ယုံကြည်မှုရှိရအောင်

မေ ၆ ၊ ၂၀၁၅
M-Media
နှင်းဆီခင်ရေးသည်။

နေ့စဉ်ဘဝမှာ လူတိုင်းလိုလို အသက်မွေးဝမ်းကျောင်းတစ်ခုခုကို လုပ်နေကြတာမို့ လူ့အသိုင်းအဝိုင်း ပတ်ဝန်းကျင်နှင့် မဖြစ်မနေ ဆက်ဆံရပါတယ်။ လုပ်ငန်းသဘာဝအရ ငွေကြေးနှင့် ပတ်သက်ရတာရှိသလို အလုပ်တာဝန်ပိုင်းနှင့် ဆက်စပ်ရတာမျိုးတွေ ရှိပြန်တယ်။ အလုပ်လုပ်တယ်ဆိုရာမှာ ပထမအရွယ်ကို လွန်ခြောက်လို့ ဒုတိယအရွယ် (လူငယ် သို့မဟုတ် လူလတ်) ဘဝမှာ အားတက်သရော အပြိုင်အဆိုင်ဆိုသလို စီးပွားရှာကြသည်ပဲပေါ့။ ကိုယ့်အတွက်၊ ကိုယ့်ရဲ့အနာဂတ်စိတ်ကူးကို ပုံဖော်ဖို့ (ဆိုပါစို့ ဘဝလက်တွဲဖော်နှင့် အတူနေဖို့) ဒါ့အပြင် မိသားစုအတွက် ရည်သန်ပြီး ကျားကုတ်ကျားခဲကြိုးပမ်းကြတာ ယေဘုယျ သဘာဝ တစ်ခုပါပဲ။ အောင်မြင် တိုးတက်ဖို့ဆိုတဲ့ ရည်ရွယ်ချက်က တူချင်တူပေမယ့် တကယ်တမ်းလက်တွေ့မှာ လူတိုင်း လူတိုင်းအောင်မြင် တိုးတက်ကြတာမျိုးချည်း မဟုတ်တာတော့ လက်တွေ့သိသာနိုင်ပါတယ်။ လောကဓံရဲ့ အထိုးအနှက်ကြောင့် ပျက်စီးဆုံးရှုံးရတာပါလို့ တချို့ကအကြောင်းပြရင်း စိတ်ဓာတ်တွေ ဖရိုဖရဲလွင့်စဉ်ခဲ့ရတယ်။

ကံကြမ္မာကြောင့်ချည်း မဟုတ်ဘဲ လူကိုယ်တိုင် ကြိုးပမ်းဆောင်ရွက်တဲ့ နည်းလမ်း မဟုတ်တာကြောင့် ဘဝမှာ နာလန်မထူနိုင်အောင် အလဲလဲအပြန်ပြန်ဖြစ်တာလည်း ရှိပြန်တယ်။ အဲဒါဘာကြောင့်များလဲ။ အဖြေကရှင်းပါတယ်။ မျက်စိတစ်ဆုံး အဝေးကြီးကို မြော်မြင်ဆင်ခြင်မှု မရှိဘဲ မျက်မွှေးတစ်ဆုံး ယာယီ ခရီး တိုတိုလေးလောက်ကိုပဲ ဦးစားပေးမိတာကြောင့်ပါပဲ။ တစ်နည်းပြောရရင် တစ်နပ်စား ဥာဏ်သုံးလို့ အညာအလှိုင်းတွေကြားမှာ ခဏယာယီစီးပွားတက်လိုက်သလိုရှိပေမယ့် ကိုယ့်ရဲ့အနာဂတ် ပျောက်ကွယ်သွားတာကိုတော့ ရေရှည်မှာကြုံဆုံရမှာ အသေအချာပါပဲ။ ကောင်းပြီ အခုလို ဆုံးရှုံးနစ်နာမှုမျိုးဖြစ်ရတဲ့ အဓိကအကြောင်းရင်းကို စီစစ်ကြည့်ရင်တော့ ထင်ရှားသိသာနိုင်တာ တစ်ခုပဲရှိတယ်။ အဲဒါက “ယုံကြည်မှု”။ အမှန်ပါပဲ စီးပွားရှာကြည့်ရာမှာ အမြတ်နှင့်အရှုံးဆိုတာ ခွဲမရအောင်တတွဲတွဲကပ်ပါနေတာမျိုးလေ။

