အစ္စလာမ်အမည်ခံ အစွန်းရောက်အဖွဲ့များကို ရှုတ်ချဆန့်ကျင်သော ဓမ္မသတ်တစ်ခုကို ပါကစ္စတန် အိုလမာအစ္စလာမ့်ဓမ္မပညာရှင်များ ထုတ်ပြန်

မေ ၁၉၊ ၂၀၁၅
M-Media

– စစ်သွေးကြွအုပ်စုများကို ဆန့်ကျင်သည့် လှုပ်ရှားမှုအဖြစ် ပါကစ္စတန်မှ အစ္စလာမ့် ဓမ္မပညာရှင် ၂၀၀ ကျော်က အသေခံတိုက်ခိုက်မှုများအားလုံးမှာ အစ္စလာမ်နှင့် ဆန့်ကျင်သောလုပ်ရပ်ဖြစ်သည်ဟု ဖသ်ဝါ ဓမ္မသတ် ထုတ်ပြန်လိုက်သည်။

“ဒီလက်နက်ကိုင်အုပ်စုတွေကို တိုက်ဖျက်ဖို့ အစ္စလာမ်အစိုးရ (ပါကစ္စတန်အစိုးရဟာ) အောင်မြင်မှာ သေချာပါတယ်” ဟု လာဟိုးမြို့တွင် တနင်္ဂနွေနေ့က ကျင်းပပြုလုပ်ခဲ့သည့် အိုလမာအစ္စလာမ့် သာသာနာ့ပညာရှင်များ ညီလာခံတွင် ထုတ်ပြန်ခဲ့သော အဆိုပါ ဓမ္မသတ်တွင် ရေးသားဖော်ပြထားသည်။

IS၊ တာလီဘန်၊ အလ်ကိုင်းဒါး၊ ဘိုကိုဟရမ်နှင့် ဂျီဟဒ်အဖွဲ့ဟုခေါ်သော အခြားအဖွဲ့များအားလုံး၏ နောက်ကွယ်တွင်ရှိသော ခံယူချက်များမှာ လိမ်ညာလှည့်စားမှုသာ ဖြစ်သည်ဟု ညီလာခံသို့ တက်ရောက်လာသော ပညာရှင်များက ပြောကြားခဲ့သည်။

အဆိုပါဓမ္မသတ်ကို မောင်လာနာ ဇီယာအွလ် ဟက် နက်ရ်ှဘန်က မီဒီယာများသို့ ထုတ်ပြန်ခဲ့ပြီး အစ္စလာမ့်နှင်ဆန့်ကျင်သော လုပ်ရပ်များကို ဆောင်ရွက်နေသည့် အဆိုပါအုပ်စုများနှင့် ၎င်းတို့၏ အတွေးအခေါ်များမှာ အသိဥာဏ်နည်းပါးမှုနှင့် ပညာမဲ့မှုတို့အပေါ် အခြေခံသောကြောင့် အပြစ်အနာအဆာများ ရှိနေသည်ဟုလည်း ဓမ္မသတ်တွင် ဖော်ပြထားသည်။

အစ္စလာမ်ကပြောသည့် ဂျီဟဒ်မှာ မကောင်းမှုများ၊ မတရားမှုများနှင့် ဖိနှိပ်ချုပ်ချယ်မှုများကို ကိုယ်၊ နှုတ်၊ နှလုံး ၃ ပါးစလုံးဖြင့် ဆန့်ကျင်တွန်းလှန်ခြင်းကို ခေါ်ဝေါ်ခြင်းဖြစ်ပြီး အဆိုပါ မတရားမှု၊ ဖိနှိပ်ချုပ်ချယ်မှုများကို တွန်းလှန်းရာတွင် ငြိမ်းချမ်းသည့် နည်းလမ်းအားလုံးကို အသုံးပြု၍ ဆောင်ရွက်၍ မရတော့မှ အင်အားသုံးဖြေရှင်းမှုကို ချွင်းချက်အဖြစ် ခွင့်ပြုထားခြင်းဖြစ်သည်။ ထိုကဲ့သို့ အင်အားသုံး၍ ဖြေရှင်းရာတွင်လည်း မွတ်စလင်များ လိုက်နာရမည့် စည်းမျဉ်းစည်းကမ်းများကို အသေအချာ တင်းတင်းကျပ်ကျပ် ပြဌာန်းသတ်မှတ်ထားသည်။

တမန်တော်မြတ် မုဟမ္မဒ်သခင် (ငြိမ်းချမ်းမှုအပေါင်း သက်ရောက်ပါစေ)က မွတ်စလင်များအတွက် အကောင်းဆုံးသော ဂျီဟဒ်မှာ မိမိစိတ်နှလုံးအတွင်းရှိသည့် စိတ်ရိုင်းများအား ချိုးနှိမ်ခြင်းဖြစ်သည်ဟု မိန့်ကြားတော်မူခဲ့သည်။

