အာကာသရောက် ကမ္ဘာ့ပထမဆုံး မွတ်စ်လင်မ်အမျိုးသမီး အန်နုရှားဟ် အန်ဆွာရီ

မေ ၂၁ ၊ ၂၀၁၅
M-Media

ကလေးအရွယ်က ကြယ်တာရာများအကြား လမ်းလျှောက်ခြင်းကို အိပ်မက်မက်ခဲ့သူ အီရန်နွယ် အမေရိကန်မိန်းကလေးငယ်သည် ယခုအခါ စွန့်ဦးတီထွင် နည်းပညာလုပ်ငန်းရှင် တစ်ဦးဖြစ်လာပြီး အာကာသခရီးစဉ် တစ်ရပ်ဖြင့် သူမ၏အိပ်မက်ကို အကောင်အထည်ဖော်ခဲ့လေပြီ။

လွန်ခဲ့သော ၈ နှစ်က အန်နုရှားဟ် အန်ဆွာရီသည် ပထမဆုံး အာကာသခရီးသွားသူဖြစ်လာခြင်းကြောင့် သတင်းခေါင်းကြီးပိုင်းတွင် ဖော်ပြခံရသည်။ သူမ၏အသက် ၄၀နှစ်ပြည့်မြောက်ပြီး ရက် အနည်းငယ်အကြာ ၂၀၀၆ ခုနှစ်၊ စက်တင်ဘာ ၁၈ရက်တွင် သူမသည် နိုင်ငံတကာ အာကာသစခန်းသို့ ရုရှားအာကာသယာဉ် Soyuz TMA-9 ဖြင့်သွားသော ၈ ရက်တာ အာကာသလေ့လာရေး ခရီးစဉ်၏ အဖွဲ့ဝင်သုံးဦးအနက် ပါဝင်ခဲ့သည်။ အန်နုရှားဟ်ကို ဂျပန်မှ သီးသန့်အာကာသခရီးသည် ဒိုင်ဆူကဲ အီနိုမိုတို အတွက် အရံလူ အဖြစ် သင်တန်း တက်ရောက်ရန် ဖိတ်ကြားထားခဲ့ပြီးဖြစ်၏။ နောက်ဆုံးတွင် ထိုသူသည် ဆေးစစ်ချက် ကျရှုံးသဖြင့် အန်နုရှားဟ်မှ အဖွဲ့သားထဲ ပါဝင်နိုင်ခဲ့သည်။

သူမသည် ပညာတတ် ပါရမီရှင် မွတ်စ်လင်မ် အမျိုးသမီးတစ်ဦးအဖြစ် ကမ္ဘာ့ အသိအမှတ်ပြုသူ စာရင်းတွင် ပါဝင်နေပြီး သူမ၏ အတွေ့အကြုံအား သူတစ်ပါးတို့ထံ ပြန်လည်ဝေမျှပေးနေသူဖြစ်သည်။ သူမ၏ထင်ရှားသောခရီးစဉ်က သူမ၏အီရန်လူမျိုးများသာမက ကမ္ဘာတစ်ဝှန်းရှိ ပရိသတ်ကြီးငယ် အပေါင်းကို ဖမ်းစားနိုင်ခဲ့သည်။ ခရီးစဉ်အတွင်း စာရေးသားလိုက်ရာ နိုင်ငံတကာ အာကာသစခန်းမှ ပထမဆုံး ဘလော့ဂ်ရေးတင်သူ ဖြစ်ခဲ့၍ သူမ၏၀က်ဘ်ဆိုဒ်ပေါ် ပရိသတ်တို့၏ အားပေးချီးကျူးခြင်း မှတ်ချက်များ တဖွဲဖွဲဝင်ရောက်လာခဲ့သည်။

