နီပေါငလျင်အတွက် ရန်ပုံငွေ ၅ ရာခိုင်နှုန်းသာရရှိ

မေ ၈၊ ၂၀၁၅
M-Media

– နီပေါငလျင်အတွက် ကုလသမဂ္ဂမှ တောင်းဆိုခဲ့သည့် ရန်ပုံငွေစုစုပေါင်း၏ အနည်းငယ်ကိုသာ ရရှိထားပြီး ကမ္ဘာတစ်ဝှမ်းတွင် ဖြစ်ပေါ်နေသော ပြဿနာများက နိုင်ငံတကာမှ အလှူအရှင်များအတွက် မကြုံစဖူး တောင်းဆိုမှုများကို ဖြစ်ပေါ်စေသည်ဟု ကုလသမဂ္ဂ ပြောကြားလိုက်သည်။

ကုလမှာ အဖွဲ့ဝင်နိုင်ငံများနှင့် ၎င်း၏ မိတ်ဖက်အဖွဲ့များထံမှ ပြီးခဲ့သည့်တစ်ပတ်က နီပေါငလျင်အတွက် ရန်ပုံငွေ ကန်ဒေါ်လာ ၄၁၅ သန်း တောင်းခံခဲ့သော်လည်း လက်ရှိအချိန်အထိ ၂၂.၄ သန်းသာ ရရှိထားကာ ၅ ရာခိုင်နှုန်းခန့်သာ ရှိသည်။

“အားနည်းတဲ့ တုန့်ပြန်မှုပါပဲ” ဟု ကုလသမဂ္ဂ လူသားချင်းစာနာထောက်ထားမှုရေးရာ ပူးပေါင်းဆောင်ရွက်ရေးရုံးမှ ပြောရေးဆိုခွင့်ရှိသူ အော်လာ ဖာဂန်က ယမန်နေ့တွင် ပြောကြားခဲ့သည်။ ထို့ပြင် အလှူးရှင်များထံမှ တောင်းဆိုမှု မြင့်မားနေသည့် ဆီးရီးယားနှင့် အီရတ်ရှိ ပဋိပက္ခများကဲ့သို့ နိုင်ငံတကာတွင် ဖြစ်ပွားနေသည့် ကာလရှည် ပြဿနာများကလည်း အလှူရှင်များ ပြတ်လတ်ရခြင်း အကြောင်းအရင်းဟု မှတ်ယူနိုင်ကြောင်း ထည့်သွင်းပြောကြားခဲ့သည်။

ဧပြီလ ၂၅ ရက်နေ့က နီပေါနိုင်ငံမြို့တော် ခတ္တာမန်ဒူတွင် ပြင်းအား ၇.၈ မဂ္ဂနီကျုရှိသော ငလျင် လှုပ်ခတ်ခဲ့မှုကြောင့် ယခုချိန်အထိ လူပေါင်း ၈ ထောင်ကျော် သေဆုံးခဲ့သည်။ ဒဏ်ရာရရှိသူ အရေအတွက်မှာလည်း ၂ သောင်းနီးပါးရှိနေကာ အိုးအိမ်ပေါင်း ၃ သိန်းကျော် ပျက်ဆီးဆုံးရှုံးခဲ့ရသည်။

ငလျင်အလွန် နီပေါအစိုးရ၏ ကူညီကယ်ဆယ်ရေးဆောင်ရွက်မှုများမှာလည်း ဝေဖန်မှုများနှင့် ရင်ဆိုပ်နေရပြီး ကျေးလက်ဒေသရှိ ပြည်သူများမှာ ယခုအချိန်အထိ အစိုးရ၏ အကူအညီကို ရရှိခြင်း မရှိသေးပေ။

ကုလနှင့် အနောက်နိုင်ငံများကမူ အခွန်ကောက်ခြင်း နယ်စပ်ဒေသတွင် ထောက်ပံ့ရေးပစ္စည်းများ စီးဆင်းမှု နှောင့်နှေးခြင်းတို့နှင့် ပတ်သက်၍ နီပေါ အုပ်ချုပ်ရေး ယန္တယားကို ပြစ်တင်ပြောဆိုခဲ့သည်။

Ref: Aljazeera