နိုင်ငံတကာ သတင်းတို (မေ ၂၉၊ ၂၀၁၅)

မေ ၂၉၊ ၂၀၁၅
M-Media

ဆော်ဒီရှိ ရှီအာဗလီကို IS တို့ ဗုံးခွဲရန် ကြိုးစားပြန်
…………………………….
ဆော်ဒီအာရေဗျနိုင်ငံအရှေ့ပိုင်း ဒန်မန်းမြို့ရှိ အီမန်ဟူစိန် ရှီအာဗလီတွင် သောကြာနေ့ဝတ်ပြုမှုများ ပြုလုပ်နေစဉ် အပြင်ဘက်၌ ကားဗုံးပေါက်ကွဲမှုတစ်ခု ဖြစ်ပွားခဲ့ပြီး လူ ၄ ဦး သေဆုံးခဲ့သည်။ တိုက်ခိုက်သူများမှာ ဗလီအတွင်းသို့ဝင်ရောက်ရန် ကြိုးစားစဉ် ထိုကဲ့သို့ ပေါက်ကွဲမှု ဖြစ်ပွားခြင်းဖြစ်သည်ဟု ဒေသတွင်းမီဒီယာများက ဖော်ပြခဲ့သည်။ မေ ၂၂ ရက် သောကြာနေ့ကလည်း
ရှီအာဗလီတစ်ခုကို IS တို့က ဗုံးခွဲခဲ့ပြီး ယခုလုပ်ရပ်အတွက်လည်း ၎င်းတို့က တာဝန်ယူခဲ့သည်။

ပိုင်ဆိုင်မှု အငြင်းပွားသည့်ကျွန်းတွင် တရုတ်က လက်နက်များ တပ်ဆင်ထား
………………………….
တောင်တရုတ်ပင်လယ်အတွင်းရှိ ဗီယက်နမ်၊ ဖိလစ်ပိုင်တို့နှင့် တရုတ်နိုင်ငံတို့ ပိုင်ဆိုင်မှုအငြင်းပွားနေသော စပရက်တလေကျွန်းတွင် တရုတ်နိုင်ငံက ရွှေ့ပြောင်းနိုင်သော အဝေးပစ်လက်နက်များ ချထားသည်ဟု အမေရိကန်က ပြောကြားလိုက်သည်။
ပင်တဂွန်ပြောရေးဆိုခွင့်ရှိသူ ဘရန်ကိုလ်ဘန်းက မိမိတို့အနေဖြင့် ထိုလက်နက်များကို စောင့်ကြည့်နေသည်ဟုဆိုပြီး ဆီးနိတ်လွှတ်တော်၏ လက်နက်ဆိုင်ရာကော်မတီမှ ဥက္ကဖြစ်သူ ဂျွန်မက်ကိန်းကမူ တရုတ်နိုင်ငံ၏ ထိုလုပ်ရပ်က စိုးရိမ်စရာကောင်းပြီး တင်းမာမှုကို မြင့်တက်စေသည်ဟု ပြောကြားခဲ့သည်။

ဂျာမနီ၏ လျှို့ဝှက်ထောက်လှမ်းမှု ဘယ်လ်ဂျီယံ စုံစမ်းနေ
…………………………..
ဂျာမနီက မိမိတို့နိုင်ငံအား ကြားဖြတ် လျှို့ဝှက်ထောက်လှမ်းမှုများ ပြုလုပ်ခဲ့သည်ဟူသော စွပ်စွဲချက်များအတွက် စုံစမ်းစစ်ဆေးမှုများကို လုပ်ဆောင်နေသည်ဟု ဘယ်လ်ဂျီယံနိုင်ငံက ယနေ့တွင် ပြောကြားလိုက်ပြီး စွပ်စွဲခဲ့သည့်အတိုင်း တွေ့ရှိပါက ဂျာမနီအနေဖြင့် ဖြေရှင်းချက်ပေးရမည်ဟု သတိပေးခဲ့သည်။

ဖီဖာညီလာခံ ဗုံးခွဲမည်ဟု ခြိမ်းခြောက်ခံရ
…………………………………
ဇူးရစ်ခ်ျမြို့၌ ယနေ့တွင်ပြုလုပ်ခဲ့သည့် ဖီဖာညီလာခံတွင် ဗုံးဖောက်မည်ဟု တယ်လီဖုန်းဖြင့် ခြိမ်းခြောက်ခြင်းခံခဲ့ရသောကြောင့် အခမ်းအနားပြုလုပ်သည့်ခန်းမအတွင်း ရှာဖွေမှုများ ပြုလုပ်ခဲ့ရသည်ဟု ဆွစ်ဇာလန်ရဲတပ်ဖွဲ့က အတည်ပြုပြောကြားခဲ့သည်။ သို့သော်လည်း မည်သည့် ဗုံးမှ ရှာတွေခဲ့ခြင်းမရှိဘဲ နောက်ပိုင်းတွင် အစည်းအဝေးကို ပြန်စနိုင်ခဲ့သည်။

Ref: News Agencies