“ ဟဲလို ….. ကမ္ဘာကြီးရေ။ ဒီစာကို ဘယ်သူ ဖတ်ရှုနေမယ်ဆိုတာ ကျွန်မ မသိပါဘူး။ ဖတ်ရှုသူဟာ ကျွန်မ ဘယ်သူဆိုတာ စပ်စုချင်တဲ့ ချာတိတ်မလေး တစ်ယောက် ဖြစ်ကောင်းဖြစ်နေပါလိမ့်မယ်။ သတင်းစာမျက်နှာပေါ်က ကျွန်မရဲ့ပုံကို နှစ်သက်သူ လူရွယ်လေး တစ်ယောက်လည်း ဖြစ်နေနိုင်ပါတယ်။ အာကာသဟင်းလင်းပြင်ထဲ ပျံသန်းခြင်းကို ထာဝစဉ်အိပ်မက်မက်နေပြီး အိပ်မက် အကောင်အထည်ပေါ်လို့ ဖြစ်ပေါ်လာတဲ့ခံစားချက်ကို သိချင်နေသူတစ်ဦးလည်း ဖြစ်ချင်ဖြစ်နေမယ်လေ” ဟု သူမက ရေးသားခဲ့သည်။

ခရီးမစတင်မှီ ကြိုတင်ဆေးဝါးကုသမှု ခံယူခြင်း၊ နိုင်ငံတကာ အာကာသစခန်း ISS ၌ ရှိနေစဉ်အချိန်နှင့် နောက်ပိုင်းကာလအတွင်း သူမ၏ အာကာသခရီးစဉ် အတွေ့အကြုံများကို အန်နုရှားဟ်သည် သူမ၏ဘလော့ဂ်၌ ၂၀၀၆ ခုနှစ်၊ စက်တင်ဘာ ၉ ရက်မှ အောက်တိုဘာ ၂၃ ရက်အထိ မနားတမ်းဆက်တိုက်ပင် အသေးစိပ်ရေးသားဖော်ပြခဲ့သည်။ လက်ခံချီးမွှမ်းမှုများ၊ မီဒီယာ၏ အလေးထားမှုများ ရရှိခဲ့ပြီး ဤထူးခြားခရီးစဉ်အတွင်း ကဏ္ဍအချို့နှင့်ပတ်သက်၍ သူမ၏အတွေ့အကြုံများကို ထုတ်ဖော်ရန် မီဒီယာများမှ တွန်းအားပေးခြင်း ခံရသည်။

“ဒါက ကျွန်မဘ၀မှာ ပထမဆုံးရေးဖူးတဲ့ ဘလော့ဂ်ဖြစ်ပါတယ်။ ကျွန်မက ခပ်လျှိုလျှိုနေလေ့ရှိသူပါ။ ဒါပေမယ့်လည်း ကျွန်မဘ၀ရဲ့(ဒီ)ဖြစ်စဉ် အတွေ့အကြုံကို ပြင်ပလူအားလုံးဆီ ဝေမျှပေးအပ်တယ်လို့ ခံစားမိခဲ့လို့ ရေးသား ထုတ်ဖော်ခြင်းသာဖြစ်ပါတယ်”။

အလွန်ထူးခြားထင်ရှားသူ အမျိုးသမီးတို့၏ဇာတ်လမ်း အတိုင်းပင် သူမ၏အာကာသ ခရီးစဉ်သည်လည်း အငြင်းပွားစရာ လုံးလုံးလျားလျား ကင်းလွတ်သည်မရှိခဲ့ပါ။ မီဒီယာနှင့်လူထုအတွင်း လူများစွာအတွက် သူမသည် သူရဲကောင်းတစ်ဦး၊ စွမ်းဆောင်ရည်မြင့်ပါရမီရှင် အမျိုးသမီးအခန်းကဏ္ဍ၌ အားကျခံရသူ တစ်ဦးဖြစ်ခဲ့သည်။ သို့သော်လည်း အခြားတစ်ဖက်၌မူ သူမကို အီရန်နွယ်ဖွားအမေရိကန်သူ သူကြွယ်မတစ်ဦးမှ ငွေဖြုန်းတီးခြင်းဟု မြင်ကြသည်။ သူမသည် အာကာသခရီးစဉ် အတွင်းလိုက်ပါရန် အမေရိကန်ဒေါ်လာ သန်း ၂၀ ပေးခဲ့ရသည်ဟု ခန့်မှန်းကြသည်။ ထိုငွေများကို ကမ္ဘာ့စားနပ်ရိက္ခာပြဿနာ ဖြေရှင်းရေး ကိစ္စများတွင် အသုံးပြုပါက ပိုကောင်းကြောင်း အချို့က ဝေဖန်သုံးသပ်သည်။ ဘလော့ဂ်ထဲတွင် ဝေဖန်ချက်များ အပေါ် သူမက ကြောင်းကျိုးကျကျ တည်ငြိမ်ရိုးစင်းစွာ တုံ့ပြန်ခဲ့ပြီး၊ မိမိ၏ ကိုယ်ပိုင်ချွေးနှဲစာကို မိမိ(စိတ်ကြိုက်)သုံးနိုင်သည့် အခွင့်အရေးရှိသည်ဟု ထင်မြင်ကြောင်းလည်း ဆိုခဲ့သည်။

