တရုတ်ရဲတပ်ဖွဲ့ သံသယရှိသူများအား ညှင်းပန်း နှိပ်စက် မှုများ ရှိနေ

မေ ၁၃၊ ၂၀၁၅
M-Media

– ရဲတပ်ဖွဲ့၏  ညှင်းပန်း နှိပ်စက် မှုများကို တရုတ်နိုင်ငံမှ နှိမ်နင်းခဲ့သည်မှာ ၆ နှစ်ကြာပြီ ဖြစ်သော်လည်း ယခုအချိန်အထိ တရုတ်ရဲတပ်ဖွဲ့က ထိန်းသိမ်းခံရသူများကို ရိုက်နှက် ညှင်းပန်း မှုများ ရှိနေသေးသည်ဟု နယူးယောက်အခြေစိုက် လူ့အခွင့်အရေးစောင့်ကြည့်အဖွဲ့က ပြောကြားလိုက်သည်။
.
ယနေ့တွင် ထုတ်ပြန်ခဲ့သော အစီရင်ခံစာ၌ ဖော်ပြခဲ့ခြင်းဖြစ်ပြီး အဆိုပါ အစီရင်ခံစာမှာ တရုတ်နိုင်ငံအတွင်း ညှင်းပန်း နှိပ်စက်မှုနှင့် ပတ်သက်၍ ကုလသမဂ္ဂ၏ အသေးစိတ် စုံစမ်းမေးမြန်းခြင်း မပြုမီ ၆ လအလိုတွင် ထွက်ပေါ်လာခြင်းဖြစ်သည်။
.
တရုတ်အစိုးရမှာ ထိပ်တန်းတာဝန်ရှိသူများ၏ တရားရေးဆိုင်ရာ အလွဲသုံးစားလုပ်မှုများ အပေါ် ပြည်သူများ၏ မကျေနပ်မှုကို ပြေလျော့စေရန် ဆောင်ရွက်နေပြီး တရုတ်တရားရုံးချုပ်ကလည်း ရဲတပ်ဖွဲ့ဝင်များအနေဖြင့် သက်သေ အထောက်အထားရရှိရန် ညှင်းပန်း နှိပ်စက် ခြင်းကို ရပ်တန့်ရေးအတွက် ဥပဒေရေးရာ ပြုပြင်ပြောင်းလဲမှုများကို ပြီးခဲ့သည့် ဖေဖော်ဝါရီလက ချပြခဲ့သည်။
.
“ရာဇ၀တ်မှုတွေကို ၀န်ခံဖို့ ရဲတပ်ဖွဲ့က သံသယရှိသူတွေကို ညှင်းပန်း နှိပ်စက် နေကြပြီး တရားရုံးတွေကလည်း ညှင်းပန်း မှုကြောင့် ၀န်ခံခဲ့တဲ့သူတွေကို အပြစ်တွေပေးနေပါတယ်” ဟု လူ့အခွင့်အရေး စောင့်ကြည့်အဖွဲ့၏ အစီရင်ခံစာတွင် ဖော်ပြထားသည်။
.
သံသယရှိသူများမှာ ရဲတပ်ဖွဲ့၏ စစ်ကြောမှုအတွင်း လျှစ်စစ် နံပါတ်တုတ်ဖြင့် အရိုက်ခံရခြင်း၊ ငရုတ်ရည်ဖြင့် အပက်ခံရခြင်းနှင့် မအိပ်ရအောင် လုပ်ခြင်းတို့အပါအ၀င် စိတ်ပိုင်းဆိုင်ရာနှင့် ရုပ်ပိုင်းဆိုင်ရာ ညှင်းပန်း နှိပ်စက် ခံခဲ့ရကြောင်း ယခင်က ရဲတပ်ဖွဲ့၏ ထိန်းသိမ်းခြင်းကို ခံခဲ့ရသူများ၏ ပြောကြားမှုများကို ကိုးကား၍ အဆိုပါ အစီရင်ခံစာတွင် ဖော်ပြထားသည်။
.
ရဲတပ်ဖွဲ့ကို ကိုင်တွယ် စီမံနေသော တရုတ်ပြည်သူ့လုံခြုံရေးဝန်ကြီးဌာနကမူ အဆိုပါ အစီရင်ခံစာအတွက် မည်သည့်မှတ်ချက်မှ မပေးသေးပေ။
.
တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟွာ ချန်ယင်းက တရုတ်နိုင်ငံ၏ ဥပဒေတွင် ညှင်းပန်း နှိပ်စက် မှု၊ အင်အားသုံး ၀န်ခံထွက်ဆိုခိုင်းမှုတို့ကို တားမြစ်ထားပြီး ထိုသို့ ဆောင်ရွက်သူများကိုလည်း အပြစ်ပေးရန် ပြဌာန်းထားသည်ဟု ပြောကြားခဲ့သည်။
.
လူ့အခွင့်အရေးစောင့်ကြည့်အဖွဲ့၏ အဆိုပါ အစီရင်ခံစာမှာ တရုတ်ရဲတပ်ဖွဲ့၏ ထိန်းသိမ်းခံရသူများ၊ ၎င်းတို့၏ မိသားစုများ၊ ရှေ့နေများ၊ ယခင် အရာရှိဟောင်းများနှင့် တရုတ်တရားရုံးမှ အမိန့်ချမှတ်မှုများကို ဆန်းစစ်လေ့လာနေသူ စုစုပေါင်း ၄၈ ဦးတို့၏ အင်တာဗျူးကို အခြေခံ၍ ရေးသားခဲ့ခြင်းဖြစ်သည်။
.
Ref: Reuters