အစ္စလာမ်ကိုစော်ကားသည့် ကျောင်းဆရာတစ်ဦးကို ဗြိတိန်က ရာသက်ပန် စာသင်ခွင့်ပိတ်ပင်

မေ ၁၄၊ ၂၀၁၅
M-Media

– မွတ်စလင်များမှာ မကောင်းဆိုးဝါးကို ကိုးကွယ်နေသည်ဟူသော ပြောကြားမှုအပါအ၀င် စာသင်ခန်းထဲတွင် အစ္စလာမ်နှင့် မွတ်စလင်များအား အကြိမ်ကြိမ်အခါခါ စော်ကားပြောဆိုခဲ့သော ဗြိတိန်ကျောင်းဆရာတစ်ဦးကို ပညာရေးအဖွဲ့က ရာသက်ပန် ပညာသင်ကြားခွင့် ပိတ်ပင်လိုက်သည်ဟု သိရသည်။

“အဖွဲ့က ရီဗာရန် ၀က်စ်ရဲ့ အပြုအမူဟာ ဒီနယ်ပယ်မှာ သတ်မှတ်ထားတဲ့ စံချိန်စံညွှန်းတွေအောက်ကို ရောက်သွားတယ်လို့ ဆုံးဖြတ်ပါတယ်။ ဒါ့ကြောင့် ရီဗာရန်ဝက်စ်ကို ပရော်ဖက်ရှင်နယ်ဆိုင်ရာ လက်သင့်မခံနိုင်တဲ့၊ ဒီနယ်ပယ်ကို ယုံကြည်မှုပျက်ပြားတာမျိုး ဖြစ်လာနိုင်တဲ့ ဒီအပြုအမူအတွက် အပြစ်ရှိတယ်လို့ ဆုံးဖြတ်ခဲ့ပါတယ်။ ရီဗာရန် ၀က်စ်ရဲ့ အပြုအမူဟာ သင်ကြားရေးနယ်ပယ်နဲ့ ပတ်သက်ပြီး ပြည်သူတွေရဲ့အမြင်ကိုလည်း ပျက်ဆီးစေနိုင်ပါတယ်” ဟု သင်ကြားရေးနှင့် ခေါင်းဆောင်မှုဆိုင်ရာအတွက် အမျိုးသားကောလိပ် NCTL မှ ထုတ်ပြန်သော ကြေညာချက်တွင် ဖော်ပြထားသည်။

ဝက်စ်၏ မသင့်လျော်သည့်စကားများနှင့် ပတ်သက်၍ ကျောင်းသားများက တိုင်ကြားခဲ့ပြီးနောက် NCTL က ယခုကဲ့သို့ အရေးယူခဲ့ခြင်းဖြစ်သည်ဟု BBC က မေလ ၁၂ ရက်နေ့တွင် ဖော်ပြခဲ့သည်။

ဝက်စ်မှာ ဗြိတိန်အမျိုးသားပါတီ BNP ပါတီ၏ အမတ်လောင်းဖြစ်ပြီး ရွေးကောက်ပွဲတွင် မဲအနည်းငယ်သာ ရခဲ့သည်။ ၎င်းမှာ ဂရန်သ်ဟမ် မိန်းကလေးကျောင်း၌ သမိုင်းဆိုင်ရာ သင်ကြားမှုအတွင်း အစ္စလာမ်၊ မွတ်စလင်တို့နှင့်ပတ်သက်၍ စော်ကားပြောဆိုမှုများကို ပြုလုပ်ခဲ့ခြင်းဖြစ်သည်။

အသက် ၁၂ နှစ်အရွယ် ကျောင်းသူတစ်ဦးက သူမအနေဖြင့် မြင်းများနှင့် ဓာတ်မတည့်ဟု ပြောဆိုရာ ၀က်စ်က မိမိမှာ မဟာမေဒင်များနှင့် ဓာတ်မတည့်ဟု ပြန်လည်ဖြေကြားခဲ့သည်။ ထို့ပြင် အခြား ၁၂ နှစ်အရွယ်ကျောင်းသူတစ်ဦးက မွတ်စလင်တစ်ယောက် ဖြစ်ရသည်မှာ မှားယွင်းမှုလားဟု မေးမြန်းရာ ၎င်းက “ဟုတ်တယ်။ ဘာ့ကြောင့်လည်းဆိုတော့ ငါတို့က သူတို့ကို တိုက်နေလို့ပဲ” ဟု ပြန်ပြောခဲ့သည်။

နိုဝင်ဘာ ၁၄ ရက်နေ့က ပြုလုပ်ခဲ့သော သင်ကြားမှုတွင်လည်း ၀က်စ်က “ခရစ်ယာန်မဟုတ်သော သူများ၏ ဘုရားများမှာ ရိုင်းစိုင်းရက်စက်ပြီး မွတ်စလင်များကလည်း မကောင်းဆိုးဝါးကို ကိုးကွယ်ကြသည်” ဟု ပြောကြားခဲ့သည်။

ဝက်စ်ကိုယ်တိုင်ကလည်း ၎င်းအနေဖြင့် ၂၀၁၃ ခုနှစ် နိုဝင်ဘာလက သင်ကြားခဲ့သော ခရူးဆိတ်စစ်ပွဲအကြောင်းတွင် ထိုသို့ပြောကြားခဲ့ကြောင်း ၀န်ခံခဲ့သည်။

အရေးယူခံရပြီးနောက်ပိုင်း ကျောင်းအုပ်ကြီးထံသို့ ရေးသားသည့် စာတွင်လည်း ၀က်စ်က ထပ်မံစော်ကားပြောဆိုခဲ့သည်။ ၀က်စ်မှာ သမ္မာကျမ်းထဲမှ ရိုးရာ ယုံကြည်ချက်များကို ဟောပြောရန်ဟုဆိုကာ အင်္ဂလန်ခရစ်ယာန်အသင်းတော်နှင့် ဆက်သွယ်မှုမရှိဘဲ ၂၀၀၆ ခုနှစ်တွင် ၎င်း၏ ကိုယ်ပိုင်အသင်းကို ဟိုလ်ဘိခ်ျရှိ အိမ်တစ်အိမ်တွင် အခြေစိုက်ကာ တည်ထောင်ခဲ့သည်။

ဝက်စ် အသင်းဝင်ထားသည့် BNP ပါတီမှာ လက်ယာစွန်းရောက် လူဖြူသီးသန့်ပါတီဖြစ်ပြီး ပြောင်းရွှေ့အခြေချလာသူများ၊ ဗြိတိန်မွတ်စလင်များကို တိုက်ခိုက်မှုအတွက် နာမည်ဆိုးဖြင့် ကျော်ကြားသည့်ပါတီလည်းဖြစ်သည်။

အင်္ဂလိပ်ကာကွယ်ရေးအသင်း EDL ကဲ့သို့ပင် BNP မှာ မွတ်စလင်နှင့် ပြောင်းရွှေ့အခြေချလားသူများအား ဆန့်ကျင်သည့် သဘောထားများကို မီးထိုးပေးရန် ပြောင်းရွှေ့အခြေချမှုကို အသုံးချနေသည်။

Ref: Onislam