“ကျွန်မရဲ့ငွေတွေ ဘယ်ကရောက်လာသလဲ၊ စွန့်စားမှုတစ်ပုံတစ်ပင်နဲ့အတူ ကျွန်မ၊ ကျွန်မမိသားစုဝင်တွေရဲ့ ပေးဆပ်မှု များစွာအပေါ် ပြင်းပြင်းထန်ထန်အလုပ်ကြိုးစားမှုက ရရှိလာတာပါ။ မိမိရဲ့ချွေးနှဲစာကို မိမိကိုယ်တိုင်အသုံးပြုဖို့ ဆုံးဖြတ်နိုင်ခွင့် မရှိတော့ဘူးလား ? ရှိရမယ်လို့ ကျွန်မထင်ပါတယ်။ (ဒီလိုလုပ်ခြင်းက) ကမ္ဘာ့ဒုက္ခသည်အားလုံးကို ဂရုမစိုက်ဘဲ တစ်ကိုယ်ကောင်းဆန်ရာ ရောက်နေလို့လား ?  ဒါဆိုရင်တော့ ကျွန်မ အကြောင်းကို ပိုသိအောင်လုပ်ပြီးမှ ဆုံးဖြတ်ဖို့လိုအပ်ပြီလို့သာ ကျွန်မ ဆိုရပါလိမ့်မယ်။ ဒါ့အပြင် ကျွန်မ စဉ်းစားမိပါသေးတယ်။ ငတ်မွတ်နေတဲ့လူများစွာဟာ စားရေရိက္ခာ မရှိလို့ သို့မဟုတ် အခြားနိုင်ငံများရဲ့အကူအညီ မရှိလို့ ဆိုတာကြောင့် မဟုတ်ဘူး။ စင်စစ်မှာက ငတ်မွတ်နေတဲ့ အဲ့ဒီကလေးငယ်တွေရဲ့လက်ထဲ စားရေရိက္ခာတွေ ထိထိရောက်ရောက် နည်းမှန်လမ်းမှန် မရောက်ရှိနိုင်လို့ပဲဖြစ်ပါတယ်”။

အာကာသခရီးသွားမည့်နောက်ဆုံးအဆင့်တွင် သူမ၏၀က်ဘ်ဆိုဒ်နှင့်ဘလော့ဂ်ပေါ် လူထု၏ထောက်ခံ အကြောင်းကြားစာများ ရေးတင်ခြင်း၊ သူမ၏စွမ်းဆောင်ရည် အတွက် လူထုစုရုံး ဂုဏ်ပြုခြင်းတို့ကို အီရန်နိုင်ငံပိုင်မီဒီယာမှ တခမ်းတနား ဖော်ပြခဲ့ကြောင်း New York Times ၏အဆိုအရ သိရသည်။

