နိုင်ငံတကာ သတင်းတို (မေ ၂၂၊ ၂၀၁၅)

မေ ၂၂၊ ၂၀၁၅
M-Media

ခါးပိုက်နှိုက်တွေကြောင့် အီဖယ်မျှော်စင် ပိတ်ထားရ
………………………….
ပြင်သစ်နိုင်ငံရှိ နာမည်ကြီး အီဖယ်မျှော်စင်တစ်ဝိုက်တွင် ခါးပိုက်နှိုက်များ များပြားလာခြင်းအတွက် အလုပ်သမားများက ဆန္ဒပြသောကြောင့် အီဖယ်မျှော်စင်ကြီးကို ယနေ့တွင် ပိတ်ထားခဲ့ရသည်။ ပဲရစ်အာဏာပိုင်များကမူ ရဲတပ်ဖွဲ့များကင်းလှည့်ခြင်း၊ လုံခြုံရေးကင်မရာများ တပ်ထားခြင်းတို့ကြောင့် ခါးပိုက်နှိုက်မှု လျော့ကျခဲ့သည်ဟု ယမန်နေ့ကပင် ပြောကြားခဲ့သည်။ ၂၀၁၂ ခုနှစ်ကလည်း ထိုပြဿနာကြောင့်ပင် အီဖယ်မျှော်စင်တစ်ဝိုက် ဆန္ဒပြမှုများ ဖြစ်ပွားခဲ့သည်။

ဆီးရီးယားတွင် အမေရိကန်တိုက်ခိုက်မှု ကလေး ၂ ဦးသေဆုံး
………………………….
ပြီးခဲ့သည့်နှစ်က ဆီးရီးယားရှိ IS အဖွဲ့များကို လေကြောင်းမှတိုက်ခိုက်မှုအတွင်း ကလေးငယ် ၂ ဦးသေဆုံးခဲ့ကြောင်း စုံစမ်းသိရှိရပြီး ထိုအတွက် အလွန်အမင်း ၀မ်းနည်းမိသည်ဟု အမေရိကန်က ယမန်နေ့တွင် ပြောကြားလိုက်သည်။ ထိုသို့ထုတ်ပြန်မှုမှာ စစ်ပွဲအတွင်း အရပ်သားများ ထိခိုက်သေဆုံးရခြင်းအတွက် အမေရိကန်၏ ပထမဆုံး ၀န်ခံမှုလည်းဖြစ်သည်။

ဖမ်းဆီးခံ နိုင်ငံသားနှစ်ဦးကို ရုရှားကယ်တင်မယ်
………………………..
ယူကရိန်းမှ ဖမ်းဆီးထားသည့် နိုင်ငံသား ၂ ဦး လွတ်မြောက်ရေး လိုအပ်သောလုပ်ငန်းများကို ဆောင်ရွက်နေသည်ဟု ရုရှားက ပြောကြားလိုက်သည်။ ယခုသီတင်းပတ်အစောပိုင်းက ဖမ်းဆီးရမိခဲ့သည့် ၎င်းတို့နှစ်ဦးမှာ ရုရှားစစ်သားများဖြစ်သည်ဟု ယူကရိန်းက ပြောဆိုထားပြီး ဖမ်းဆီးခံထားရသူ ၂ ဦးကလည်း ၎င်းတို့မှာ ယူကရိန်းသို့ စစ်ရေးတာဝန်ဖြင့် ရောက်ရှိနေခြင်းဖြစ်သည်ဟု ယနေ့တွင် ယူကရိန်းသတင်းစာသို့ ပြောကြားခဲ့သည်။ သို့သော်လည်း ရုရှားကမူ အဆိုပါ ၂ ဦးမှာ ၎င်းတို့၏ ကိုယ်ပိုင်ကိစ္စဖြင့် သွားရောက်ခြင်းဖြစ်သည်ဟု ပြောကြားထားသည်။

Ref: News Agencies