ဂွာတီမာလာတွင် အသက် ၁၆ နှစ်အရွယ် အမျိုးသမီးငယ်ကို လူအုပ်ကြီးက အရှင်လတ်လတ် မီးရှို့သတ်ဖြတ်

မေ ၂၃၊ ၂၀၁၅
M-Media

– ဆိုင်ကယ်တက္ကဆီသမားကို သတ်ဖြတ်ခဲ့သည့်အဖွဲ့နှင့် ပတ်သက်သည်ဟုဆိုကာ ဂွါတီမာလာတွင် အသက် ၁၆ နှစ်အရွယ် အမျိုးသမီးငယ်အား လူအုပ်ကြီးက အရှင်လတ်လတ် မီးရှို့သတ်ဖြတ်ခဲ့သည်ဟု သိရသည်။

မြို့တော် ဂွါတီမာလာစီးတီးနှင့် ၇၇ မိုင်အကွာ ရီယို ဘရာဗိုရွာတွင် ဖြစ်ပွားခဲ့ခြင်းဖြစ်ပြီး အမည်မသိ အဆိုပါ အမျိုးသမီးငယ်အား လူအုပ်ကြီးက ၀ိုင်း၍ ရိုက်နှက်ကန်ကျောက်ကာ မီးရှို့သည့် ၃၈ စက္ကန့်ကြာ ဗီဒီယိုမှာလည်း ဆိုရှယ်မီဒီယာများတွင် တစ်မဟုတ်ချင်း ပြန့်နှံသွားခဲ့သည်။

ထိုအမျိုးသမီးငယ်မှာ အခြားလူငယ်အမျိုးသား ၂ ဦးနှင့်အတူ အသက် ၆၈ နှစ်အရွယ် ဆိုင်ကယ်တက္ကဆီသမား ကားလို့စ် အန်းရစ် ဂွန်ဇာလက်ဆိုသူကို ဓားပြတိုက်ပြီးနောက် သေနတ်ဖြင့်ပစ်ကာ ထွက်ပြေးသွားသည်ဟူသော စွပ်စွဲချက်ဖြင့် ထိုကဲ့သို့ သတ်ဖြတ်ခံခဲ့ရခြင်း
ဖြစ်သည်။

လူငယ်အမျိုးသား ၂ ဦးမှာ လမ်းကြိုလမ်းကြားများမှ ထွက်ပြေးလွတ်မြောက်သွားပြီး ထိုအမျိုးသမီးငယ်မှာ လမ်းမှားကာ လူအုပ်ကြီး၏ လက်တွင်းသို့ ကျရောက်ခဲ့ခြင်းဖြစ်သည်။

ဗီဒီယို၌ မျက်နှာတွင် သွေးများကျနေကာ မူးဝေပြီး ဒယိမ်းဒယိုင်ဖြစ်နေသည့် ထိုအမျိုးသမီးငယ်ကို လူအုပ်ကြီးက ၀ိုင်းထားသည်ကို တွေ့ရှိခဲ့ရသည်။ လူအုပ်ကြီးမှာ ပြင်းပြင်းထန်ထန် ရိုက်နှက်ကန်ကျောက်ပြီးနောက် လဲကျနေသည့် ထိုအမျိုးသမီးအပေါ်သို့ ဓာတ်ဆီလောင်းချခဲ့ပြီး မီးရှို့ခဲ့ကြသည်။ မိန်းကလေးငယ်မှာ နာကျင်မှုကြောင့် ပြင်းပြင်းထန်ထန်အော်ဟစ်ကာ လူအုပ်ကြီးကလည်း သေသည်အထိ ၀ိုင်း၍ ကြည့်နေကြသည်။

ရဲတပ်ဖွဲ့မှ ပြောရေးဆိုခွင့်ရှိသူတစ်ဦးကမူ မိမိတို့အနေဖြင့် ဖြန်ဖြေရန် ကြိုးစားခဲ့သော်လည်း ဘေးနားတွင်ရှိနေသူများ၏ တာဆီးမှုကို ခံခဲ့ရကြောင်း ပြောကြားခဲ့သည်။ အဆိုပါ ဗီဒီယိုကို YouTube ပေါ် လွှင့်တင်ခဲ့ပြီးနောက် ကြည့်ရှုသူ ထောင်နှင့်ချီ၍ ရှိခဲ့ပြီး နောက်ပိုင်းတွင် YouTube က ပြန်ဖျက်ခဲ့သည်။

သေဆုံးသွားသည့်အမျိုးသမီးငယ်မှာ မည်သူမည်ဝါဖြစ်ကြောင်း မသိရှိရသေးဘဲ စုံစမ်းစစ်ဆေးမှုများ ပြုလုပ်နေကာ၊ တင်းမာမှုများ ဆက်လက်ပြန့်နှံ့သွားမည်ကို စိုးရိမ်နေသည်ဟု ရဲတပ်ဖွဲ့က ပြောကြားခဲ့သည်။

Ref: Dailymail