နိုင်ငံတကာသတင်းတို (မေ ၉၊ ၂၀၁၅)

မေ ၉၊ ၂၀၁၅
M-Media

ဒုတိယကမ္ဘာစစ် အခမ်းအနားတွင် ရုရှား အင်အားပြ
………………………………
ဒုတိယကမ္ဘာစစ်ပြီးဆုံးသည့် နှစ် ၇၀ ပြည့်အခမ်းအနားကို ရုရှားနိုင်ငံ မော်စကိုမြို့၌ ယနေ့တွင် ကြီးကျယ်ခမ်းနားစွာ ကျင်းပပြုလုပ်ခဲ့ပြီး ရင်ပြင်နီတွင် ပြုလုပ်သည့် စစ်ရေးပြ အခမ်းအနားတွင် နိုင်ငံရပ်ခြားမှ တပ်ဖွဲ့ဝင်များလည်း ပါဝင်ခဲ့သည်။ နိုင်ငံအတွင်းရှိ ကာကွယ်ရေးတပ်ဖွဲ့များအားလုံးကို ရုရှားက ထုတ်ပြခဲ့ပြီး နောက်ဆုံးပေါ် တင့်ကားများ၊ နျူဗုံးကြဲလေယာဉ်များနှင့်
ခေတ်မီလက်နက်များကိုလည်း အဆိုပါ စစ်ရေးပြအခမ်းအနားတွင် ပြသခဲ့သည်။

အိန္ဒိယသူပုန်များ လူ ၂၀၀ ကျော် ပြန်ပေးဆွဲ
………………………………..
လက်ရှိအစိုးရအား ဖြုတ်ချရန် ရည်ရွယ်နေသည့် အိန္ဒိယ ကွန်မြူနစ်ပါတီမှ အဖွဲ့ဝင် Naxal သူပုန်အဖွဲ့မှာ နိုင်ငံအလယ်ပိုင်း Chhattisgarh ပြည်နယ်ရှိ လူပေါင်း ၂၀၀ ခန့်ကို ယနေ့တွင် ပြန်ပေးဆွဲသွားခဲ့သည်။ အိန္ဒိယ၀န်ကြီးချုပ် မိုဒီမှာ အဆိုပါပြည်နယ်ရှိ စီမံကိန်း ၂ ခုကို လာရောက်ဖွင့်လှစ်ရန် ရှိနေပြီး Naxal အဖွဲ့မှာ မိုဒီ ပြည်နယ်အတွင်းသို့ လာရောက်မှုကို သပိတ်မှောက်ရန် ဆော်သြသည့် အဖွဲ့လည်း ဖြစ်သည်။ ဒေသတွင်း မီဒီယာများကမူ ပြန်ပေးဆွဲခံရသူများမှာ ထိခိုက်ဒဏ်ရာရမှုမရှိဟု ပြောကြားခဲ့သည်။ အဆိုပါ သူပုန်အဖွဲ့မှာ ၂၀၁၃ ခုနှစ်ကလည်း ဒေသတွင်း နိုင်ငံရေးသမားများပါဝင်သော ယာဉ်တန်းကို တိုက်ခိုက်ခဲ့ပြီး အနည်းဆုံး
၂၄ ဦး သေဆုံးခဲ့သည်။

ဖိလစ်ပိုင်တွင် မုန်တိုင်းလာမည်
………………………………
ဖိလစ်ပိုင်နိုင်ငံ အရှေ့မြောက်ပိုင်းရှိ လူဇွန်ကျွန်းသို့ တိုင်းဖုန်း နိုအူလ် ၀င်ရောက်ရန် ရှိနေသောကြောင့် ယနေ့မှစ၍ အစိုးရက ကယ်ဆယ်ရေးလုပ်ငန်းများကို လုပ်ဆောင်နေပြီး ပြည်သူ ၁၁၀၀၀ ကျော်ကို ဘေးလွတ်ရာသို့ ပြောင်းရွှေ့ပေးခဲ့သည်။ အဆိုပါ တိုင်ဖုန်းမုန်တိုင်းမှာ လေတိုက်နှုန်း တစ်နာရီ ၁၉၅ ကီလိုမီတာဖြင့် ၀င်ရောက်မည်ဖြစ်ပြီး အနောက်မြောက်ဘက် ဂျပန်နိုင်ငံသို့ ဦးတည်သွားမည်ဟု ခန့်မှန်းထားသည်။

ချီလီတွင် ဝေလငါး အကောင် ၂၀ ကျော် သေဆုံး
………………………………………
တောင်အမေရိက နိုင်ငံတစ်ခုဖြစ်သည့် ချီလီနိုင်ငံ တောင်ပိုင်း ပီးနပ်စ်ပင်လယ်ကွေ့ ကမ်းခြေတွင် ၁၀ မီတာခန့်ရှည်သည့် ဝေလငါး အကောင် ၂၀ ကျော် သေဆုံးနေသည်ကို အာဏာပိုင်များက ယနေ့တွင် တွေ့ရှိခဲ့ရသည်။ မည်သည့်အတွက်ကြောင့် ထိုကဲ့သို့ သေဆုံးနေရသည်ကို စုံစမ်းစစ်ဆေးရန်မှာ ရာသီဥတုအခြေအနေကြောင့် အခက်အခဲဖြစ်နေသည်။ ကျွမ်ကျင်သူအချို့ကမူ ဒီရေကြောင့်
သောင်တင်သေဆုံးသွားခြင်း သို့မဟုတ် ရောဂါပိုးကြောင့် သေဆုံးသွားခြင်းဖြစ်မည်ဟု ပြောကြားခဲ့သည်။

Ref: News Agencies