လက်ရှိ ဂျီဟဒ်အဖွဲ့များမှာ ဂျီဟဒ်ကြေညာနိုင်သည့် အခြေအနေများကို ဂရုမစိုက်ဟုလည်း အဆိုပါ ဓမ္မသတ်တွင် ဖော်ပြထားသည်။ အိုလမာ သာသနာ့ပညာရှင်များမှာ ဂိုဏ်းကနတိုက်ခိုက်မှုများ ပြုလုပ်နေသည့် အဆိုပါ အဖွဲ့များကိုလည်း ရှုတ်ချခဲ့ပြီး စာရိတ္တပျက်ပြားခြင်းဟူသော အပြစ်ကို ကျူးလွန်သည်နေသူများဟု ထည့်သွင်းပြောကြားခဲ့သည်။

ထို့ပြင် ဂိုဏ်းကနအုပ်စုအမည်ဖြင့် သတ်ဖြတ်ခြင်းကို အစ္စလာမ်က ခွင့်ပြုထားခြင်းမရှိဟုလည်း ပြောကြားခဲ့သည်။

ထို့ပြင် မွတ်စလင်မဟုတ်သူများ၏ ၀တ်ပြုကိုးကွယ်ရာနေရာများကို ကာကွယ်ပေးရန်မှာ အစ္စလာမ့်နိုင်ငံများအတွက် မလုပ်မနေရ တာဝန်ဖြစ်သည်ဟုလည်း အဆိုပါ ဓမ္မသတ်တွင် ထည့်သွင်းဖော်ပြခဲ့ပြီး ပိုလီယိုကာကွယ်ဆေးထိုးခြင်းကို ဆန့်ကျင်ခြင်းသောသူများမှာ လမ်းလွဲနေသူများဟု သမုတ်ခဲ့သည်။

“အမျိုးသမီးကျန်းမာရေးဝန်ထမ်းတွေကို သတ်ဖြတ်တာဟာ အဆိုးဝါးဆုံး ရာဇ၀တ်မှုတွေပါပဲ”

ညီလာခံသို့ တက်ရောက်လာသည့် အိုလမာ သာသနာ့ပညာရှင်များမှာ မေလ ၂၂ ရက်နေ့ကို အကြမ်းဖက်ဝါဒနှင့် အစွန်းရောက်ဝါဒကို ဆန့်ကျင်သော “ငြိမ်းချမ်းရေးနှင့် မေတ္တာတရားမျှဝေရာနေ့” အဖြစ် သတ်မှတ်ခဲ့ပြီး ထိုနေ့တွင် နိုင်ငံတစ်ဝှမ်းရှိ ဗလီဝတ်ကျောင်းတော်ပေါင်း လေးသိန်းခန့်တွင် တရားမဲ့သတ်ဖြတ်မှုများကို ဆန့်ကျင်သည့် ဒေသနာတော်များကို ဟောကြားသွားမည်ဟု မောင်လာနာ နက်ရ်ှဘန်ဒီက ထည့်သွင်းပြောကြားခဲ့သည်။

ပုံဖျက်ဝါဒဖြန့်မှုကို တုန့်ပြန်မည်

တာလီဘန်နှင့် IS ကဲ့သို့သော အစွန်းရောက်အဖွဲ့စည်းများက အစ္စလာမ့်သွန်သင်ချက်များအား ပုံဖျက်ဝါဒဖြန့်မှုကို တုန့်ပြန်မည့် အိုလမာဘုတ်အဖွဲ့ကို ဖွဲ့စည်းမည်ဟု နက်ရ်ှဘန်ဒီက ပြောကြားခဲ့သည်။

ထို့ပြင် “အကြမ်းဖက်ဝါဒ ရှင်းလင်းရေးနှင့် တိုင်းပြည်ကာကွယ်ရေး” ဟု မည်ပေးထားသည့် အစီအစဉ်တစ်ခုကိုလည်း ပါကစ္စတန် အိုလမာ သာသနာ့ပညာရှင်များက ဆောင်ရွက်သွားမည်ဖြစ်သည်။

IS အပါအ၀င် အစ္စလာမ်အမည်ခံ အစွန်းရောက်အကြမ်းဖက်အဖွဲ့များကို အစ္စလာမ့်အချက်အချာဖြစ်သော ဆော်ဒီ၊ အစ္စလာမ်ဓမ္မပညာရေးတွင် ထိပ်တန်းတက္ကသိုလ်ဖြစ်သည့် အီဂျစ်မှ အလ်အဇ်ဟာရ်၊ ကမ္ဘာပေါ်တွင် အစ္စလာမ်ဘာသာဝင်အများစုရှိရာ နိုင်ငံများဖြစ်သော အင်ဒိုနီးရှား၊ အိန္ဒိယ နိုင်ငံတို့အပါအ၀င် ကမ္ဘာတစ်ဝှမ်းရှိ မွတ်စလင်နိုင်ငံများ၊ အစ္စလာမ့်အဖွဲ့အစည်းများက ပြင်းပြင်းထန်ထန် ကန့်ကွက်ရှုတ်ချခဲ့ကြသည်။

Ref: Onislam