ရိုဟင်ဂျာတို့အား ဖိနှိပ်မှု အင်ဒိုနီးရှား ဗုဒ္ဓဘာသာဝင်များမှ ရှုတ်ချ

မေ ၂၉ ၂၀၁၅
M-Media

အကြမ်းဖက်ဆက်ဆံမှုသည် ဗုဒ္ဓဓမ္မ သွန်သင်ချက် အစစ်အမှန်နှင့် ဆန့်ကျင်နေကြောင်း အထူးပြုဖော်ပြ၍ မြန်မာနိုင်ငံရှိ ရိုဟင်ဂျာ မွတ်စ်လင်မ်များ အပေါ် အကြမ်းဖက်နေမှုအား အရှေ့ဂျာဗားရှိ မဒူရာမှ ထင်ရှားသော ဗုဒ္ဓဘာသာဝင် တစ်ဦးဖြစ်သည့် Kosala Mahinda က  ရှုတ်ချလိုက်သည်။

“လူသားအားလုံးကို မေတ္တာထားဖို့ ဗုဒ္ဓ၀ါဒက ကျွန်တော်တို့ကို သွန်သင်ထားတဲ့ အတွက် ရိုဟင်ဂျာပြဿနာ ဖြစ်ပေါ်လာအောင် လုပ်စရာအကြောင်းကို မရှိပါဘူး။ မြန်မာနိုင်ငံထဲက ပဋိပက္ခကို အဖြေရှာနိုင်လိမ့်မယ်လို့ ကျွန်တော်တို့ မျှော်လင့်ပါတယ်။ ဒီပြဿနာဟာ ကမ္ဘာ့ဘာသာတရားများရဲ့ သဟဇာတဖြစ်စဉ်ကို ခြိမ်းခြောက်လာနိုင်တဲ့ အတွက် ကုလသမဂ္ဂအနေနဲ့ ဒီအပေါ်မှာ အရေးစိုက်ကိုင်တွယ်ဖို့ လိုအပ်ပါတယ်” ဟု မဒူရာမှ Avalokitesvara  Temple Foundation ဥက္ကဋ္ဌဖြစ်သူ မဟင်းဒါးက Antara သတင်းဋ္ဌာနသို့ ပြောကြားခဲ့သည်။  တဆက်တည်းမှာပင် ဗုဒ္ဓဘာသာဝင်နှင့် မွတ်စ်လင်မ်များ အတူတစ်ကွ ငြိမ်းချမ်းစွာ ယှဉ်တွဲနေထိုင်ပြီး အပြန်အလှန်လေးစားမှုရှိကြသော Pamekasan ကဲ့သို့ အင်ဒိုနီးရှားဒေသများကိုလည်း ချီးကျူးစကားဆိုခဲ့သည်။

စုမားတြားမြောက်ပိုင်း Medan နယ်မှ ဗုဒ္ဓဘုန်းတော်ကြီး Peter Lim ကလည်း “ဒီအကြမ်းဖက်လုပ်ဆောင်မှုတွေဟာ ဗုဒ္ဓလမ်းစဉ်နဲ့ ဗုဒ္ဓသွန်သင်ချက်ကို စော်ကားရာရောက်တဲ့အတွက် ဘုန်းဘုန်း အရှက်ရ၀မ်းနည်းမိပါတယ်။ အဲ့ဒီအစွန်းရောက်တွေရဲ့ ဖိနှိပ်ညှင်းပန်းမှုက ဗုဒ္ဓလမ်းစဉ်သွန်သင်ချက်တွေကို ကိုယ်စားမပြုပါဘူး” ဟု မကြာသေးမီက ရှုတ်ချပြောဆိုပါသည်။

ထို့ပြင် ဗုဒ္ဓဘာသာဝင် လူ့ဘောင်ကောင်စီ  Walubi  မှလည်း နိုင်ငံတွင်းရှိဗုဒ္ဓဘာသာဝင်တို့အား Aceh  နှင့် စုမားတြားမြောက်ပိုင်း တွင် သောင်တင်နေကြသည့် ရိုဟင်ဂျာ ဒုက္ခသည်များအပေါ် အကူအညီပေးကြဖို့ နှိုးဆော်ထားသည်။ မြန်မာနိုင်ငံ၊ ရခိုင်ပြည်နယ်ရှိ ရိုဟင်ဂျာလူနည်းစု(အပါအ၀င် မြန်မာမွတ်စ်လင်မ်)တို့အား ဖိနှိပ် ညှင်းပန်းမှုဖြစ်စေအောင် တွန်းအားပေးနေသော အရှင်ဝီရသူမှ ဖြန့်ချိနေသည့် အယူသည်း အစွန်းရောက်ဝါဒမှာ အင်ဒို ဗုဒ္ဓဘာသာဝင်များနှင့် အလျဉ်း မပတ်သက်ကြောင်း အဆိုပါအဖွဲ့အစည်းက ကနဦးပိုင်းကပင် ပြောဆိုထားပြီးဖြစ်သည်။

Ref : The Jakarta Post

ဓါတ်ပုံအညွှန်း- မွတ်စလင်မ် အများစုနေထိုင်ရာ အင်ဒိုနီးရှားမှ ယနေ့တိုင် ထိန်းသိမ်းစောင့်ရှောက်ထားသည့် ရှေးအကျဆုံးနှင့် အကြီးဆုံးဘုရား