နှစ်နိုင်ငံ ယုံကြည်မှုတည်ဆောက်ရမည်ဟု အိန္ဒိယ၀န်ကြီးချုပ်ကို တရုတ်သမ္မတပြော

မေ ၁၅၊ ၂၀၁၅
M-Media

– အာရှ၏ အင်အားကြီးနိုင်ငံများဖြစ်သည့် မိမိတို့ နှစ်နိုင်ငံအနေဖြင့် မတူညီမှုများကို ထိန်းချုပ်ခြင်း၊ ပူးပေါင်းဆောင်ရွက်ရေးကို မြှင့်တင်ခြင်းဖြင့် အပြန်အလှန်ယုံကြည်မှုကို တည်ဆောက်ရမည်ဟု တရုတ် သမ္မတ ဇီဂျင်ပင်းက အိန္ဒိယ ၀န်ကြီးချုပ် မိုဒီအား ပြောကြားလိုက်သည်။

မိုဒီ၏ ၃ ရက်ကြာ အလည်အပတ်ခရီးစဉ် ပထမဆုံးနေ့ဖြစ်သော ယမန်နေ့က တွေ့ဆုံဧည့်ခံမှုအတွင်း ဇီဂျင်ပင်းက ယခုကဲ့သို့ ပြောကြားလိုက်ခြင်းဖြစ်သည်။

“အပြန်အလှန် ယုံကြည်မှုတိုးတက်ဖို့အတွက် ကျွန်တော်တို့ဟာ အတူအကွ လုပ်ရပါမယ်။ ကျွန်တော်တို့ရဲ့ မတူညီမှုတွေ၊ ပြဿနာတွေက နှစ်နိုင်ငံဆက်ဆံရေးမှာ ၀င်ရောက်စွက်ဖက်တာ မရှိဖို့လည်း ထိန်းချုပ်ရပါမယ်” ဟု ဇီက မိုဒီအား ပြောကြားခဲ့ကြောင်း
တရုတ်နိုင်ငံခြားရေးဝန်ကြီးဌာနမှ ယမန်နေ့တွင်ထုတ်ပြန်သော ကြေညာချက်၌ ဖော်ပြထားသည်။

တရုတ်နှင့် အိန္ဒိယတို့မှာ ဆယ်စုနှစ်နှင့်ချီ၍ မယုံကြည်မှုများ ရှိခဲ့သော်လည်း စီးပွားရေးတွင်မူ တိုးမြှင့်ဆောင်ရွက်မှုများ ပြုလုပ်ခဲ့သည်။ ကမ္ဘာ့လူဦးရေ အထူထပ်ဆုံးဖြစ်သော အဆိုပါ နှစ်နိုင်ငံ အချင်းချင်း ကြုံတွေ့နေရသည့် ပြဿနာများမှာ အရေးပါပြီး နယ်စပ်ပိုင်ဆိုင်မှုဆိုင်ရာ အငြင်းပွားမှုများမှ ခါးသီးသော ရန်ဘက်ဖြစ်သည့် ပါကစ္စတန်အား တရုတ်နိုင်ငံက ထောက်ပံ့ပေးမှုအထိ ပါဝင်သည်။

ဇီကမူ ကမ္ဘာလုံးဆိုင်ရာနှင့် ဒေသဆိုင်ရာ ကိစ္စရပ်များကို ပူးပေါင်းဆောင်ရွက်ရေး ခိုင်မာစေရန်နှင့် နိုင်ငံတကာရေးရာများတွင် တရားမျှတမှု လမ်းကြောင်းကို ပိုမိုမြှင့်တင်ရေး အတူတကွလုပ်ဆောင်သွားရန် မိုဒီအား တိုက်တွန်းခဲ့သည်။

ပူးဆောင်ရွက်ရေးတွင် ရထားပို့ဆောင်ရေးကဏ္ဍ၊ စက်မှုဇုန်၊ မြို့ပြတည်ထောင်ရေး၊ အိန္ဒိယနှင့်တရုတ် နှစ်နိုင်ငံစလုံးတွင် နိုင်ငံလုံးဆိုင်ရာအားသစ်လောင်းမှုကို တိုးမြှင့်ရန် လေ့ကျင့်သင်ကြားပေးရေးတို့တွင် ဆောင်ရွက်ရန်ဖြစ်သည်ဟု ဇီက တိုက်တွန်းခဲ့သည်။ ထို့ပြင် အိန္ဒိယတွင် ရင်းနှီးမြှုပ်နှံရန် တရုတ်ကုမ္ပဏီများကို တိုက်တွန်းသွားမည်ဟုလည်း ဇီက ကတိပြုခဲ့သည်။

မိုဒီမှာ သောကြာနေ့တွင် တရုတ်ဝန်ကြီးချုပ် လီကီကွီယန်နှင့် ဘေဂျင်း၌ တွေ့ဆုံမည်ဖြစ်ပြီး၊ ရှန်ဟိုင်းတွင်လည်း စီးပွားရေးလုပ်ငန်းရှင်များနှင့် တွေ့ဆုံမည်ဖြစ်သည်။

Ref: Channelnewsasia