အသက် ၁၁ နှစ်နဲ့ ဘွဲ့ရတဲ့ အိန္ဒိယနွယ်ဖွား အမေရိကန်နိုင်ငံသား ပါရမီရှင်လေး

မေ ၂၅ ၊ ၂၀၁၅
M-Media

ကယ်လီဖိုးနီးယားပြည်နယ်၊ စက်ခရာမန်တို ဇာတိနေ၊ အိန္ဒိယနွယ်ဖွား အမေရိကန် နိုင်ငံသား အသက် ၁၁ နှစ်အရွယ် တန်နစ်ရှ် အီဗရာဟီမ်သည် အိမ်တွင်း လေ့လာသင်ကြားမှုအားဖြင့် ပညာသင်ကြား လာရသူဖြစ်သည်။ ယခုအခါ စက်ခရာမန်တိုရှိ American River College (ARC) ကောလိပ်မှ သင်္ချာ၊ သိပ္ပံနှင့် နိုင်ငံခြား ဘာသာရပ် ဘွဲ့သုံးရပ်ကို အခြား ကျောင်းသား ၁၈၀၀ အကြား ထူးထူးခြားခြား တစ်ချိန်တည်း ဆွတ်ခူးရယူနိုင်ခဲ့သည်။

အီဗရာဟင်မ်သည် ယခုနှစ် ARC ကောလိပ်၏ အသက်အငယ်ဆုံး ဘွဲရကျောင်းသားဖြစ်ပြီး ယမန်နှစ်ကလည်း အသက်အငယ်ဆုံးဖြင့် အထက်တန်းကျောင်းအောင်မြင်သူ အဖြစ် စာရင်းဝင်ခဲ့သည်။ ထိုအချက်ကို ကောလိပ်၏ပြောရေးဆိုခွင့်ရှိသူ စကော့ ခရိုးက NBC သတင်းဋ္ဌာနသို့ အတည်ပြု ပြောကြားသည်။

သူသည် အသက် ၇ နှစ်အရွယ်ကပင် အိမ်တွင်း ပညာသင်ကြားရေး စနစ်ဖြင့် တက်လှမ်းသူဖြစ်ပြီး ယမန်နှစ် မတ်လ၌ ပြည်နယ် စာမေးပွဲအောင်မြင်ကာ တက္ကသိုလ် ပညာရေးအဆင့်တက်လှမ်းရန် အသိအမှတ်ပြုခံရသည်။ သမ္မတ ဘားရက် အိုဘားမားကပင် ဂုဏ်ပြုလွှာပို့ပေးသည်အထိ အရေးစိုက်ခံရသည်။

အသက် ၄ နှစ်အရွယ်ကတည်းက ထင်ရှားထူးခြား ဥာဏ်ရည်မြင့်အဖွဲ့ MENSA၏ အဖွဲ့ဝင်ဖြစ်ခဲ့သည်။ သူသည် အတန်းတိုင်း၏ရှေ့ဆုံးတွင် အစဉ်အမြဲ ဦးဆောင်နေခဲ့ကြောင်း မိခင်ဖြစ်သူ တာဂျီ အီဗရာဟီမ်က ဆိုသည်။ “ကောလိပ်ကနေ ဘွဲ့ရလာခြင်းမှတ်တိုင်က ကျွန်တော့်အဖို့ ထူးခြားဆန်းကြယ်လွန်းတာတော့ မဟုတ်ပါဘူး” ဟု သူက ဒေသန္တရ ရုပ်မြင်ဋ္ဌာနသို့ ပြောကြားသည်။

အတန်းထဲ၌ ချာတိတ် တစ်ဦးရောက်နေခြင်းအဖြစ်ကို ကောလိပ်ကျောင်းသား အချို့မှ စိတ်ပျက်ကြသော်လည်း အများစုကမူ ပျော်ရွှင်လက်ခံကြသည်ဟု အီဗရာဟီမ်က ပြောပြသည်။

ဘွဲ့နှင်းသဘင် အခမ်းအနားတွင် သူအကြိုက်ဆုံး “Toy Story” ဇာတ်ကား၏စာသား “2 Infinity and Beyond” စာတန်းပါအင်္ကျီကို ၀တ်ဆင်ခဲ့သည်။

“ကျွန်တော် ဆရာဝန်တစ်ဦး ဖြစ်ချင်ပါတယ်။ ဆေးပညာ သုတေသီတစ်ဦးလည်း ဖြစ်ချင်ပါသေးတယ်။ ဒါ့အပြင် အမေရိကန် သမ္မတလည်း ဖြစ်ချင်ပါတယ်။ သင်ယူလေ့လာတာကို ကျွန်တော် နှစ်သက်တာကြောင့် လေ့လာလိုမှုဝသီနောက် တစိုက်မတ်မတ်လိုက်ရာကနေ ခုလို ဒီနေရာမှာ ရပ်နိုင်ခြင်းပဲဖြစ်ပါတယ်” ဟု ပါရမီရှင် ချာတိတ်လေးက Fox သတင်းဋ္ဌာနသို့ ပြောကြား သွားသည်။

Ref : Hindustan Times