အမေရိကန်စစ်တပ် ပဲ့ထိန်းကျည် ထုတ်နိုင်ပြီ

မေ ၁၀၊ ၂၀၁၅
M-Media

– ‘ပစ်မှတ်လွဲသွားတယ်ကွာ’ ဆိုတဲ့စကားကို သင်ကြားဖူးပါသလား? အဲဒီစကားကို မေ့လိုက်ပါ။ ဒါမျိုး ထပ်ဖြစ်မှာ မဟုတ်တော့ပါဘူး။

အမေရိကန်စစ်တပ်က သူတို့ဟာ ပဲထိန်းကျည်ဆံကို ဖန်းတီးဖို့ ကြိုစားရာမှာ တော်တော်လေး တိုးတက်မှုတွေရှိနေပြီလို့ ပြီးခဲ့တဲ့ တစ်ပတ်က ပြောလိုက်ပါတယ်။

ဖေဖော်ဝါရီလတုန်းက အလင်းဆင်ဆာ တပ်ထားပြီး “ခေတ်မီ ကျည်ဆံ” လို့ခေါ်တဲ့ ပွိုင့် ၅၀ ကျည်ဖူးကို အပြင်မှာ လက်တွေ့ စမ်းသပ်ပစ်ခတ်မှုဟာ အောင်မြင်ခဲ့တယ်လို့ ခေတ်မီကာကွယ်ရေး သုတေသနစီမံကိန်းအေဂျင်စီ DARPA က ကြေညာခဲ့ပါတယ်။

အဲဒီစမ်းသပ်မှုတွေမှာ ကျွမ်းကျင်သေနတ်သမားတစ်ယောက်ဟာ ရွေ့လျား ရှောင်တိမ်းနေတဲ့ ပစ်မှတ်တွေကို ထပ်ခါထပ်ခါ ပစ်ပြနိုင်ခဲ့တယ်လို့ DARPA ရဲ့ ကြေညာချက်မှာ ဖော်ပြထားပါတယ်။ နောက်ပြီး လူသစ် သေနတ်သမားတစ်ယောက်ကလည်း ရွေ့လျားနေတဲ့ ပစ်မှတ်တွေကို အဲဒီ ပဲ့ထိန်းကျည်ဆံသုံးပြီး ထိအောင် ပစ်ခတ်ပြနိုင်ခဲ့ပါတယ်။ ဒါဟာ ပစ်တ်မှတ်ကိုထိဖို့
လက်ဖြောင့်နေစရာမလိုဘူးဆိုတဲ့ သဘောပါပဲ။

အဲဒီ ပဲ့ထိန်းကျည်ဆံစနစ်ကို DARPA ရဲ့ EXACTO လို့ခေါ်တဲ့ Extreme Accuracy Tasked Ordnance အစီစဉ်ကနေ တီထွင်ထုတ်လုပ်ခဲ့တာ ဖြစ်ပါတယ်။

“DARPA ရဲ့ မစ်ရှင်ကို အမှန်တစ်ကယ်ဖြစ်လာဖို့ EXACTO ဟာ တစ်ချိန်တုန်းက မဖြစ်နိုင်စရာလို့ ထင်တဲ့ ကျည်ဆံသေးသေးလေး ပတ်မှတ်ကိုထိဖို့ ပဲ့ထိန်းစနစ်ကို လုပ်ပြခဲ့ပါတယ်” လို့ DARPA ရဲ့ ပရိုဂရမ် မန်နေဂျာဖြစ်တဲ့ ဂျဲရိုမီ ဒန်းက ဆိုပါတယ်။

“စံမှီတဲ့ ရိုင်ဖယ်ကနေ လက်တွေ့ပစ်ခတ်မှုက EXACTO ဟာ သာမန်ပစ်ခတ်မှုမှာ မအောင်မြင်နိုင်တဲ့ စနိုက်ပါ အကွာအဝေးက ရွေ့လျားရှောင်တိမ်း ပစ်မှတ်တွေကို ပစ်နိုင်တယ်ဆိုတာ ပြသနေပါတယ်။ ပွိုင့် ၅၀ ဆိုဒ် ကျည်ဖူးနဲ့ EXACTO ရဲ့ ပဲ့ထိန်းနိုင်စွမ်းကို အံဝင်ခွင်ကျဖြစ်စေတယ်ဆိုတာက အဓိက အောင်မြင်မှုဖြစ်ပြီး အနာဂတ်မှာ သေနတ်အားလုံး ပဲ့ထိန်းကျည်ဆံနဲ့ ပစ်ခတ်နိုင်မှုအတွက် တံခါးဖွင့်ပေးလိုက်တာလည်း ဖြစ်ပါတယ်” လို့ ဒန်းက ထပ်လောင်း ပြောကြားခဲ့ပါတယ်။

လေထဲကနေ ပစ်မှတ်နောက် ကွေ့လိုက်

DARPA က ပဲ့ထိန်းကျည်ဆံနဲ့ပတ်သက်ပြီး ထုတ်ပြန်တဲ့ ဗီဒီယိုမှာ အဲဒီကျည်ဆံတွေဟာ ပစ်မှတ်နောက်လိုက်တဲ့အခါ လေထဲမှာ ကွေ့လိုက်နိုင်တယ်ဆိုတာကို တွေ့ခဲ့ရပါတယ်။

အဲဒီကျည်ဆံတွေဟာ တစ်နာရီကို မိုင်ရာနဲ့ချီ သွားနိုင်ပြီး ပြိုင်ကားတစ်စီး မသွားနိုင်တဲ့ အကွာအဝေး ဖြစ်ပါတယ်။ DARPA ကတော့ အဲဒီ ခေတ်မီကျည်ဆံတွေဟာ ဥပမာအားဖြင့် လေတိုက်နှုန်းမြင့်နေတဲ့အချိန် ပစ်မှတ်ကို ထိအောင်ပစ်ဖို့ ကြိုးစားတဲ့ သေနတ်သမားတွေကို
အကူအညီဖြစ်စေမယ်လို့ ဆိုပါတယ်။

EXACTO အစီအစဉ်ရဲ့ ရည်ရွယ်ချက်ကတော့ သေနတ်သမားတွေ တော်တော်ဝေးဝေးကို ပစ်တဲ့အခါ တိကျမှုရှိစေဖို့၊ ပစ်မှတ်ကို မြန်မြန်ထိစေဖို့နဲ့ အမေရိကန်တပ်ဖွဲ့တွေရဲ့ လုံခြုံရေး တိုးမြင့်စေဖို့လို့ DARPA က ပြောကြားခဲ့ပါတယ်။

Ref: CNN