ဘာစီလိုနာ လာလီဂါ ချန်ပီယံဖြစ်ပြီ

မေ ၁၈၊ ၂၀၁၅
M-Media

– ယမန်နေ့က ကစားခဲ့သည့် အက်သလက်တီကိုမက်ဒရစ်နှင့်ပွဲတွင် အနိုင်ရခဲ့သော ဘာစီလိုနာမှာ နောက်ဆုံး ၇ ရာသီတွင် ၅ ကြိမ်မြောက် လာလီဂါချန်ပီယံ ဖြစ်ခဲ့ပြီဖြစ်သည်။

အက်သလက်တီကို၏ကွင်းတွင် ကစားခဲ့သည့် အဆိုပါပွဲတွင် ဘာကာမှာ အသေအချာ အာရုံစိုက်ကစားခဲ့ပြီး မက်ဆီ၏ ဒုတိယပိုင်း သွင်းဂိုးဖြင့် အနိုင်ရခဲ့ခြင်းဖြစ်ကာ ကစားရန် တစ်ပွဲကျန်နေသေးသော်လည်း ဒုတိယနေရာမှ ရီးယဲလ်ကို ၄ မှတ် ဖြတ်ထားနိုင်သောကြောင့် ချန်ပီယံဖြစ်ခဲ့ခြင်း ဖြစ်သည်။

အက်သလက်တီကိုမှာ ပြီးခဲ့သည့်နှစ်က ရာသီနောက်ဆုံးပွဲတွင် ဘာစီလိုနာ၏ နျူးကမ့်၌ ဘာကာအား သရေကစားကာ လာလီဂါဖလားကို ကိုင်မြှောက်ခွင့်ရခဲ့ပြီး ဘာကာက အက်သလက်တီကို အိမ်ကွင်းတွင် ပြန်လည် လက်စားချေနိုင်ခဲ့ခြင်းလည်း ဖြစ်သည်။

“ဒီနှစ်မှာ ကျွန်တော်တို့ဟာ လမ်းကြောင်းမှန်ပေါ်မှာ ရှိခဲ့တယ်။ ပထမဆုံးဖလားတော့ ပြီးသွားပါပြီ။ ကျွန်တော်တို့ အောင်ပွဲခံရပါမယ်။ ဘာ့ကြောင့်လည်းဆိုတော့ အသင်းအားလုံးနဲ့ကစားရပြီး တစ်သမတ်တည်းဖြစ်ရတာကြောင့် ဒါဟာ ရရှိဖို့ အခက်အခဲဆုံး ပြိုင်ပွဲတစ်ခုပါ” ဟု ဘာကာအသင်း၏ ကွင်းလယ်ဖန်တီးရှင် ဘက်စကွက်က ပြောကြားခဲ့သည်။

ဘာကာမှာ မေလ ၃၀ ရက်နေ့တွက် စပိန်ဘုရင့်ဖလား ဗိုလ်လုပွဲအဖြစ် ဘီဘာအိုအသင်းနှင့် ကစားရမည်ဖြစ်ပြီး မေလ ၆ ရက်နေ့တွင် ချန်ပီယံလိဂ် ဗိုလ်လုပွဲအဖြစ် ဂျူဗင်တပ်စ်အသင်းနှင့် ကစားရမည်ဖြစ်ကာ ဖလား ၃ လုံးအိပ်မက် မျှော်လင့်ချက်ရှိနေသည်။

Ref: Dailymail