ဖိလစ်ပိုင်တိုင်ဖုန်း လူ ၂ ဦးသေဆုံး

မေ ၁၁၊ ၂၀၁၅
M-Media

– ဖိလစ်ပိုင်နိုင်ငံ အရှေ့မြောက်ပိုင်း ကမ်းရိုးတန်းဒေသတွင် တိုင်ဖုန်း နိုအူလ်ကြောင့် မိုးသည်းထန်စွာရွာသွန်းခြင်း၊ လေပြင်းတိုက်ခိုက်ခြင်းများ ဖြစ်ပေါ်ခဲ့ပြီး လူ ၂ ဦးသေဆုံးခဲ့ကာ လူပေါင်း ၃၀၀၀ ကျော်မှာ ကယ်ဆယ်ရေးစခန်းများသို့ ပြောင်းရွှေ့ခဲ့ရသည်ဟု သိရသည်။

တိုင်ဖုန်းနိုအူလ်မှာ ယမန်နေ့က ဆန်နှင့် ပြောင်း စိုက်ပျိုးထုတ်လုပ်ရာ ကာဂါယန်ပြည်နယ်သို့ ၀င်ရောက်ခဲ့ပြီး ၀င်ရောက်ပြီးနောက် အင်အားအနည်းငယ် ပျော့သွားခဲ့သည်။ မုန်တိုင်းကြောင့် ပြည်နယ်ရှိ ဒေသအများစုတွင် လျှပ်စစ်ဓာတ်အား ပြတ်တောက်သွားခဲ့ပြီး လက်ရှိအချိန်တွင် ကာဂါယန်ပြည်နယ် အက်ပါရီမြို့ တောင်ဘက်သို့ မုန်တိုင်းက ဦးတည်နေကာ အင်္ဂါနေ့တွင် ဂျပန်နိုင်ငံတောင်ပိုင်းသို့ ဦးတည်မည်ဖြစ်သည်။

“တိုင်ဖုန်းက သွားလိုက်ပါပြီ။ ဒါပေမယ့် ကျွန်တော်တို့ရဲ့ ပြဿနာက ပျက်ဆီးသွားတာတွေကို ဘယ်လို ပြုပြင်မလဲဆိုတာပါပဲ။ ကမ်းရိုးတမ်းဒေသက ဆင်းရဲတဲ့ ကျွန်တော်တို့မြို့သားတွေရဲ့ အိမ်သေးသေးလေတွေ ဆိုးဆိုးဝါးဝါး ပျက်ဆီးခဲ့ပါတယ်” ဟု ကာဂါယန်မှ ဆန်တာအန်တာမြို့၏ အုပ်ချုပ်ရေးမှူး ဒါဝင် တိုဘီယက်စ်က ပြောကြားခဲ့သည်။

အမျိုးသား သဘာဝဘေးအန္တရာယ် အေဂျင်စီကမူ အပါရီမြို့၌ မုန်တိုင်းအရှိန်မြင့်နေစဉ် သွပ်ခေါင်မိုးပေါ် တွယ်ကပ်နေသည့် အမျိုးသား ၂ ဦးမှာ ဓာတ်လိုက်သေဆုံးခဲ့သည်ဟု ပြောကြားခဲ့သည်။

ကာဂါယန်နှင့် အစ္စဘယ်လာ ပြည်နယ်များမှ ဒေသခံ ၃၄၀၀ ကျော်မှာ စာသင်ကျောင်းများ၊ အားကစားခန်းမများနှင့် မြို့တော်ခန်းမများကဲ့သို့ ကယ်ဆယ်ရေးစခန်းများသို့ ပြောင်းရွှေ့နေထိုင်နေရသည်ဟု တာဝန်ရှိသူများက ပြောကြားခဲ့သည်။ ယနေ့နံနက်စောစောပိုင်း မိုးများ တိတ်သွားသည့်အချိန်တွင် ဒေသခံအချို့မှာ ၎င်းတို့ နေထိုင်ရာ အိမ်များသို့ ပြန်လည် လာရောက်မှုများလည်း ရှိခဲ့သည်။

မုန်တိုင်းကြောင့် ပျက်ဆီးသော်လည်း မိုးများရွာသွန်းခဲ့ခြင်းကြောင့် အပူဒဏ်ကို ပြင်းထန်စွာ ခံစားခဲ့ရသည့် စပါးနှင့် ပြောင်းခင်းများအတွက် အကျိုးဖြစ်ထွန်းခဲ့သည်။

Ref: Channelnewsasia