လှေစီးဒုက္ခသည် ၈၀၀ ခန့်ကို အင်ဒိုနီးရှားကယ်တင်ခဲ့၊ ထိုင်းနှင့် အင်ဒိုရေတပ်တို့မှ အခြားစက်လှေများကို ပင်လယ်ထဲသို့ပြန်လည် ပို့ဆောင်မှုလည်းရှိ

မေ ၁၅၊ ၂၀၁၅
M-Media

– ပင်လယ်ထဲတွင် မျောနေသော လှေစီးဒုက္ခသည်များမှ ၈၀၀ နီးပါးကို အင်ဒိုနီးရှားနိုင်ငံက ယနေ့တွင် ကယ်တင်လိုက်သော်လည်း ဒုက္ခသည်ရာပေါင်းများစွာပါဝင်သည့် အခြားလှေများကို ပင်လယ်ထဲသို့ ပြန်ပို့လိုက်သည်ဟု သိရသည်။

အင်ဒိုနီးရှားနိုင်ငံ အနောက်စွန်းစွန်းရှိ အာချေးကမ်းရိုးတမ်းတွင် အင်ဒိုနီးရှား ငါးဖမ်းသမားများက ကယ်တင်ခဲ့ခြင်းဖြစ်ပြီး စက်လှေပေါ်ရှိ လူများက ၎င်းတို့၏လှေမှာ မြုပ်တော့မည်ဖြစ်ကာ သင်္ဘောပေါ်တွင်လည်း ရန်ဖြစ်မှုများရှိနေသည်ဟု ပြောကြားခဲ့သောကြောင့်
ကယ်တင်ခဲ့ခြင်းဖြစ်သည်ဟု တာဝန်ရှိသူတစ်ဦးက ပြောကြားခဲ့သည်။

သို့သော်လည်း အခြားစက်လှေတစ်စီးကိုမူ အင်ဒိုနီးရှား ရေတပ်က ပင်လယ်ထဲသို့ ပြန်ပို့ခဲ့ပြီး ထိုင်း ရေတပ်ကလည်း ကလေးငယ်များအပါအ၀င် လူရာပေါင်းများစွာပါဝင်သော လှေတစ်စီးကို အစားအသောက်များ၊ ဆေးဝါးများနှင့် လောင်စာများပေးကာ ပင်လယ်ထဲသို့ ပြန်လည်ဆွဲယူသွားခဲ့သည်။ ထိုင်းတာဝန်ရှိသူတစ်ဦးကမူ အဆိုပါလှေတွင် ကပ္ပတိန်မပါလာဘဲ လှေပေါ်မှ လူအချို့ကို ထိုင်းငါးဖမ်းသမားများက သင်္ဘောမောင်းနည်း နာရီအနည်းငယ် သင်ပေးခဲ့သည်ဟု ပြောကြားခဲ့သည်။ ထို့ပြင် လှေပေါ်မှလူများက ၎င်းတို့မှာ ရှေ့ဆက်သွားချင်သည်ဟု ပြောသောကြောင့် ပင်လယ်ထဲသို့ ပြန်လွှတ်ပေးခဲ့ခြင်းဖြစ်သည်ဟု ဆိုသည်။

မြန်မာနိုင်ငံတွင် ငြှင်းပန်းနှိပ်စက်ခံရမှုကြောင့် ထွက်ပြေးလာရသည့် ရိုဟင်ဂျာ ထောင်ပေါင်းများစွာနှင့်ပတ်သက်၍ မြန်မာအစိုးရ၏ ရပ်တည်ချက်ခက်ထန်မှုကို ထောက်ပြကာ ထိုင်းဝန်ကြီးချုပ်က လှေစီးဒုက္ခသည်များ ပိုမိုရောက်ရှိလာပါက ၎င်းတို့မှာ ထိုင်းနိုင်ငံရှိ
အလုပ်အကိုင်များကို ယူသွားနိုင်သည်ဟု သတိပေးလိုက်ပြီး အင်ဒိုနီးရှားစစ်တပ်အကြီးအကဲကလည်း အဆိုပါ ဒုက္ခသည်များက လူမှုရေးပြဿနာများ ဖြစ်ပွားလိမ့်မည်ဟု ပြောကြားခဲ့သည်။

ပြီးခဲ့သည့် သီတင်းပတ်အတွင်း အင်ဒိုနီးရှားနိုင်ငံအနောက်ပိုင်းနှင့် မလေးရှားအနောက်မြောက်ပိုင်း ကမ်းရိုးတမ်းတို့တွင် လှေစီးဒုက္ခသည် ၂၅၀၀ ခန့် ရောက်ရှိခဲ့ကြသည်။

