နျူးကမ့်သို့ ဂုဏ်ပြုခံရန် လာရောက်ခြင်းမဟုတ်ဟု ဂွါဒီယိုလာပြော

မေ ၆၊ ၂၀၁၅
M-Media

– နျူးကမ့်သို့ ပြန်လည်လာရောက်ခြင်းမှာ ဂုဏ်ပြုခံရန် လာရောက်ခြင်း မဟုတ်ဘဲ အသင်းဟောင်အား ဖြုတ်ချရန် လာရောက်ခြင်းဖြစ်သည်ဟု ဘိုင်ယန်မြူးနစ်အသင်း နည်းပြဖြစ်သူ ဂွါဒီယိုလာက ပြောကြားလိုက်သည်။

ဘိုင်ယန်မှာ ချန်ပီယံလိဂ် ဆီးမီးဖိုင်နယ် ပထမအကျော့အဖြစ် ဘာစီလိုနာအသင်း၏ အိမ်ကွင်း၌ ယနေ့ညတွင် ယှဉ်ပြိုင်ကစားရမည်ဖြစ်သည်။ ဘာစီလိုနာကို နှစ်များစွာ ကိုင်တွယ်ခဲ့ပြီး ဆုဖလားပေါင်းများစွာ ဆွတ်ခူးနိုင်ခဲ့သည့် ဂွါဒီယိုလာမှာ ၂၀၁၂ ခုနှစ် ဘာကာမှ ထွက်ခွာပြီးနောက်ပိုင်း ယခု ပထမဆုံးအကြိမ်အဖြစ် ပြန်လည်ရင်ဆိုင်ရခြင်း ဖြစ်သည်။

ပွဲအကြိုပြင်ဆင်မှုများတွင် ဂွါဒီယိုလာ နျူးကမ့်သို့ပြန်လည်လာရောက်မည့် ကိစ္စများကသာ လွှမ်းမိုးနေသည်။ ဂွါဒီယိုလာက အဆိုပါညမှာ စိတ်လှုပ်ရှားဖွယ်ကောင်းမည် ဖြစ်သော်လည်း ထိုခံစားမှုကို မိမိ၏ ရည်မှန်းချက် လမ်းကြောင်းအတွင်းသို့ ရောက်ခွင့်ပြုမည်မဟုတ်ဟု ပြောကြားခဲ့သည်။

“ပြန်လာရ သိပ်ကိုကောင်းပါတယ်။ ရှင်းရှင်းပြောရရင် ဒီအသင်းမှာ ကျွန်တော် နှစ်များစွာ ရှိခဲ့တာကြောင့် ကျွန်တော့်အတွက် သိပ်ကို ထူးခြားမှာပါ။ အခုတော့ ကျွန်တော်ဟာ ဘိုင်ယန် နည်းပြ ဖြစ်နေပါပြီ။ မနက်ဖြန်ပွဲအတွက် ကျွန်တော် ဒီမှာရှိနေပါတယ်။ ဒါဟာ
ကျွန်တော့်အလုပ်ဖြစ်ပြီး အကောင်းဆုံး လုပ်ရမှာပါ” ဟု ဂွါဒီယိုလာက အင်္ဂါနေ့တွင် ပြောကြားခဲ့သည်။

ထို့ပြင် မိမိအနေဖြင့် ဂုဏ်ပြုခံရန် လာရောက်ခြင်းမဟုတ်ဟုလည်း ဆိုသည်။

“တကယ်လို့ ကျွန်တော်ဟာ အသင်းကြီးတွေကို ကိုင်တွယ်ခဲ့ရင် ဒီကို ပြန်ရောက်နိုင်ချေရှိတယ်ဆိုတာ ကျွန်တော်သိခဲ့ပါတယ်။ အခုအကြိမ်ကတော့ ပထမဆုံး အကြိမ်ပါပဲ။ ကျွန်တော် ဒီကို ဂုဏ်ပြုခံဖို့ လာတာ မဟုတ်ပါဘူး။ ကျွန်တော့်အလုပ် ကျွန်တော်လုပ်ဖို့ပါ”

ဂွါဒီယိုလာမှာ ကစားသမားနှင့် နည်းပြအဖြစ်ပါ ဘာစီလိုနာ၌ အောင်မြင်ခဲ့ပြီး လက်ရှိ ဘာစီလိုနာအသင်းတွင်လည်း ဂွါဒီယိုလာလက်အောက်တွင် အလုပ်လုပ်ခဲ့သည့် ကစားသမား အများအပြား ပါဝင်သည်။ ဂွါဒီယိုလာကမူ ဘာကာအကြောင်း သိထားမှုက တစ်ပန်းသာသည်ဟု ၀န်ခံပြောကြားခဲ့သည်။

Ref: Goal