရှိခဲ့ပြီး ၀င်ငွေမှာလည်း ၁၆၈ ရာခိုင်နှုန်းအထိ မြင့်တက်လာက ထိုအချင်းအရာက ယူကေတွင် အစ္စလာမ့်နည်းကျ ဘဏ္ဍာရေးစနစ် တိုးတက်လာမှုကို ရောင်ပြန်ဟပ်နေခြင်းလည်းဖြစ်သည်။

ထိုဘဏ်၏ တိုးတက်မှုမှာ အဓိကအားဖြင့် မွတ်စလင်မဟုတ်သူများကြောင့်ဖြစ်သည်ဟု ဆင်ကလဲယားက ဆိုသည်။

“ကျွန်တော်တို့ရဲ့ ကာလအတိအကျသတ်မှတ်ထားတဲ့ ငွေစုမှုမှာ ငွေလာစုကြသူတွေရဲ့ ၈၃ ရာခိုင်နှုန်းနဲ့ ပြီးခဲ့တဲ့နှစ်က ဆက်သွယ်အလုပ်လုပ်လာသူတွေရဲ့ ၄၇ ရာခိုင်နှုန်းဟာ မွတ်စလင် မဟုတ်သူတွေ ဖြစ်တယ်လို့ ခန့်မှန်းထားပါတယ်” ဟု ၎င်းက ပြောကြားခဲ့သည်။

အစ္စလာမ်မှာ ချေးငွေများအတွက် အတိုးယူခြင်းနှင့် အတိုးပေးခြင်းတို့ကို တားမြစ်ထားသည်။ အစ္စလာမ့်ဘဏ်လုပ်ငန်းနှင့် ဘဏ္ဍာရေးအဖွဲ့အစည်းများမှာလည်း အရက်၊ လောင်းကစား၊ အပြာလုပ်ငန်း၊ ဆေးရွက်ကြီး၊ လက်နက်နှင့် ၀က်သား စသည်တို့နှင့် နွယ်သော လုပ်ငန်းများတွင် ရင်းနှီးမြှုပ်နှံခြင်း၊ ထိုလုပ်ငန်းများမှ ရန်ပုံငွေရယူခြင်းများကို လုပ်ပိုင်ခွင့် မရှိပေ။

“အစ္စလာမ့် ဘဏ်တစ်ခုအနေနဲ့ ကျွန်တော်တို့ရဲ့ စားသုံးသူတွေအပေါ်မှာ တစ်ဖက်သတ် ၀န်ဆောင်ခ ရယူတာမျိုးကို ခွင့်မပြုပါဘူး။ ကျွန်တော်တို့ရဲ့ ၀န်ဆောင်ခဟာ ကျွန်တော်တို့ဝန်ထမ်းတွေ ဆောင်ရွက်ရတဲ့ အချိန်နဲ့ အလုပ်အပေါ်မှာ မူတည်ပြီး ဒါဟာ အထူးသဖြင့် ငွေစုငွေချေးဘဏ်တွေက ယူတဲ့ ၀န်ဆောင်ခထက် နည်းပါတယ်” ဟု ဆင်ကလဲယားက ထည့်သွင်းပြောကြားခဲ့သည်။

အစ္စလာမ်က ငွေကြေးဆိုင်ရာ အဆိပ်အတောက်ဖြစ်စေမည့် အခြေအနေမျိုးများတွင် ရင်းနှီးမြှုပ်နှံမှု မပြုလုပ်ရဟု ထားမြစ် ထားသောကြောင့် အစ္စလာမ့်ဘဏ်လုပ်ငန်းများမှာ အောင်မြင်မှု ရရှိခြင်းလည်းဖြစ်သည်။ အစ္စလာမ့်နည်းကျ ဘဏ်လုပ်ငန်းများကို ကမ္ဘာတစ်ဝှမ်းရှိ နိုင်ငံပေါင်း ၅၀ ခန့်တွင် လုပ်ဆောင်နေပြီး ကမ္ဘာ့ ဘဏ္ဍာရေး လုပ်ငန်းတွင် အလျင်မြန်ဆုံး တိုးတက်နေသည့် လုပ်ငန်းများထဲမှ တစ်ခုလည်းဖြစ်သည်။

လွန်ခဲ့သည့် နှစ်ပေါင်း ၃၀ ခန့်က စတင်ခဲ့သည့် အစ္စလာမ့်နည်းကျ ဘဏ်လုပ်ငန်းမှာ တစ်ရိပ်ရိပ် တိုးတက်လာနေပြီး ကမ္ဘာတစ်ဝှမ်းမှ ရင်းနှီးမြှုပ်နှံသူများနှင့် ဘဏ်လုပ်ငန်းရှင်များကိုလည်း ဆွဲဆောင်နိုင်သည်။

အစ္စလာမ့်နည်းကျ လုပ်ငန်းများမှာ စမ်းသပ်မှု ၂ ခုဖြင့် အတည်ပြု စစ်ဆေးပြီး၊ ၎င်းတို့မှာ အတိုးပါဝင်မှု မရှိစေရေးနှင့် ပွင့်လင်းမြင်သာမှုရှိစေရေးတို့ ဖြစ်သည်ဟု ခန်းက ရှင်းပြခဲ့သည်။

“ငွေတွေတွေအားလုံးက ဘယ်ကလဲဆိုတာ တကယ့်ကို ရှင်းရှင်းလင်းလင်း ရှိရပါတယ်။ အရည်သွေးမီဖို့အတွက် ရှရီအာဘုတ်အဖွဲ့က လက်မှတ်ထိုးပေးရပါတယ်။ ပြီးတော့ အစ္စလာမ့်ဓမ္မပညာရှင် အနည်းဆုံး ၃ ဦးက အဲဒီလုပ်ငန်း၊ ဈေးကွက်၊ စည်းမျဉ်းစည်းကမ်းနဲ့ အခြေအနေတွေ၊ ပြီးတော့ သူတို့ရဲ့ ငွေကြေးတွေ အားလုံးကို စောင့်ကြည့်နေပါတယ်။ လွတ်လပ်တဲ့ အဖွဲ့တစ်ခုက လွတ်လပ်စွာ စာရင်းစစ်ဆေးမှုကိုလည်း မဖြစ်မနေ ဆောင်ရွက်ရပါတယ်။ အဲဒီစာရင်းစစ်ဆေးမှုကို ကျင့်ဝတ်ပိုင်းဆိုင်ရာ စာရင်းစစ်မှုလို့ ခေါ်ပါတယ်”

Ref: Onislam