ဘူရန်ဒီစစ်တပ် ဒဏ်ရာရနေသည့် ဆန္ဒပြသူများကို ဆေးရုံထဲထိ ၀င်ရောက်ပစ်သတ်

မေ ၁၆၊ ၂၀၁၅
M-Media

– စစ်တပ်က အာဏာသိမ်းသည်ဟု ကြေညာပြီးနောက် ဖြစ်ပွားခဲ့သော ဆန္ဒပြမှုများတွင် ဒဏ်ရာရှိ၍ ဆေးရုံတက်နေရသူများအား ဘူရန်ဒီ ရဲတပ်ဖွဲ့က ၀င်ရောက်ရှာဖွေ ပစ်ခတ်သတ်ဖြတ်သွားသည်ဟု ဆရာဝန်တစ်ဦးက ပြောကြားလိုက်သည်။

မြို့တော် ဘူဂျမ်ဘူရာရှိ ဘူမီရက်ဆေးရုံမှ ဒေါက်တာ အန်တိုနီက ပြောကြားခဲ့ခြင်းဖြစ်ပြီး ယမန်နေ့က ဖြစ်ပွားခဲ့သည့် အဆိုပါ ၀င်ရောက်ပစ်ခတ်မှုတွင် အချို့လူနာများမှာ ဒဏ်ရာရရှိခဲ့သည်ဟု ပြောကြားခဲ့သည်။

အခြေခံဥပဒေနှင့်ဆန့်ကျင်ကာ သမ္မတအဖြစ် တတိယမြောက်သက်တမ်း တာဝန်ထမ်းဆောင်ရန် ကြိုးစားနေသည့် သမ္မတ ပီယာရီ အန်ကူရန်ဇီဇာ တန်ဇန်းနီးယားသို့ ရောက်ရှိနေချိန်တွင် ဘူရန်ဒီစစ်တပ်အကြီးအကဲက ၎င်းမှာ သမ္မတအား ဖြုတ်ချလိုက်ပြီဟု ကြေညာခဲ့သည်။

သို့သော်လည်း အဆိုပါ အာဏာသိမ်းမှုမှာ မအောင်မြင်ခဲ့ဘဲ ဆန္ဒပြမှုများ ဖြစ်ပေါ်ခဲ့ကာ ရဲတပ်ဖွဲ့က ပြင်းပြင်းထန်ထန်နှိမ်နင်းခဲ့သည်။ သမ္မတ အန်ကူရန်ဇီဇာမှာ ယမန်နေ့က နိုင်ငံသို့ ပြန်ရောက်လာခဲ့သည်။

“ကျွန်တော်တို့ လူနာသုံးယောက် လက်ခံခဲ့ပြီး သူတို့က အရေးပေါ်အခန်းထဲမှာ ရှိနေပါတယ်။ အဲဒီနောက်မှာ ရဲတစ်ဖွဲ့က ဒီကိုရောက်လာပြီး မြင်မြင်ရာ ပစ်တော့တာပါပဲ” ဟု အန်တိုနီက ပြောကြားခဲ့သည်။

Reuters သတင်းဌာနနှင့် အင်တာဗျူးတွင် ၎င်းက လူနာအချို့သေဆုံးခဲ့ပြီး လူတစ်ယောက်လည်း အသတ်ခံခဲ့ရကာ အခြားသူများမှာ ပြင်းပြင်းထန်ထန် ဒဏ်ရာရခဲ့သည်ဟု ပြောကြားခဲ့သည်။ ထို့ပြင် ဘူရန်ဒီရှိ ဆေးရုံများမှာ မည်သည့်အခြေအနေမျိုးတွင်မှ တိုက်ခိုက်ခံရခြင်း မရှိဘဲ ယခုအဖြစ်အပျက်က မိမိအား တုန်လှုပ်စေသည်ဟု ထည့်သွင်းပြောကြားခဲ့သည်။

Ref: Aljazeera