ဒီတော့လုပ်ငန်းလုပ်ရင်းကိုင်ရင်းငွေကြေးဆုံးရှုံးသွားတာ သိပ်ပြီးဆန်းလှတယ်တော့ မဟုတ်ဘူးပေါ့။ ငွေမျောမှာတော့ လိုက်ရမှာက ငွေပဲလေ။ ငွေကြေးဆုံးရှုံးတာ ဆုံးရှုံးမှုတစ်ခုပဲလို့ ဆိုနိုင်သလို မိတ်ဆွေကောင်းဆုံးရှုံးတာပိုပြီး ဆုံးရှုံးတဲ့သဘော။ အကျင့်စာရိတ္တ ဆုံးရှုံးလို့ကတော့ အရာခပ်သိမ်းဆုံးရှုံးသွားပြီဆိုတဲ့ကြားဖူးနေကျ အဆိုအမိန့်အတိုင်းပါပဲ။

အကျင့်စာရိတ္တရဲ့ သော့ချက်ဟာ ရိုးသားဖြောင့်မတ်ခြင်းအပေါ် အခြေခံပြီး တည်ဆောက်ထားတဲ့ “ယုံကြည်မှု” ပါလို့ဆိုရမှာပါ။ လူ့အသိုင်းအဝိုင်းမှာ ပေါင်းသင်းဆက်ဆံရေး၊ အဖွဲ့အစည်းတွေအောင်အောင်မြင်မြင် ရပ်တည်နိုင်ရေး၊ စီးပွားရေးလုပ်ငန်းတွေမှာ အဆင်ပြေလွယ်ကူရေးစတာတွေအတွက် ယုံကြည်မှုဟာ မဖြစ်မနေအရေးပါတဲ့ အခြေခံလိုအပ်ချက်ဖြစ်တယ်။

ယုံကြည်မှုမရှိခဲ့ရင် သူစိမ်းတစ်ရံဆံတွေနှင့် ပေါင်းသင်းဆက်ဆံရေး အဆင်ပြေမှု လုံးဝမရှိနိုင်ပါဘူး။ အောင်မြင်တဲ့ခေါင်းဆောင်ကောင်း၊ အုပ်ချုပ်ရေးမှူး (မန်နေဂျာ)၊ အရောင်းမြှင့်တင်ရေးဝန်ထမ်း၊ အဖွဲ့အစည်းတစ်ခုရဲ့အသင်းဝင်၊ ကျောင်းအုပ်ကြီး၊ ဆရာ ဆရာမ၊ သူနာပြုနှင့်နည်းပြ၊ ဆရာဝန်နှင့် သူနာပြုအစရှိတဲ့ လူတန်းစာအလွှာအသီးသီးအပြင် အလုပ်ရှင်နှင့် အလုပ်သမားစသူတွေအတွက် လုပ်ငန်းအဆင်ပြေချောမွေ့ ယုံကြည်မှုကအဓိကအကျဆုံးအရာတစ်ခုပါ။ အခြေအနေတစ်ခုခုမှာ တစ်ဦးနှင့်တစ်ဦး ယုံကြည်မှုအားနည်းသွားခဲ့ရင် ရန်လိုမှု၊ နာကြည်းမုန်းတီးမှုတွေက ရှိရင်းစွဲအဖြူရောင် ခင်မင်ရင်းနှီးမှုကို ဖျက်ဆီးပစ်လိုက်မှာ သေချာတယ်။

ဘဝမှာ ကြုံတွေ့ဆက်ဆံနေကြရသရွေ့တော့ အချင်းချင်း ယုံကြည်မှုရှိမှဖြစ်မယ်ဆိုတာကိုတော့ ပညာရှင်အသီးသီးက အထပ်ထပ်ပြောလေ့ရှိကြပါတယ်။ လွယ်လွယ်ကူကူလေးနှင့်ပဲ လူတကာရဲ့ ယုံကြည်မှု၊ ကိုးစားမှု ခံရအောင် လေ့ကျင့် ယူနိုင်ကြောင်းလည်း နည်းပေးလမ်းပြ ပြုထားကြတယ်။

