ရိုးမားအား အနိုင်ရရှိမှု အနာဂတ်အတွက် သက်သေဟု အင်ဇာဂီပြော

မေ ၁၀၊ ၂၀၁၅
M-Media

– ရိုးမားအသင်းအား အနိုင်ရအောင် စွမ်းဆောင်နိုင်ခဲ့သည့် အေစီမီလန်အသင်းသားများအား နည်ပြ အင်ဇာဂီက ချီးကျူးလိုက်ပြီး မိမိတို့၏ တောက်ပသော အနာဂတ်အတွက် သက်သေပြခဲ့ခြင်းဖြစ်သည်ဟု ယူဆနေသည်။

အေစီမီလန်မှာ ပြီးခဲ့သည့် သီတင်းပတ်များတွင် စွမ်ဆောင်ရည် အလွန်ကျဆင်းခဲ့ပြီး စီးရီးအေ ဒုတိယနေရာမှ ရိုးမားနှင့် မကစားမီ နောက်ဆုံး ၅ ပွဲတွင် တစ်ပွဲမှ အနိုင်ရရှိခြင်း မရှိပေ။ သို့သော်လည်း ယမန်နေ့က ကစားခဲ့သည့်ပွဲတွင် မာကို ဗန် ဂင်ကဲလ်နှင့် မတ်တီယာ ဒက်စထရို၏ ဂိုးများကြောင့် ရိုးမားအား ၂ ဂိုး ၁ ဂိုးဖြင့် အံ့ဖွယ် အနိုင်ရခဲ့သည်။

ယခုပွဲနိုင်ခဲ့သော်လည်း ယခင်ရလဒ်ဆိုးများကြောင့် လာမည့်နှစ် ဥရောပ၀င်ခွင့် မျှော်လင့်ချက်မှာ ဆုံးရှုံးခဲ့ရပြီး အင်ဇာဂီကမူ ကစားသမားများ စိတ်နှစ်၍ကစားပါက အောင်မြင်မှု ရယူနိုင်မည်ကို အဆိုပါ ၃ မှတ်က ပြသခြင်းဖြစ်သည်ဟု ပြောကြားခဲ့သည်။

“ကျွန်တော့်ရဲ့ကစားသမားတွေက ကြီးကျယ်တဲ့ ဂုဏ်သိက္ခာကို ပြသခဲ့ပြီး ပွဲကိုလည်း လက်ဖျားခါလောက်အောင် ကစားခဲ့ပါတယ်။ အဲဒီနိုင်ပွဲအတွက် ပျော်လိုက်ကြရအောင်။ ပြီးတော့ ထိပ်တန်း ရိုးမားအသင်းကို အနိုင်ရခဲ့တဲ့အတွက် ဂုဏ်ယူလိုက်ကြရအောင်။ ကျွန်တ်ာတို့ လမ်းကြောင်းမှန်ပေါ် ရောက်နေပါပြီ” ဟု အင်ဇာဂီက Sky Sport သို့ ပြောကြားခဲ့သည်။

အေစီမီလန်အသင်းအား မျှော်လင့်ထားသကဲ့သို့ စွမ်းဆောင်မပေးနိုင်သောကြောင့် အင်ဇာဂီမှာ အသင်းမှ ထွက်ရတော့မည်ဟု သတင်းများထွက်ပေါ်နေသော်လည်း ၎င်းကမူ မိမိ၏ နေရာအတွက် တိုက်ပွဲဝင်သွားမည်ဟု ဆိုသည်။

“ပရိတ်သတ်တွေက ကျွန်တော့်အပေါ်မှာ တော်တော်ကောင်းပါတယ်။ ကျွန်တော်ဟာ အားလုံးပေးဆပ်နေတယ် ဆိုတာနဲ့ ကြိုးစားမှုဆိုတဲ့ ဓလေ့ အသင်းကို ပြန်ရောက်လာအောင် ကျွန်တော် ဆောင်ကျဉ်းပေးချင်တယ် ဆိုတာကိုလည်း သူတို့ မြင်ကောင်းမြင်ကြပါလိမ့်မယ်။
လွယ်တော့မလွယ်ပါဘူး။ သိပ်မကြာခင်နှစ်တွေမှာ နည်းပြတွေ တစ်ပြုံတစ်ခေါင်း ရှိခဲ့ပါတယ်။ ဒါပေမယ့် အရာရာတိုင်းကို ဖြေရှင်းပေးဖို့ ကျွန်တော့်ဆီမှာ မှော်တုတ်ချောင်းရှိမယ်လို့ မတွေးထားပါဘူး။ ကျွန်တော့်ရဲ့နောက်ဆုံးနေ့အထိ ဒီနေရာအတွက် တိုက်ပွဲဝင်သွားမှာပါ”

Ref: Goal