သူမ၏ ၂၀၀၆ ခုနှစ် ISS အလည်အပတ် ခရီးစဉ်အပေါ် အများ၏ဦးစားပေးမှုကို စဉ်ဆက်မပြတ် ရရှိခဲ့၏။ သူမသည် အာကာသရောက် ပထမဆုံးမွတ်စ်လင်မ်အမျိုးသမီး၊ ပထမဆုံး အီရန် အမျိုးသမီးသာမက တစ်သီးပုဂ္ဂလအာကာသစူးစမ်းလေ့လာသူ အမျိုးသမီးတစ်ဦးလည်း ဖြစ်သည်။ သို့တစေ သူမ၏ ၀က်ဘ်ဆိုဒ်၌ မွတ်စ်လင်မ် အမျိုးသမီးဖြစ်ခြင်းအကြောင်းကို မဆိုစလောက်သာ ဖော်ပြခဲ့သည်။ သူမ၏ယနေ့ဘ၀ကို အီရန်အမျိုးသမီးဖြစ်ခြင်း၏ ပုံရိပ်လွှမ်းမိုးမှု မည်သို့ရှိသနည်းဟု မေးမြန်းရာ သူမသည် သူမ၏ကျောထောက်နောက်ခံ ယဉ်ကျေးမှုကိုလည်းကောင်း၊ ဘ၀ရေးရာပေါ်သက်ရောက်သည့် ဘာသာရေး အခန်းကဏ္ဍကိုလည်းကောင်း မဖော်ပြဘဲ ဖြေကြားသွားခဲ့သည်။

“ကျွန်မက အီရန်နိုင်ငံဖွား အမေရိကန်နိုင်ငံသူ တစ်ဦးပါ။ နိုင်ငံနှစ်ခုစလုံးက ကျွန်မဘ၀ရဲ့ အစိတ်အပိုင်းဖြစ်ပါတယ်။ ကျွန်မရဲ့ခြေကုပ်က အီရန်ဖြစ်ပြီး၊ အီရန်မှာ မရရှိခဲ့ဖူးတဲ့ အခွင့်အလမ်းကို အမေရိကန်နိုင်ငံက ပေးခဲ့တာပါ။ အဲ့ဒီအခွင့်အလမ်းနဲ့ ကျွန်မရဲ့အိပ်မက် ပုံပေါ်လာခဲ့ရပါတယ်။ အလားတူစွာပဲ ကျွန်မရဲ့အီရန် အမွေအနှစ်ဟာ ကျွန်မ ဦးတည်စူးစိုက်ရမယ့် ပညာရေးအမြင်နဲ့ အားကောင်းတဲ့လုပ်ငန်းပိုင်း ကျင့်ဝတ်တွေကို ကျွန်မရဲ့နေ့စဉ်ဘ၀ထဲ စိမ့်ဝင်စေခဲ့ပါတယ်”။

စာရေးဆရာ Homer Hickman နှင့်အတူရေးသားသော သူမ၏စာအုပ် “My Dream of Stars: From Daughter of Iran to Space Pioneer”ကို ၂၀၁၀ ခုနှစ်ကထုတ်ဝေခဲ့သည်။ ၎င်း၌ သူမ၏မွေးရပ်မြေ အီရန်နိုင်ငံ၊ မရှဒ် Mashad မှသည် ISS သို့လွှတ်တင်ထွက်ခွာရာ ကာဇက်စတန်၊ ဘိုင်ကိုနူးရ်အထိ ခရီးစဉ်ကို နှစ်လိုစဖွယ်အမှတ်တရရေးဖွဲ့ထားသည်။

သူမ၏ ကလေးဘ၀အိပ်မက်က သူမအား ခိုင်မာသောပညာရေးတစ်ရပ်ထံ တွန်းပို့ပေးခဲ့သည်။ သို့နှင့် George Mason တက္ကသိုလ်မှ အီလက်ထရောနစ်နှင့် ကွန်ပျူတာအင်ဂျင်နီယာသိပ္ပံဘွဲ့ကိုလည်းကောင်း၊ George Washington တက္ကသိုလ်မှ လျှပ်စစ်အင်ဂျင်နီယာ ဘွဲ့လွန်ကိုလည်းကောင်း ရရှိထားသည်။ စွန့်ဦးတီထွင်တတ်သည့်စိတ်ဓာတ်နှင့် တွဲမိလေသောအခါ သူမ၏နောက်ခံပညာရေးက သူမ၏ အာကာသခရီးစဉ် အိပ်မက်အား ဖြည့်စွမ်းမည့်လမ်းကြောင်းကို ပေးခဲ့လေသည်။