ဒီတော့ပညာရှင်တွေရဲ့ ညွှန်းဆိုတာတွေကို လေ့လာကြည့်နိုင်သလို ကိုယ့်ရဲ့မိသားစုဝင်တွေ၊ ဦးစီးဦးဆောင်လုပ်နေသူတွေ လုပ်ဖော်ကိုင်ဖက်နှင့် နီးစပ်ရာ ပတ်ဝန်းကျင်ကို မျှဝေလို့လည်း ရနိုင်ပါတယ်။

ကိုယ်တကယ်တမ်းလုပ်မယ်လို့ ရည်ရွယ်ထားတာကိုပြောပြခဲ့ရင် ပြောတဲ့အတိုင်းဖြစ်အောင် ဆောင်ရွက်ရပါလိမ့်မယ်။

ရိုးရိုးသားသားနှင့်ပဲ ကိုယ့်အပေါင်းအသင်း၊ လုပ်ဖော်ကိုင်ဖက် တို့ကို မကြာမကြာဆက်သွယ်ရင်း ယုံကြည်မှုကို တည်ဆောက်နိုင်တယ်။ လုပ်ငန်းသဘောအရ ဆက်သွယ်နေသူတွေ၊ ကိုယ့်ရဲ့ဘဝလက်တွဲဖော်တွေနှင့်လည်း ရိုးသားဖြောင့်မတ်မှုအပြည့်နှင့် စဉ်ဆက်မပြတ်ဆက်ဆံနေခြင်းကလည်း ယုံကြည်မှုကို တည်ဆောက်ပေးပါတယ်။

အနှစ်နှစ်အလလ တည်ဆောက်လာတဲ့ ယုံကြည်ဆက်ဆံမှု၊ တစ်ရက်တည်းနှင့် ရရှိခဲ့တဲ့ယုံကြည်မှု။ ဘာပဲဖြစ်ဖြစ် စက္ကန့်ပိုင်းအတွင်းမှာ ပျက်ဆီးသွားနိုင်တယ်။ ဘာကြောင့်လဲဆိုတော့ ကိုယ့်ရဲ့ဆုံးဖြတ်ချက် အမှားတစ်ခုကြောင့်ပေါ့။ ဒီတော့ အသေအချာဆင်ခြင် သုံးသပ်ပြီးမှ မှန်ကန်တဲ့ဆုံးဖြတ်ချက်ကို ချသင့်တယ်။

ခဏယာယီ အဆင်ပြေအောင်မြင်မှုရဖို့ထက် ရေရှည်ဆက်ဆံနိုင်အောင် ယုံကြည်မှုအပြန်အလှန်ထားတတ်ဖို့တော့လိုတယ်။ ကိုယ့်ရဲ့လက်အောက်ဝန်ထမ်းတွေ၊ အထက်အရာရှိတွေ အားလုံးကိုယ့်အပေါ်ယုံကြည်မှုအပြည့်ရှိအောင် နေထိုင်ပြောဆိုတတ်ဖို့ အရေးကြီးဆုံး။ ဒါမှမဟုတ် အောင်မြင်မှုနှင့်အဝေးမှာ သေချာတယ်။ လုပ်ဖော်ကိုင်ဖက်အချင်းချင်း ယုံကြည်မှုရှိပြီး ကိုယ့်အထက်အရာရှိ (အလုပ်ရှင်) ကို လေးစားယုံကြည်မှုရှိလို့ကတော့ လုပ်ငန်းအောင်မြင်ဖို့က တကယ့်ကိုကျိန်းသေပဲလို့ ဆိုရမှာပါ။ အလိမ်အညာတွေက ခဏယာယီ စိတ်ကိုနှစ်သိမ့်နိုင်သည်ပဲထား ရေရှည်အတွက် မျှော်မှန်းရင်တော့ ယုံကြည်မှုကို အသက်လိုတန်ဖိုးထားရလိမ့်မယ်။ လူသားအချင်းချင်း စာနာနားလည်ပေးရင်း ကောင်းကျိုးဆောင်ရွက်သူကို လူ့အသိုင်းအဝိုင်းတစ်ခုလုံးက ယုံကြည်မှု အပြည့်အဝထားမှာဖြစ်လို့ ရိုးသားဖြောင့်မတ်ခြင်းက ယုံကြည်မှုရဲ့အခြေခံ ဒေါက်တိုင်တွေလိုပါပဲလို့။

နှင်းဆီခင်