အစ္စရေး၏ ပါလက်စတိုင်းအား ကျူးကျော်မှုအသစ် ဘန်ကီမွန်ရှုတ်ချ

မေ ၉၊ ၂၀၁၅
M-Media

– ပါလက်စတိုင်းပိုင် အရှေ့ဂျေရုစလင်တွင် အစ္စရေးက အိမ်ယာ ၉၀၀ တည်ဆောက်ရန် စီစဉ်မှုအား ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်က ဝေဖန်လိုက်ပြီး ထိုဆောင်ရွက်မှုမှာ တရားမ၀င်ဟု ပြောကြားလိုက်သည်။

“အစ္စရေးအာဏာပိုင်တွေက အရှေ့ဂျေရုစလင်မှာ အိမ်ယာ ၉၀၀ ဆောက်လုပ်မယ်လို့ မကြာသေးမီက ကြေညာမှုကို အထွေထွေအတွင်းရေးမှူးက အလွန်အမင်း စိုးရိမ်မိပါတယ်။ ပြီးတော့ ဒါဟာ နိုင်ငံတကာ ဥပဒေအောက်မှာ တရားမ၀င်ပါဘူး” ဟု ဘန်ကီမွန်၏ ပြောရေးဆိုခွင့်ရှိသူ စတီဖိန်း ဒူဂျာရစ်က နယူးယောက်မြို့တွင် သတင်းထောက်များအား ပြောကြားခဲ့သည်။

အစ္စရေး၏ ဂျေရုစလင်ခရိုင် တည်ဆောက်ရေးကော်မတီက ဂျေရုစလင်အရှေ့ပိုင်း ရာမတ် ရှော်လ်မိရပ်ကွက်တွင် အိမ်ရာ ၁၈၀၀ ဆောက်လုပ်ရန် စီစဉ်ထားရာမှ ၉၀၀ ဆောက်လုပ်ခွင့်ကို ပြီးခဲ့သည့် ရက်ပိုင်းက ခွင့်ပြုခဲ့သည်။

အစ္စရေးဝန်ကြီးချုပ် နေတန်ရာဟုက လက်ယာစွန်းရောက် Jewish Home ပါတီနှင့် ညွှန့်ပေါင်းအစိုးရ ဖွဲ့စည်းသည့်အချိန်၊ တိုက်ဆိုင်စွာ ပေါ်ထွက်လာသည့် အဆိုပါဆုံးဖြတ်ချက်နှင့်ပတ်သက်၍ ဒူဂျာရစ်က “အစ္စရေးအစိုးရ ဖွဲ့စည်းခြင်းနဲ့ ပတ်သက်ပြီး ကျွန်တော်တို့ အနီးကပ် စောင့်ကြည့်သွားမှာပါ။ ပြီးတော့ ဘန်ကီမွန်ဟာ နှစ်နိုင်ငံအဖြေကို အခြေခံပြီး ငြိမ်းချမ်းရေးဆွေးနွေးမှုအတွက် ဖြစ်နိုင်တဲ့ရွေးချယ်မှုနဲ့ပတ်သက်လို့ ဘင်ဂျမန် နေတန်ယာဟုနဲ့ ဆွေးနွေးသွားမှာပါ” ဟု ပြောကြားခဲ့သည်။

ပါလက်စတိုင်းပိုင် အနောက်ဘက်ကမ်းခြေနှင့် အရှေ့ဂျေရုစလင်တို့တွင် အစ္စရေးက ဂျူးအခြေချအိမ်ယာများ ဆောက်လုပ်နေခြင်းမှာ အစ္စရေးနှင့် ပါလက်စတိုင်းအကြား ငြိမ်းချမ်းရေးဆွေးနွေးပွဲအတွက် အတားအဆီးဖြစ်နေသည်။

ပါလက်စတိုင်းက အစ္စရေးအနေဖြင့် မိမိတို့ပိုင်နက်အတွင်း အိမ်ယာတည်ဆောက်မှုအားလုံးကို ရပ်တန့်ရန် တောင်းဆိုထားပြီး အစ္စရေးအစိုးရကမူ ငြင်းဆိုထားသည်။

Ref: Middleeastmonitor