ဆွမ်းဆီးအရှုံးအတွက် ၀င်းဂါး စိတ်ပျက်

မေ ၁၂၊ ၂၀၁၅
M-Media

– မိမိတို့အသင်းမှာ အခွင့်အရေးများကို ဖြုန်တီးခဲ့သောကြောင့် ဆွမ်ဆီးအသင်းအား ရှုံးနိမ့်ရခြင်းဖြစ်သည်ဟု အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။

ယနေ့နံနက်က အီမရိတ်ကွင်း၌ ကစားခဲ့သော အဆိုပါပွဲတွင် အာဆင်နယ်မှာ ဂိုးရနိုင်မည့် အခွင့်အရေး အတော်များများ ရခဲ့သော်လည်း အဆုံးသတ်မသေချာမှုနှင့် ဆွမ်းဆီးဂိုးသမား ဖေဘီယန်စကီး၏ လက်စွမ်းပြမှုတို့ကြောင့် ဂိုးရရှိခဲ့ခြင်းမရှိဘဲ ဂိုမစ်၏ နောက်ကျဂိုးဖြင့် ဆွမ်ဆီးအား အရှုံးပေးခဲ့ရသည်။

အာဆင်နယ်ဂိုးသမားဟောင်း ဖေဘီယန်စကီးမှာ အသင်းမှ ထွက်ခွာပြီးနောက်ပိုင်း အီမရိတ်တွင် ပထမဆုံးအကြိမ် အသင်းဟောင်းအား ပြန်လည် ရင်ဆိုင်ရခြင်းဖြစ်သည်။ ၀င်းဂါးကမူ ထိုအရှုံးအတွက် စိတ်ပျက်မိသည်ဟု ဆိုသည်။

“ရှုံးသွားတာ စိတ်ပျက်စရာဖြစ်ပေမယ့် ကောင်းတဲ့အချက်တွေတော့ တော်တော်များများ ရှိခဲ့ပါတယ်။ ဒီလိုပွဲမျိုး ၂၀ လောက်ကစားရင် ၁၉ ပွဲကနိုင်မှာပါ။ ရှုံးတဲ့တစ်ကြိမ်ကလည်း ဒီညပါပဲ။ အဆုံးသတ် ပိုကောင်းနိုင်သလား၊ ပိုပြီး စိတ်ရှည်မလားဆိုတာနဲ့ နောက်တန်းမှာ အမှားတွေမလုပ်နိုင်တော့ဘူးလားဆိုတဲ့ မေးခွန်းတွေ ရှိပါတယ်။ ကျွန်တော်တို့ ကောင်းခဲ့ပါတယ်။ ကစားသမား တစ်ဦးတစ်ယောက်ချင်းစီကို ကျွန်တော် အပြစ်ပြောလို့ မရပါဘူး။ အဆုံးသတ်ပိုင်းမှာ ကျွန်တော်တို့ လုံလောက်အောင် တည်ငြိမ်မှုမရှိတာ ဖြစ်ကောင်းဖြစ်နိုင်ပါတယ်။ ကျွန်တော်တို့ အလျင်လိုခဲ့ပြီး နည်းစနစ်တွေ ပိုပြီး လိုအပ်ခဲ့ပါတယ်” ဟု ၀င်းဂါးက Sky Sports သို့
ပြောကြားခဲ့သည်။

ထိုပွဲအရှုံးကြောင့် အာဆင်နယ်မှာ တစ်ပွဲလျော့ဖြင့် ဒုတိယနေရာမှ မန်စီးတီးနှင့် ၃ မှတ်အကွာ တတိယနေရာတွင် ရှိနေပြီး ဂိုးကွာခြားချက်တွင် မန်စီးတီးက သာနေသည်။ လာမည့်သီတင်းပတ်တွင် အာဆင်နယ်မှာ မန်ယူနှင့် ကစားရမည်ဖြစ်သည်။

“နောက်ပွဲအတွက် ကျွန်တော်တို့ ပြင်ဆင်ရပါမယ်။ ကစားသမားတွေက စိတ်ပျက်နေကြပါတယ်။ ဒါပေမယ့် ကျွန်တော်တို့ ပြန်ကာရမှာဖြစ်ပြီး တနင်္ဂနွေပွဲမှာ နိုင်အောင်လုပ်ရပါမယ်။ အဲဒီပွဲဟာ အရေးကြီးတဲ့ပွဲပါ” ဟု ၀င်းဂါးက ထပ်လောင်းပြောကြားခဲ့သည်။

Ref: Goal