သို့ဖြစ်ရာ သူမနှင့် သူမ၏ခင်ပွန်း ဟာမစ်ဒ် တို့သည် တို့၏အောင်မြင်သောလုပ်ငန်းလမ်းကြောင်းများအပေါ်မှ သီးခြားနည်းပညာ လုပ်ငန်းစုကြီးနှစ်ရပ်ကို တည်ထောင်နိုင်ခဲ့ကြောင်း နားလည်မည်ဆိုလျှင် ထူးဆန်းအံ့ဖွယ်ဖြစ်နေလိမ့်မည် မဟုတ်ပါလေ။ သူမ၏အာကာသခရီးစဉ်သည် Prodea System နည်းပညာလက်လီရောင်းဝယ်ကုမ္ပဏီ စတင်ခြင်းနှင့် တိုက်ဆိုင်သွားပြီး လက်ရှိအချိန်ထိ သူမသည် ယင်းကုမ္ပဏီ၏ တွဲဖက်တည်ထောင်သူ၊ စီအီးအိုနှင့် ဥက္ကဋ္ဌအဖြစ် တာဝန်ထမ်းဆောင်လျက်ရှိသည်။

အန်နုရှားဟ်မှာ “ပထမဆုံးတစ်သီးပုဂ္ဂလ အာကာသ စူးစမ်းလေ့လာသူနှင့် အာကာသသံတမန် အမျိုးသမီး” အဖြစ် အမည်တွင် ထင်ရှားသော်လည်း (မွတ်စ်လင်မ်မဟုတ်သူများ အပါအ၀င်) အမျိုးသမီးငယ်တိုင်းက သူမအား “မဖြစ်နိုင်သည်ကို အိပ်မက်၍ ဖော်ဆောင်ခြင်း” အတွက် လေးစားအားကျ ချစ်ခင်လျက်ရှိသည်။ ဤသည်မှာ ကိုယ်ပိုင်ပုံဟန်ဖြင့် အောင်မြင်ခဲ့သူများနောက် ဖ၀ါးခြေထပ်လိုက်နာခြင်းထက် မိမိဖာသာ အပတ်တကုတ် ထိုးဖောက်အောင်မြင်ခြင်းကို လူထုမှ ပို၍နှစ်သက်ကျေနပ်ကြခြင်းဖြစ်သည်။ သို့အားဖြင့် သူမသည် သန်းပေါင်းများစွာသော အမျိုးသမီးငယ်တို့အား ယင်းသို့ပြုလုပ်စေရန် မျိုးစေ့ချပေးနိုင်ခဲ့သည်။

“ကျွန်မဟာ စံပြရုပ်လုံးဖြစ်လာဖို့ သို့မဟုတ် အဲ့ဒီလိုပုံဖော်ခံရဖို့ကို မနှစ်သက်ပါဘူး။ ကျွန်မက တစ်မူထူးခြားနေသူ မဟုတ်ပါဘူး။ လူတွေအားလုံးဆီမှာရော ကျွန်မဆီမှာပါ ရှိနေကြတဲ့ ရောင်စဉ်အလင်းကို ကျွန်မ ရှာဖွေတွေ့ရှိသွားခြင်းနဲ့ အဲ့ဒီအရာကနေ အင်အားရရှိသွားခြင်းသာဖြစ်ပါတယ်။ လူတွေရဲ့နှလုံးသားနဲ့ စိတ်ဝိညာဉ်တွေကို ဖွင့်လှစ်တဲ့သော့တံတစ်ချောင်း ရှာဖွေတွေ့ရှိသွားတာမျိုးပေါ့၊ ခုဆိုရင် ရှင်တို့ဟာ အဇ္ဈတ္တထဲ အရောက်လှမ်းပြီး အဲ့ဒီနေရာကနေ ခွန်အားကို ရယူနိုင်ပြီလေ”။

xxxxxxxxxxxxxx
Ref : Celebrating the first Muslimah in space, Anousheh Ansari ; ………….
မြန်မာပြန် – မင်းထွဋ်ခေါင်