နိုင်ငံတကာသတင်းတို (မေ ၁၂၊ ၂၀၁၅)

မေ ၁၂၊ ၂၀၁၅
M-Media

ယနေ့နံနက် နီပေါငလျင် လူအသေအပျောက်ရှိ
……………………………….
ယနေ့နံနက်က နီပေါတွင် ထပ်မံလှုပ်ခတ်ခဲ့သော ပြင်းအား ၇.၃ ရှိ ငလျင်ကြောင့် အနည်းဆုံး ၄၂ ဦး သေဆုံးခဲ့ပြီ ၁၁၁၇ ဦး ဒဏ်ရာရရှိခဲ့သည်ဟု နီပေါအာဏာပိုင်များက ကြေညာခဲ့သည်။ ပြီးခဲ့သည့် နှစ်ပတ်က ငလျင်ဒဏ်ကို အကြီးအကျယ် ခံစားခဲ့ရသည့် ခတ္တာမန်ဒူမြို့ရှိ အဆောက်အဦး ၁၀ ခုအပါအ၀င် စုစုပေါင်း အဆောက်အဦး ၁၉ လုံး ပြိုကျပျက်ဆီးခဲ့သည်။ ထိုငလျင်ကြောင့် အိန္ဒိယတွင် ၁၇ ဦးသေဆုံးခဲ့သည်။

ပီကာဆို၏ ပန်းချီ ဒေါ်လာ ၁၇၉ သန်းကျော်ရ
……………………………….
ကမ္ဘာကျော် ပန်းချီပညာရှင် ပါဘလို ပီကာဆို၏ လက်ရာတစ်ခုဖြစ်သော “Women of Algiers [Version O]” ပန်းချီကားကို ယမန်နေ့က နယူးယောက်မြို့ လေလံပွဲတွင် အမည်မဖော်လိုသူတစ်ဦးက ကန်ဒေါ်လာ ၁၇၉.၄ သန်းဖြင့် ၀ယ်ယူသွားခဲ့သည်။ ထိုပန်းချီကားမှာ ၁၉၄၅ ခုနှစ်မှ ၁၉၅၅ ခုနှစ်အတွင်း ပီကာဆိုရေးသားခဲ့သည့် ပန်းချီကားများမှ တစ်ခုဖြစ်ပြီး အဆိုပါ လေလံဈေးမှာ အနုပညာလက်ရာများတွင် စံချိန်တင်ဈေးလည်း ဖြစ်ခဲ့သည်။

ဘင်္ဂလားဒေ့ရ်ှဘလော့ဂါတစ်ဦး အသတ်ခံရပြန်
………………………………..
ဘင်္ဂလားဒေ့ရှ် ဘလော့ဂါတစ်ဦးဖြစ်သူ အေနန်တာ ဘီဂျိုင် ဒက်စ်မှာ နိုင်ငံအရှေ့မြောက်ပိုင်း ဆဲလ်ဟတ်မြို့တွင် ယနေ့နံနက်ပိုင်းက မျက်ဖုံးဝတ် လူတစ်စု၏ သတ်ဖြတ်ခြင်းကို ခံခဲ့ရသည်။ ၎င်းအလုပ်လုပ်ရာ ရုံးသို့ သွားနေစဉ် သတ်ဖြတ်ခံခဲ့ရခြင်းဖြစ်ပြီး လူသတ်သမားမှာ ၄ ဦးဖြစ်ကာ စုံစမ်းစစ်ဆေးမှုများ ပြုလုပ်နေသည်ဟု ရဲတပ်ဖွဲ့က ပြောကြားခဲ့သည်။ ဒက်စ်မှာ ဘင်္ဂလားဒေ့ရ်ှတွင် ယခုနှစ်အတွင်း တတိယမြောက်အသတ်ခံရသည့် ဘလော့ဂါလည်း ဖြစ်သည်။

Ref: News Agencies