ဘောလီးဝုဒ်မင်းသား ဆလ်မန်းခန်း ကားတိုက်မှုဖြင့် ထောင် ၅ နှစ်ကျ

မေ ၇၊ ၂၀၁၅
M-Media

– ဘောလီးဝုဒ် နာမည်ကြီး ရုပ်ရှင်မင်းသားဖြစ်သူ ဆလ်မန်းခန်းအား လွန်ခဲ့သည့် ၁၂ ခန့်က အမျိုးသားတစ်ဦးကို ကားဖြင့်တိုက်မိမှုဖြင့် ထောင်ဒဏ် ၅ နှစ် ကျခံစေရန် မွမ်ဘိုင်းတရားရုံးက အမိန့်ချမှတ်ခဲ့သည်ဟု သိရသည်။

ယမန်နေ့က အမိန့်ချမှတ်ခဲ့ခြင်းဖြစ်ပြီး ဆလ်မန်းခန်းမှာ ၂၀၀၂ ခုနှစ်က ဘားမှအပြန် မွမ်ဘိုင်းမြို့ရှိ လမ်းမတစ်ခုပေါ်တွင် ၎င်းမောင်းလာသည့်ကား အရှိန်များသွားရာမှ လမ်းပေါ်တွင် အိမ်နေသော အမျိုးသား ၅ ဦးကို တိုက်မိခဲ့သည်ဟု တရားသူကြီးများက ပြောကြားခဲ့သည်။

ထိုတိုက်မိမှုအတွင်း အမျိုးသားတစ်ဦး သေဆုံးခဲ့ပြီး အခြား ၄ ဦးမှာ ဒဏ်ရာရရှိခဲ့သည်။ ဆလ်မန်းခန်းက ကားမောင်းသူမှာ ၎င်း၏ ဒရိုင်ဘာဖြစ်သည်ဟု စောစောပိုင်းက ပြောကြားခဲ့သည်။ သို့သော်လည်း ဆလ်မန်းခန်း မောင်းနှင်သည်ကို တွေ့မြင်ခဲ့သော မျက်မြင်သက်သေများ ရှိနေခဲ့ပြီး တရားသူကြီးများကလည်း အခင်းဖြစ်ပွားချိန်တွင် ဆလ်မန်းခန်းမှာ အရက်မူးနေသည်ဟု ဆိုသည်။

၎င်းမှာ လူသတ်မှုနှင့် အခြားသော စွဲချက် ၇ ခုဖြင့် တရားစွဲဆိုခံခဲ့ရပြီး အများဆုံး ထောင်ဒဏ် ၁၀ နှစ် ချမှတ်နိုင်သော်လည်း တရားသူကြီးများက ၅ နှစ်သာ ချမှတ်ခဲ့သည်။ လက်ရှိအချိန်တွင် အယူခံဝင်ထားပြီး ဆလ်မန်းခန်းမှာ အာမခံဖြင့် လွတ်မြောက်နေသည်။

ဆလ်မန်းခန်းမှာ ဘောလီးဝုဒ် ရုပ်ရှင်လောကတွင် တွမ်ခရုဇ်၊ ဘရက်ပစ်နှင့် ဂျော့ဂ်ျကူလ်နေးတို့ကဲ့သို့ အဆင့်ရှိပြီး၊ People Magazine မှ ရွေးချယ်သည့် ကမ္ဘာ့ရုပ်အဖြောင့်ဆုံး အမျိုးသားများ စာရင်းတွင်လည်း အဆင့် ၇ နေရာကို ရရှိထားသူဖြစ်သည်။ ရုပ်ရှင်ဆိုင်ရာ ကျွမ်းကျင်သူများကမူ ဆလ်မန်းခန်း ဘောလီးဝုဒ်တွင် မရှိခြင်းက အိန္ဒိယရုပ်ရှင်လောကအတွက် ကန်ဒေါ်လာ ၃၁ သန်းခန့်
ဆုံးရှုံးနိုင်မည်ဟု ခန့်မှန်းထားသည်။

Ref: CNN