၃ ရက်ကြာ ကျင်းပဖို့ စီစဉ်နေတဲ့ နိုင်ငံလုံးဆိုင်ရာ မွတ်စလင်ညီလာခံ အကြောင်း RFA မေးမြန်းချက်

မေ ၁၀ ၊ ၂၀၁၅

ပြည်လုံးကျွတ်မွတ်စလင်ညီလာခံကို လာမယ့် မေလ (၂၃) ရက်နေ့ကစလို့ ရန်ကုန်မြို့မှာ ၃ ရက်ကြာ ကျင်းပသွားဖို့ စီစဉ်နေတာနဲ့ ပတ်သက်လို့ ညီလာခံ ကျင်းပရေးအဖွဲ့ အထွေထွေအတွင်းရေးမှူး တရားလွှတ်တော်ရှေ့နေ ဦးအုန်းမောင်ကို RFA အဖွဲ့သူ မသင်းသီရိ ဆက်သွယ်မေးမြန်းထားတာ နားဆင်နိုင်ပါတယ်။

မေးမြန်းချက်ပါ အချက်အလက်တချို့ ကို M-Media မှ  ကောက်နှုတ်ရေးသား ဖော်ပြလိုက်ပါတယ်။

ရည်ရွယ်ချက်
————–
နိုင်ငံသားတွေရဲ့ ဥပဒေပါ အခွင့်အရေးတွေ၊ တာဝန်တွေကို ပြည်ထောင်စုသားတွေနဲ့ အတူတူ တန်းတူရည်တူရရှိ ထမ်းဆောင်နိုင်ဖို့၊
လူနည်းစု အခွင့်အရေးတွေကို ကာကွယ်စောင့်ရှောက်ရရှိဖို့၊
အကြမ်းဖက်မှုတွေကနေကာကွယ်တားဆီးဖို့၊ ပဋိပက္ခတွေကနေ ကာကွယ်တားဆီးဖို့ ၊ လူကုန်မှုတွေကနေ ကာကွယ်တားဆီးဖို့၊
ဆင်းရဲမွဲတေမှု လျော့ချဖို့၊ စည်းလုံး ညီညွှတ်စွာနဲ့ ပြည်ထောင်စုသားများ ချစ်ချစ်ခင်ခင်နေထိုင်ဖို့ ၊ ပြည်ထောင်စုရဲ့ အကျိုးစီးပွားဟာ ပြည်ထောင်စုသား မွတ်စလင် များ ရဲ့ အကျိုးစီးပွားဖြစ်တယ်၊ ပြည်ထောင်စုသားမွတ်စလင်တွေဟာ ပြည်ထောင်စုရဲ့ အစိတ်အပိုင်းဖြစ်တယ်ဆိုတယ်တဲ့ ခံယူချက်ရည်ရွယ်ချက်တွေနဲ့ ကျင်းပတာဖြစ်၊

ဖိတ်ကြားမည့်သူများ
——————–
နိုင်ငံတော် အကြီးအကဲတွေက စလို့ ဖိတ်ကြားသင့် ဖိတ်ကြားထိုက်သူများ အားလုံးကို အခမ်းအနားကို ဖိတ်ကြားသွားမှာဖြစ်၊
ပြည်ပ အထောက်ပံ့ ကင်းလွတ်ရေးမူရှိကြောင်း ၊ အဲဒီအတွက် OIC လို အဖွဲ့အစည်းနဲ့ ဘာမှ ပတ်သက်ဆက်နွယ်မှု မရှိသလို ဖိတ်ကြားသွားမှာ မဟုတ်ကြောင်း၊ အဲလို အဖွဲ့အစည်းတွေရဲ့ အကူအညီ ရယူခြင်းလည်းမရှိကြောင်း၊ ပြည်တွင်းက ညီလာခံ တက်ရောက်မယ့် ကိုယ်စားလှယ် မွတ်စလင်တွေရဲ့ လှူဒါန်းထည့်ဝင်ငွေများဖြင့် ညီလာခံကို ကျင်းပသွားမှာဖြစ်ကြောင်း၊

ဝေဖန်ကန့်ကွက်မှုများ
——————–
တရားဝင်ပြောတာ ရှိသလို ၊ တရားမဝင်ပြောတာရှိနိုင်ကြောင်း လူတဦးချင်းရဲ့ လွတ်လပ်စွာ ဝေဖန်ပြောဆိုပိုင်ခွင့်ဖြစ်၍ ဘာမှ မပြောလိုကြောင်း၊ ဥပဒေဘောင်အတွင်းကနေ ကျင်းပဖို့ စီစဉ်နေတာဖြစ်ကြောင်း၊ ညီလာခံကျင်းပခြင်းမှာ  နိုင်ငံတော်နဲ့ နိုင်ငံသားတွေအကျိုးပြုမယ့် ကိစ္စ ဖြစ်ကြောင်း၊ အကျိုးယုတ်မယ့် ကိစ္စ တွေ မပါကြောင်း၊ ဒါကြောင့် ဝေဖန်မှုတွေကို တယောက်နှင့်တယောက် နားလည်အောင် ချဉ်းကပ်ပြီး ဖြေရှင်းသွားရင် ဒီကိစ္စ တွေ အဆင်ပြေသွားမှာဖြစ်ကြောင်း၊

အစိုးရခွင့်ပြုချက်
—————–
ဥပဒေဘောင်ထဲက စနစ်တကျ မှန်မှန်ကန်ကန် ကျင်းပဖို့ လုပ်ဆောင်နေတဲ့ အဖွဲ့ အစည်း တရပ်ဖြစ်ကြောင်း၊ သက်ဆိုင်ရာ အဖွဲ့ အစည်း အသီးသီးကို ပွင့်လင်းစွာနဲ့ တင်ပြပြီးတော့ ဒိညီလာခံကို ကျင်းပမှာဖြစ်တဲ့အတွက် သတ်မှတ်ထားတဲ့ ရက်မှာ ကျင်းပနိုင်ဖို့ အဆင့်သင့်ဖြစ်နေကြောင်း၊ တခါတလေ သက်ဆိုင်ရာက သူတို့ ရဲ့ မူအရ ကျင်းပခွင့် ခွင့်ပြုမိန့်ပေးတာ နောက်ကျတတ်ကြောင်း၊ ဒါကြောင့် ကျန်ရှိနေတဲ့ ကာလလေးကို ခွင့်ပြုမိန့်အတွက် စောင့်နေကြောင်း၊

အစိုးရမှ ခွင့်ပြုချက် မထုတ်ပေးခဲ့ရင်
——————————–
မေလ ၂၃ ရက်နေ့ ကျင်းပဖို့ စီစဉ်ထားရာမှာ အစိုးရမှ ယခုထိကျင်းပဖို့ ခွင့်ပြုချက်မပေးသေးသဖြင့် ခွင့်ပြုချက်မပေးခဲ့ရင် အစီအစဉ်အတိုင်း ဆက်လုပ်မယ်/မလုပ်ဘူးဆိုတာ ကျင်းပရေး အဖွဲ့အနေဖြင့် ဆုံးဖြတ်ထားခြင်း မရှိသေးကြောင်း