သို့သော်လည်း ထိုင်းနှင့်မလေးရှားဘက်မှ မာလာကာရေလက်ကြားကိုဖြတ်၍ ရောက်လာသော စက်လှေ ၂ စီးကို အင်ဒိုနီးရှားရေတပ်က ပြန့်ပို့ခဲ့ပြီး ယနေ့တွင်လည်း အခြားတစ်စီးကို ထိုင်းရေတပ်က ပင်လယ်ထဲသို့ ဆွဲယူစွန့်ပစ်ခဲ့သည်။

မလေးရှားနိုင်ငံကလည်း မိမိတို့အနေဖြင့် ဒုက္ခသည်စက်လှေများကို ပင်လယ်ထဲသို့ ပို့ဆောင်မည်ဟု ပြောကြားထားသည်။

“သူတို့မှာ စားစရာမရှိဘူး။ သောက်ရေမရှိဘူး။ သူတို့ရဲ့ ကျင်ငယ်ရေကို သူတို့ ပြန်သောက်နေကြရပါတယ်” ဟု ဘန်ကောက်အခြေစိုက် ပြောင်းရွှေ့အခြေချသူများရေးရာ နိုင်ငံတကာအဖွဲ့အစည်းမှ ပြောရေးဆိုခွင့်ရှိသူ ဂျိုး လိုရီက ပြောကြားခဲ့သည်။

“ဒါဟာ လူ့အသက်တွေကို ရေထဲမှာ ဘောလီဘောပုတ် ကစားနေကြတာပါပဲ။ ဒေသတွင်း အစိုးရတွေအနေနဲ့ အဖြေတစ်ခုအမြန်ရှာဖို့ ကျွန်တော်တို့ မျှော်လင့်ပါတယ်။ ဒါမှမဟုတ်ရင်တော့ လာမယ့်နေ့တွေမှာ အက်ဒမန် ပင်လယ်တစ်ဝိုက် အလောင်းခြောက်တွေနဲ့ ပြည့်နေတဲ့ စက်လှေတွေကို တွေ့လာရပါလိမ့်မယ်” ဟု လိုရီက ထည့်သွင်းပြောကြားခဲ့သည်။

ထိုင်းနိုင်ငံက လူကုန်ကူးမှုကို နှိမ်နင်းပြီးနောက်ပိုင်း အစာရေစာပြတ်လတ်နေပြီး နေထိုင်မကောင်းဖြစ်နေသည့် ဒုက္ခသည်များ အပြည့်တင်ဆောင်ထားသော စက်လှေများကို လူကုန်ကူးသူများက အက်ဒမန်ပင်လယ်ထဲတွင် စွန့်ပစ်ခဲ့သောကြောင့် အဆိုပါပြဿနာမှာ ပိုမို
ကြီးထွားလာခြင်း ဖြစ်သည်။

မျှော်လင့်ချက်မဲ့နေသော အဆိုပါ လှေစီးဒုက္ခသည်များကို ကယ်တင်မှုမရှိခြင်းအတွက် အချို့သော နိုင်ငံများမှာ ဖိအားပေးမှုနှင့် ရင်ဆိုင်နေရပြီး ကုလလူ့အခွင့်အရေး အကြီးအကဲ ဇီအစ် ရာအဒ် အလ်ဟူစိန်ကလည်း ဘင်္ဂလားပင်လယ်အော်ကိုဖြတ်၍ အန္တရာယ်ကြီးမားသော ပုံစံဖြင့် ထိုသို့ ပြောင်းရွှေ့မှုများမှာ မြန်မာနိုင်ငံက ခွဲခြားဆက်ဆံမှုကို အဆုံးမသတ်မချင်း ဆက်လက်ရှိနေမည်ဟု
ပြောကြားခဲ့သည်။

“တူညီတဲ့နိုင်ငံသားဖြစ်ခွင့် အပါအ၀င် ရိုဟင်ဂျာလူ့အဖွဲ့အစည်းအပေါ် အစီအစဉ်တကျ ခွဲခြားဆက်ဆံမှုကို မြန်အစိုးရက မဖြေရှင်းမချင်း စိတ်မချရတဲ့ ဒီပြောင်းရွှေ့အခြေချမှုဟာ ဆက်လက်ရှိနေမှာပါပဲ” ဟု ဇီအစ် ရာအဒ်က ပြောကြားခဲ့သည်။

Ref: Reuters