မူးယစ်ဆေးအတွက် သေဒဏ်ကို ဂျက်ကီချန်းထောက်ခံ

မေ ၈၊ ၂၀၁၅
M-Media

– အသက် ၆၁ နှစ်အရွယ် ရှိပြီဖြစ်သည့် ဟောင်ကောင်နာမည်ကြီး ရုပ်ရှင်မင်းသား ဂျက်ကီချန်းက သားဖြစ်သူ ဂျေဆီမှာ မူးယစ်ဆေးဝါး သုံးစွဲမှုကြောင့် ပြီးခဲ့သည့်နှစ်က ထောင်ဒဏ် ၆ လ ချမှတ်ခံခဲ့ရသည့်အတွက် ရှက်မိသည်ဟု ယမန်နေ့က ပြောကြားလိုက်သည်။

ဂျက်ကီချန်းမှာ စင်ကာပူနိုင်ငံ၏ မူးယစ်ဆန့်ကျင်ရေး သံတမန်အသစ်ဖြစ်ပြီး ယမန်နေ့က Nanyang Polytechnic ၌ မီဒီယာများနှင့် တွေ့ဆုံစဉ်အတွင်း ထိုကဲ့သို့ ပြောကြားခဲ့ခြင်းဖြစ်သည်။

မိမိတို့၏ မိသားစုမှာ မူးယစ်ဆေး၏ သားကောင် ဖြစ်ခဲ့သည့်အတွက်ကြောင့် ယခုနေရာတွင် တာဝန်ထမ်းဆောင်ရခြင်းမှာ ပို၍ ကျဉ်းကျပ်သည်ဟု ခံစားကြောင်း ဂျက်ကီချန်းက ဆိုသည်။ ဂျေစီမှာ ပြီခဲ့သည့် ဖေဖော်ဝါရီလက ထောင်မှ လွတ်မြောက်လာခဲ့သည်။

“ကျွန်တော့်ရဲ့မိသားစုမှာ ဒါမျိုးဖြစ်ခဲ့တဲ့အတွက် ကျွန်တော် တုန်လှုပ်မိပါတယ်။ ရှက်လည်း ရှက်မိပြီး ကျွန်တော့်ရဲ့နှလုံးသားကလည်း နာကျင်ခံစားရပါတယ်။ အခုအချိန်မှာ အခြားသူတွေကို ကူညီဖို့ ကျွန်တော် အကောင်းဆုံး ဆောင်ရွက်သွားပါမယ်” ဟု ဂျက်ကီချန်းက ထည့်သွင်းပြောကြားခဲ့သည်။

ထို့ပြင် အသက် ၃၂ နှစ်အရွယ် မိမိ၏သားဖြစ်သူမှာ မီဒီယာနှင့် ကမ္ဘာကြီးကို ရင်ဆိုင်ရန် ကြောက်ရွံ့နေပြီး ပုန်းလျှိုးကွယ်လျှိုး နေရသည်ဟု ဆိုသည်။

“ဒါပေမယ့် လူတိုင်းက အမှားနဲ့ မကင်းတာကြောင့် သတ္တိမွေးဖို့လိုအပ်တယ်လို့ ကျွန်တော် သူ့ကို ပြောထားပါတယ်”

ဂျက်ကီချန်းက မူးယစ်ဆေးမှာ လူငယ်များကိုသာမက ၎င်းတို့၏ မိသားစုများကိုလည်း ထိခိုက်နာကျင်စေသည်ဟုဆိုပြီး မူးယစ်ဆေးအတွက် သေဒဏ်ချမှတ်မှုကိုလည်း ထောက်ခံသည်ဟု ပြောကြားခဲ့သည်။

“အချို့ပြဿနာတွေအပေါ်မှာ ကျွန်တော်ဟာ သေဒဏ်ချမှတ်မှုကို ထောက်ခံပါတယ်။ တစ်ကယ်လို့ လူငယ်ထောင်ပေါင်းများစွာကို ထိခိုက်စေတယ်ဆိုရင် ဒီလိုလူစားမျိုးဟာ အသုံးမ၀င်ပါဘူး။ မှန်ကန်တဲ့ အပြစ်ပေးမှုမျိုးကို အဲဒီသူ ရသင့်ပါတယ်”

Ref: tnp.sg, BBC