ယူကေရှိ ကျန်းမာရေးအဖွဲ့တစ်ခု ရမ်ဇာန်တွင် ဆီးချိုရောဂါသည်များအတွက် ကျန်းမာရေး စောင့်ရှောက်မှုပေးမည်

မေ ၂၆၊ ၂၀၁၅
M-Media

– ကမ္ဘာတစ်ဝှမ်းရှိ မွတ်စလင်များက ရမ်ဇာန်ဥပုသ်လကို ငံ့လင့်နေသည့်အချိန်တွင် စကော့တလန်ရှိ ကျန်းမာရေး စောင့်ရှောက်မှု အဖွဲ့တစ်ခုက ဆီးချိုရောဂါ ခံစားနေရသူများအတွက် ရမ်ဇာန်လအတွင်း ကျန်းမာရေးစောင့်ရှောက်မှု ပေးအပ်မည့် အစီအစဉ်ကို စတင်လိုက်သည်။

“ဒီနှစ် ရမ်ဇာန်က နွေရာသီမှာ ကျရောက်မှာဖြစ်ပြီး ဥပုသ်စောင့်ချိန်က ၁၇ နာရီနဲ့အထက် ရှိမှာဖြစ်ပါတယ်။ ဆီးချိုရှိတဲ့ မွတ်စလင်တွေအတွက် ဒါက သွေးထဲသကြားဓာတ်နည်းတာ၊ ရေဓာတ်နည်းတဲ့ အန္တရာယ်တွေ ပိုများသလို နံနက် ဥပုသ်ထမင်းစားချိန်နဲ့ ညနေ့ ဥပုသ်ထွက် စားသောက်ချိန်တွေမှာ ဂလူးကို့စ်မြင့်မားဖို့ အခွင့်အလမ်းကို ပိုများစေပါတယ်” ဟု Diabetes UK အဖွဲ့၏ စကော့တလန်အဖွဲ့ခွဲမှ ဆာကစ်ဘ် အက်ဘာစီက ပြောကြားခဲ့သည်။

ထို့ပြင် အက်ဘာစီက ဆီးချိုရှိသော မွတ်စလင်များအနေဖြင့် ရမ်ဇာန်လအတွင်း Diabetes UK မှပေးသော ကျန်းမာရေးစောင့်ရှောက်မှုကို ခံယူရန် တိုက်တွန်းခဲ့သည်။

“သင့်မှာ ဆီးချိုရှိပြီး ဥပုသ်စောင့်ဖို့ စဉ်းစားတယ်ဆိုရင်တော့ နောက်ဆုံး ဆုံးဖြတ်ချက်မချမီ သင့်ရဲ့ ရှေ့ဆောင်အီမာမ်၊ ဆရာဝန်တွေနဲ့ သေချာ ဆွေးနွေးသင့်ပါတယ်” ဟု ၎င်းက ထည့်သွင်းပြောကြားခဲ့သည်။

Diabetes UK အဖွဲ့၏ ၂၀၁၅ ရမ်ဇာန်လှုပ်ရှားမှုတွင် ဆီးချိုရောဂါနှင့်ပတ်သက်သည့် အချက်အလက်များ ရေးသားထားသော စာရွက်များကို ဘာသာစကားအမျိုးမျိုးဖြင့် ရိုက်နှိပ်ကာ ဗလီဝတ်ကျောင်းတော်များနှင့် အစ္စလာမ့်စင်တာများကို ဖြန့်ဝေသွားရန်လည်း ပါဝင်သည်။

အဆိုပါ လှုပ်ရှားမှုတွင် ပါဝင်သူများမှာ ရမ်ဇာန်ဥပုသ်လအတွင်း ဆီးချိုရောဂါအား ဂရုစိုက်ခြင်းနှင့် ပတ်သက်သည့် ရှင်းလင်းပြသမှုများကိုလည်း ပြုလုပ်သွားမည်ဖြစ်သည်။

ရမ်ဇာန်ဥပုသ်လတွင် ဥပုသ်သီလ ဆောက်တည်ခြင်းမှာ မွတ်စလင်များအနေဖြင့် သည်းခံခြင်း၊ မိမိကိုယ်ကို ထိန်းချုပ်နိုင်ခြင်းနှင့် စိတ်ပိုင်းဆိုင်ရာ သန့်စင်မှုတို့ ရရှိစေရေး လေ့ကျင့်သင်ကြားပေးခြင်းဖြစ်ပြီး၊ ရမ်ဇာန်လတွင် အလ္လာဟ်အရှင်မြတ်နှင့် ပိုမို နီးကပ်မှုကိုရရန်
ဝတ်ပြုခြင်း၊ ကုရ်အာန်ကျမ်းတော်မြတ်အား ဖတ်ရွတ်ခြင်းနှင့် ကောင်းမွန်သော အပြုအမူများ ဆောင်ရွက်ခြင်းတို့တွင် မိမိတို့၏ အချိန်များကို နှစ်မြှုပ်ထားရသည်။

ဥပုသ်သီလဆောက်တည်ခြင်းမှာ အရွယ်ရောက်ပြီးသော မွတ်စလင် အမျိုးသား၊ အမျိုးသမီးတိုင်း မလုပ်မနေရ တာဝန်တစ်ခုဖြစ်ပြီး နေမကောင်းသူများ၊ ခရီးသွားသူများ၊ ဥပုသ်သီလ ဆောက်တည်ခြင်းကြောင့် ကျန်းမာရေးအန္တရာယ် ရှိသူများအတွက်မူ ပလပ်ခွင့်ရှိသည်။

အစ္စလာမ့်ဓမ္မပညာရှင်များကမူ အင်ဆူလင်ထိုးရန်လိုအပ်သည့် ဆီးချိုရောဂါသည်များမှာလည်း ဥပုသ်သီလ ဆောက်တည်ရန်မလိုသည့် ပုဂ္ဂိုလ်များစာရင်းတွင် ပါဝင်သည်ဟု ဆုံးဖြတ်ထားသည်။

ယခုနှစ် ရမ်ဇာန်ဥပုသ်လမှာ ဇွန်လ တတိယသီတင်းပတ်အတွင်း ကျရောက်မည်ဖြစ်သည်။

Ref: Onislam