ချာ့ခ်ျတွေက မွတ်စ်လင်မ်တွေကို ဘာသာပြောင်းအောင် မလုပ်နိုင်ဟု ကာတာ အခြေစိုက် ပညာရှင်ပြော

M-Media
မေ ၂၆၊၂၀၁၅
–
၂၀၁၅ ခုနှစ်၊ မေလ ၂၅ ရက်၊ မလေးရှားနိုင်ငံ ကွာလာလမ်ပူမှာ Global Movement of Moderates Foundation က ကြီးမှူးကျင်းပတဲ့ မကာစစ်ဒုရှရီအဟ်(တရားတော်အမြင်မြှင့်တင်ရေး) စကားဝိုင်းဆွေးနွေးပွဲတစ်ရပ်ကျင်းပခဲ့ပါတယ်။
–
မွတ်စ်လင်မ်လူများစုရပ်ဝန်းအတွင်းက ချာ့ခ်ျဘုရားကျောင်းနဲ့ ဟိန္ဒူဘုရားကျောင်း တွေကို ကန့်ကွက်ဆန္ဒပြနေကြတဲ့ မွတ်စ်လင်မ်တွေကို ရည်ညွှန်းပြီး “အစ္စလာမ့်ဘောင် အပြင်ရောက်ခြင်း ကိစ္စတွေက အဆောက်အဦတွေကြောင့် မဟုတ်ဘူး၊ယုံကြည်ချက် အယူဝါဒကြောင့် သာဖြစ်တယ်” လို့ ဒိုဟာအခြေစိုက် အစ္စလာမ့် ပညာရှင် ဒေါက်တာ Jaseer Auda က ဆွေးနွေးပွဲစကားဝိုင်းမှာပြောကြားလိုက်ပါတယ်။
–
မေလ ၁၇ ရက်နေ့က Kuala Selangor နယ်၊ Puncak Alam က မွတ်စ်လင်မ် လူများစုရပ်ဝန်းထဲ ဟိန္ဒူဘုရားကျောင်း တည်ဆောက်ရေးစီစဉ်မှုကြောင့် ဒေသခံ မွတ်စ်လင်မ် ၃၀၀ မှ ၅၀၀ အကြားလူထုက ကန့်ကွက်ဆန္ဒပြခဲ့ကြတယ်။
–
အလားတူစွာပဲ ပြီးခဲ့တဲ့လအတွင်း မွတ်စ်လင်မ် လူများစုရပ်ဝန်းထဲ ချာ့ခ်ျကျောင်းသစ်တစ်ခုရဲ့မျက်နှာစာမှာ လက်ဝါးကပ်တိုင်ပြသထားခြင်းက အစ္စလာမ်ကိုစိန်ခေါ်တာဖြစ်တယ်၊ မွတ်စ်လင်မ်လူငယ်တွေအပေါ် သြဇာသက်ရောက်စေတယ်ဆိုပြီး Pelaling Jaya က TAman Medan နယ်ခံလူ ၅၀ မှ ကန့်ကွက်ခဲ့ကြပါတယ်။
–
အပြည်ပြည်ဆိုင်ရာ အစ္စလာမ်သာသနာ့ပညာရှင်များသမဂ္ဂ International Union of Muslim Scholars ရဲ့ တည်ထောင်သူ အဖွဲ့ဝင်တစ်ဦးဖြစ်တဲ့ Dr. Jaseer Auda က စားပွဲဝိုင်းဆွေးနွေးပွဲပြီးနောက် သတင်းထောက်များကို ဒီလိုပြောကြားခဲ့ပါတယ်။
–
“ကျွန်တော် အီဂျစ်က လာတာပါ။ ကျွန်တော်တို့ဆီ ကနေရာတိုင်းမှာ ဗလီတွေနဲ့ကပ်လျက် ချာ့ခ်ျကျောင်းတွေ ရှိနေကြတာပါပဲ။ ကျွန်တော်တို့ ဒီပုံစံ အတိုင်း နေထိုင်လာကြတာ နှစ်ပေါင်း ၁၄၀၀ ကျော်ခဲ့ပါပြီ။ ကိုင်ရိုမှာကြီးပြင်းလာသူ တစ်ဦးအနေနဲ့ ဒီအရာကို ပြဿနာတစ်ရပ် အဖြစ် မမြင်ပါဘူး။ ဘာသာကူးပြောင်းခြင်းဆိုတာက သီးသန့်ကဏ္ဍသာဖြစ်ပါတယ်။ လူတွေက မိမိတို့ရဲ့ယုံကြည်ချက် အရသာ ကူးပြောင်း သက်ဝင်ကြတာပါ၊ ဘုရားကျောင်း တည်ဆောက်ခြင်းမတည်ဆောက်ခြင်းနဲပ ဘာမှမသက်ဆိုင်ပါဘူး။ မလေး မွတ်စ်လင်မ်တွေက ၀တ်ပြုနေရာ၊ အလ္လာဟ်ဆိုတဲ့ အမည်နာမ အသုံးပြုမှု၊ စည်းမျဉ်းပြဋ္ဌာန်း ကျင့်သုံးစေရေး စတဲ့ အသေးအဖွဲ ကဏ္ဍများထဲမှာ အာရုံစိုက်လွန်းတဲ့ အပေါ် ကျွန်တော် မှင်သက် အံ့သြသွားရပါတယ်။ အဲ့ဒါတွေအစား ပညာရေး၊ လူထုကျန်းမာရေး၊ တရားဥပဒေ စိုးမိုးရေး စတဲ့ လူမှုစီးပွားဆိုင်ရာ အဓိကကျတဲ့ပြဿနာတွေကို ပိုမိုအလေးထားသင့်တယ်လို့ သတိပေးလိုပါတယ်။ ဒါ့အပြင် အယူဝါဒ အသီးသီးက အထွဋ်အမြတ်ထားတဲ့ ၀တ်ပြုနေရာတွေကို ဆန့်ကျင်တာဟာ သက်ဆိုင်ရာ ဘာသာဝင်တွေကို စော်ကားရာရောက်နေပါတယ်။ ဘာသာတရားတိုင်း မိမိတို့ရဲ့ဝတ်ပြုနေရာကို လွတ်လပ်စွာ တည်ဆောက်ခွင့်ရှိကြပါတယ်။” ။

Ref : The Malay Mail Online