အိန္ဒိယနိုင်ငံ ဘီဟာရ်ရှိ ကမ္ဘာ့အကြီးဆုံး ဟိန္ဒူဘုရားကျောင်း အတွက် မွတ်စ်လင်မ်တို့မှ မြေလှူဒါန်း

မေ ၂၁ ၊ ၂၀၁၅
M-Media
.
လူပေါင်း နှစ်သောင်းကျော်ဝင်ဆန့်သည့် ကမ္ဘာ့အကြီးမားဆုံး ဟိန္ဒူဘုရားကျောင်း တည်ဆောက်ရန် အိန္ဒိယနိုင်ငံ ဘီဟာရ်နယ်ရှိ မွတ်စ်လင်မ်တို့သည် လူ့အဖွဲ့အစည်း အချင်းချင်း သဟဇာတဖြစ်မှု၏ ပြယုဂ်အဖြစ် မြေကွက်များကိုလှူဒါန်းခဲ့သည်။
.
“ကမ္ဘာ့အကြီးဆုံး ဟိန္ဒူဘုရားကျောင်း တည်ဆောက်ရေး အတွက် မွတ်စ်လင်မ်တွေက မြေကွက်ကို လှူဒါန်းပေးခြင်း တင်မကပါဘူး၊ ဆောက်လုပ်မှု ကုန်ကျစရိတ် သက်သာဖို့ မြေ၀ယ်ယူရေးမှာလည်း တတပ်တအားကူညီခဲ့ကြပါတယ်။ သူတို့သာ မကူညီရင် ဒီအိပ်မက် စီမံကိန်းကြီး လက်တွေ့ဖြစ်လာဖို့ ခက်ခဲနေဦးမှာပါ” ဟု Patna-based cash-rich Mahavir Mandir ဂေါပက အတွင်းရေးမှူး ရဲအရာရှိဟောင်း Acharya Kishore Kunal မှပြောကြားသည်။
.
ပြည်နယ်မြို့တော်မှ ၁၅၀ ကီလိုမီတာအကွာ အရှေ့ပိုင်း ချမ်ပရာန်ခရိုင်ရှိ Janki Nagar ၌ ဆောက်လုပ်ရေးလုပ်ငန်းစဉ်ကို ဇွန်လအတွင်း စတင်မည်ဖြစ်ပြီး ရူပီး သန်း ၅၀၀ ကုန်ကျမည်ဖြစ်သည်။ ပေ ၂၅၀၀ ရှည်လျား၍ ၁၂၉၆ ပေကျယ်ဝန်းသော ၎င်းဘုရားကျောင်းအား မွန်ဘိုင်းအခြေစိုက် Valecha ကုမ္ပဏီမှ တာဝန်ယူတည်ဆောက်မည်ဖြစ်ကြောင်း သိရသည်။
.
“ဘုရားကျောင်းအတွက် မြေလှူဒါန်းခြင်းဟာ ဟိန္ဒူများအဖို့ မထူးဆန်းပေမယ့် မွတ်စ်လင်မ်တွေ လှူဒါန်းတာကတော့ ထူးခြား လှပါတယ်။ ကောင်းမှုကိစ္စမှာ ပူးပေါင်း ပါဝင်တတ်တဲ့ မွတ်စ်လင်မ်တွေကို သြဘာပေးသင့်ပါတယ်။ ဘုရားကျောင်းရဲ့အဆိုပြုမြေနေရာပေါ်မှာ မွတ်စ်လင်မ်မိသားစု ၃ ဒါဇင်အထက်ရှိနေပြီး အချို့မွတ်စ်လင်မ် မိသားစုတွေက စီမံကိန်းဆက်စပ် လမ်းကြောတစ်လျှောက်မြေတွေကို ပိုင်ဆိုင်ထားကြတယ်။ သူတို့ထဲက အချို့သူတွေက မြေကိုလှူဒါန်းတယ်။ အချို့ကျတော့ အဲ့ဒီဆက်စပ်မြေကွက် ၀ယ်ယူရေးမှာ ပံ့ပိုးကူညီခဲ့ကြတယ်လေ။ သူတို့ရဲ့ပါဝင်ကူညီမှု မရှိခဲ့ရင် ဘုရားကျောင်း စီမံကိန်း နှောင့်နှေးနေဦးမှာ မလွဲဘူးဗျာ”။
.
အဆိုပါ Virat Ramayan Mandir ဘုရားကျောင်းသည် ကမ္ဘောဒီးယားနိုင်ငံရှိ ၂၁၅ ပေမြင့်မားသော ၁၂ ရာစုလက်ရာ ကမ္ဘာ့ရှေးဟောင်း အမွေအနှစ် စာရင်းဝင် နာမည်ကြီး အန်ကောဝပ် ဘုရားကျောင်းထက် မြင့်မားလိမ့်မည်ဖြစ်သည်။
.
တာဝန်ခံဂေါပကအဖွဲ့အနေနှင့် မြေနေရာ ၂၀၀ ဧက ရရှိထားပြီဖြစ်သည်။ ဟိန္ဒူနှင့် မွတ်စ်လင်မ်တို့၏မြေလှူဒါန်းမှုမှာ ဧက ၅၀ ဖြစ်ပြီး ကျန်သည်များကို လိုက်လံ ၀ယ်ယူခဲ့သည်။ နီပေါနယ်စပ်နှင့် ကပ်နေသဖြင့် ငလျင် ဒဏ်ခံနိုင်အောင် ဆောက်လုပ်သွားမည်ဟု ဆိုသည်။
.
Ref : Hindustan Times